Bæjarráð - 758. fundur - 23. júlí 2012

Þetta var gert:

1.         Ráðning námsráðgjafa við Grunnskólann á Ísafirði. 2012-06-0058.

Til fundar við bæjarráð komu þær Sveinfríður Olga Veturliðadóttir, skólastjóri Grunnskólans á Ísafirði, og Margrét Halldórsdóttir, sviðsstjóri skóla- og tómstundasviðs Ísafjarðarbæjar.

Að fengnu áliti lögfræðings mennta- og menningarmálaráðuneytis, þar sem fram kemur að skv. lögum um náms- og starfsráðgjafa nr. 35/2009 hafa þeir einir rétt til slíkra starfa sem lokið hafa námi í náms- og starfsráðgjöf, er það niðurstaða bæjarráðs að hafna öllum umsóknum um starfið.

Bæjarráð felur skólastjóra Grunnskólans á Ísafirði og sviðsstjóra skóla- og tómstundasviðs að fara nánar yfir málið og leita lausna. Enn fremur felur bæjarráð formanni og sviðsstjóra skóla- og tómstundasviðs að leggja fram minnisblað um feril málsins.

Daníel Jakobsson bæjarstjóri kom til fundar að lokinni afgreiðslu 1. liðar.

2.         Framlög úr Jöfnunarsjóði sveitarfélaga til eflingar tónlistarnáms og jöfnunar á aðstöðumun nemenda vegna skólaársins 2012-2013. 2011-10-0075.

            Bréf frá innanríkisráðuneyti varðandi málið lagt fram til kynningar.

            Bæjarráð vísar bréfinu til sviðsstjóra skóla- og tómstundasviðs.

3.         Setning reglna um vinnulag við eftirfylgni og breytingar á fjárhagsáætlun. Minnisblað bæjarstjóra. 2012-07-0030.

Lagt fram minnisblað Daníels Jakobssonar bæjarstjóra og Jóns Halldórs Oddsonar fjármálastjóra ásamt drögum að reglum um vinnulag og eftirfylgni við breytingar á fjárhagsáætlun.

            Bæjarráð samþykkir ofangreind drög sem vinnureglur með fyrirvara um    samþykki bæjarstjórnar.

4.         Fundargerð stjórnarfundar Fjórðungssambands Vestfirðinga.

            Lögð fram til kynningar.

5.         Bréf frá Sambandi íslenskra sveitarfélaga – Leiðsögn um lýðræði í sveitarfélögum. 2012-07-0029.

            Lagt fram til kynningar.

6.         Uppfærsla á ADSL búnaði Símans á Flateyri, Suðureyri, Þingeyri og í Hnífsdal. 2012-07-0032.

            Rætt um mögulega aðkomu bæjarfélagsins að uppfærslu ADSL búnaðar á framangreindum stöðum.

            Bæjarráð felur bæjarstjóra að vinna áfram að málinu.

7.         Umsögn um drög að landsáætlun um úrgang. 2011-09-0110.

            Vísað til umfjöllunar í nefnd um sorpmál.

Fleira ekki gert. Fundi slitið klukkan 09.20.

Daníel Jakobsson, bæjarstjóri

Hálfdán Bjarki Hálfdánsson, ritari

Eiríkur Finnur Greipsson, formaður bæjarráðs

Albertína Elíasdóttir

Arna Lára Jónsdóttir