Bæjarráð - 535. fundur - 16. júlí 2007
Þetta var gert:
1.Fundargerð nefndar.
Stjórn Skíðasvæðis Ísafjarðarbæjar 13/7. 15. fundur.
Fundargerðin er í einum lið.
Bæjarráð vísar tilnefningum til umhverfisnefndar.
Fundargerðin lögð fram til kynningar.
Umhverfisnefnd 11/7. 268. fundur.
Fundargerðin er í fjórtán liðum.
1. liður. Tillaga umhverfisnefndar samþykkt.
3. liður. Tillaga umhverfisnefndar samþykkt.
6. liður. Tillaga umhverfisnefndar samþykkt.
Fundargerðin staðfest í heild sinni án athugasemda.
2.Samstarfssamningur Hérðassambands Vestfirðinga og Ísafjarðarbæjar. 2007-01-0079.
Lagður fram samstarfssamningur á milli Hérðassambands Vestfirðinga og Ísafjarðarbæjar.
Á fundi bæjarráðs þann 9. júlí s.l., voru gerðar smávægilegar breytingar á samningnum,
sem nú hafa verið færðar í texta.
Bæjarráð samþykkir samning Ísafjarðarbæjar við HSV og felur bæjarstjóra að undirrita
samninginn f.h. Ísafjarðarbæjar.
3.Bréf bæjartæknifræðings. - Skólaakstur í Dýrafirði. 2007-03-0083.
Lagt fram bréf Jóhanns B. Helgasonar, bæjartæknifræðings, dagsett 11. júlí s.l.,
þar sem greint er frá opnun tilboða í skólaakstur í Dýrafirði. Alls bárust þrjú tilboð
frá eftirtöldum aðilum.
Jóni Reyni Sigurðssyni, Þingeyri, kr. 8.550.- pr. ferð.
F&S hópferðabílum ehf., Þingeyri, kr. 9.164.- pr. ferð.
Svanberg R. Gunnlaugssyni, Þingeyri, kr. 9.450.- pr. ferð.
Lagt er til að gengið verði til samninga við Jón Reyni Sigurðsson á grundvelli tilboðs hans.
Bæjarráð felur bæjarstjóra að leita umsagnar bæjarlögmanns, um opnun ofangreindra tilboða áður
en bæjarráð tekur afstöðu til þeirra.
4.Bréf bæjartæknifræðings. - Hesthús í Hnífsdal, hugsanleg uppkaup.
2007-07-0027.
Lagt fram bréf Jóhanns B. Helgasonar, bæjartæknifræðings, dagsett 11. júlí s.l.,
þar sem hann gerir grein fyrir viðræðum við hesthúsaeigendur í Hnífsdal, varðandi hugsanleg uppkaup hesthúsa vegna fyrirhugaðrar jarðgangnagerðar undir Óshlíð.
Bæjarráð tekur jákvætt í uppkaup á hesthúsum í Hnífsdal og felur bæjarstjóra og bæjartæknifræðingi að vinna áfram að málinu.
5.Bréf Ingibjargar Ingadóttur, Ísafirði. - Styrkbeiðni. 2007-07-0026.
Lagt fram bréf frá Ingibjörgu Ingadóttur, Ísafirði, dagsett 5. júlí s.l., þar sem hún óskar eftir styrk
frá Ísafjarðarbæ til að taka þátt í alþjóðlegri göngu, sem haldin er árlega víðs vegar í Bandaríkjunum, til styrktar rannsóknum og meðferð brjóstakrabbameins.
Bæjarráð telur sér ekki fært að verða við erindinu.
6.Bréf Fjórðungssambands Vestfirðinga. - 52. Fjórðungsþing. 2007-07-0020.
Lagt fram bréf frá Fjórðungssambandi Vestfirðinga dagsett 5. júlí s.l., þar sem minnt er á
52. Fjórðungsþing Vestfirðinga er haldið verður á Tálknafirði dagana 7. og 8. september n.k.
Sveitarstjórnir eru beðnar um að senda kjörbréf fyrir fulltrúa sína fyrir 8. ágúst n.k.
Bæjarráð samþykkir að bæjarfulltrúar Ísafjarðarbæjar eigi allir seturétt á Fjórðungsþinginu
og fari með atkvæði Ísafjarðarbæjar að jöfnu.
7.Bréf Young Scandinavia- Scotland Programme. - Kynning á fundi. 2007-06-0085.
Lagt fram bréf frá framkvæmdastjóra Young Scandinavia-Scotland Programme, dagsett 22. júní s.l., þar sem kynntur er fundur aðila frá Skandinavíu og Skotlandi, er haldinn verður í Skotlandi í lok nóvember n.k. Í bréfinu er einstaklingum frá Ísafjarðarbæ boðin þátttaka.
Lagt fram til kynningar.
8.Erindi Fjölmenningarseturs á Ísafirði. - Styrkbeiðni vegna könnunar.
Lagt fram minnisblað bæjarritara dagsett 13. júlí s.l., þar er greint frá tölvupósti er borist hefur
frá Fjölmenningarsetri á Ísafirði, þar sem óskað er eftir styrk frá Ísafjarðarbæ til að kanna atvinnuástand einstaklinga innlendra sem og af erlendum uppruna á norðanverðum Vestfjörðum. Bréfinu fylgir fyrirhugaður spurningalisti vegna könnunarinnar.
Bæjarráð samþykkir styrk að fjárhæð kr. 100.000.-, er færist á liðinn 21-81-995-1.
9.Grunnskólinn á Suðureyri. - Skólamötuneyti. 2007-03-0090.
Lagt fram bréf Jóhanns B. Helgasonar, bæjartæknifræðings, dagsett 13. júlí s.l., þar sem gerð er grein fyrir smávægilegum breytingum á Grunnskólanum á Suðureyri vegna mötuneytis og tækjakaupa. Kostnaðaráætlun er alls kr. 2.750.000.-, sem er að mestu vegna tækjakaupa. Í bréfinu kemur fram að fara verði einnig í breytingar á eldhúsi leikskólans á Suðureyri í tengslum við þetta og lagt er til að farið verði í þær breytingar á árinu 2008.
Bæjarráð samþykkir framkvæmdir í Grunnskóla Suðureyrar, kostnaður fjármagnist úr eignarsjóði.
Fleira ekki gert, fundarbókun upp lesin og samþykkt. Fundi slitið kl. 16:55.
Þorleifur Pálsson, ritari.
Svanlaug Guðnadóttir, formaður bæjarráðs.
Birna Lárusdóttir.
Arna Lára Jónsdóttir.
Halldór Halldórsson, bæjarstjóri.