Bæjarráð - 934. fundur - 20. júní 2016

1.  

Framför - beiðni um styrk í formi niðurfellingar á gatnagerðargjöldum - 2014100003

Lagður er fram tölvupóstur stjórnar Framfarar frá 15. júní sl., varðandi sáttabeiðni vegna húss í Dagverðardal.

Bæjarstjóri gerði grein fyrir stöðunni. Bæjarráð felur bæjarstjóra að gera drög að viðauka vegna málsins og ganga frá samningi við Framför með fyrirvara um samþykki bæjarstjórnar.

2.  

Hlaupahátíð á Vestfjörðum 2012-2016 - 2012070021

Lagt er fram bréf Guðbjargar Rósar Sigurðardóttur, f.h. stjórnar Hlaupahátíðar á Vestfjörðum, dags. 22. maí sl., varðandi stuðning Ísafjarðarbæjar við Hlaupahátíð á Vestfjörðum 2016.

Bæjarráð samþykkir beiðni Hlaupahátíðarinnar.

3.  

Úttekt á reglum um rekstrarleyfi gististaða - 2016060047

Umræður um útgáfu rekstrarleyfa gististaða í Ísafjarðarbæ.

Bæjarráð felur bæjarritara að vinna áfram að málinu og leggja fram minnisblað fyrir næsta fund.

4.  

Hverfisráð Ísafjarðarbæ - 2011030002

Lögð er fram fundargerð Hverfisráðs Íbúasamtaka í Hnífsdal, sem haldinn var 23. apríl sl. ásamt tillögum að nýtingu framkvæmdafjár ársins 2016.

Fundargerðin lögð fram til kynningar. Bæjarráð felur bæjarritara að vinna með Hverfisráði að hugmyndum um nýtingu framkvæmdafjár.