Bæjarstjórn

Bæjarstjóri leggur til við bæjarstjórn að taka tilboði Hildar Dagbjartar Arnardóttur að fjárhæð kr. 1.556.000,- í fasteignina að Seljalandsvegi 100, með fyrirvara um samþykki Ofanflóðasjóðs.

Tillaga 520. fundar skipulags- og mannvirkjanefndar frá 15. maí sl., um að heimila endurnýjun lóðarleigusamnings við Skólagötu 3, Suðureyri.

Tillaga 520. fundar skipulags- og mannvirkjanefndar frá 15. maí sl., um að heimila útgáfu lóðaleigusamnings til 10 ára.

Tillaga 1064. fundar bæjarráðs frá 3. júní sl. um að samið verði við Vestfirska verktaka ehf. um viðhaldsframkvæmdir á Grunnskóla Suðureyrar.

Tillaga 1064. fundar bæjarráðs frá 3. júní sl., um að leggja 15% eignarhlut Ísafjarðarbæjar í Eyrarvegi 8, Flateyri, inn í sjálfseignarstofnun Nemendagarða Lýðháskólans á Flateyri.

Tillaga forseta um að Kristján Þór Kristjánsson verði kosinn forseti bæjarstjórnar, Hafdís Gunnarsdóttir verði kjörin 1. varaforseti bæjarstjórnar og Nanný Arna Guðmundsdóttir verði 2. varaforseti bæjarstjórnar.

Forseti leggur jafnframt til að kosin verði í bæjarráð Hafdís Gunnarsdóttir sem formaður, Marzellíus Sveinbjörnsson sem varaformaður og Arna Lára Jónsdóttir. Til vara í bæjarráð leggur forseti til að kosin verði Sif Huld Albertsdóttir, Kristján Þór Kristjánsson og Aron Guðmundsson.

Sigurður J. Hreinsson, bæjarfulltrúi Í-listans leggur fram eftirfarandi tillögu:

„Bæjarstjórn Ísafjarðarbæjar samþykkir að fela bæjarstjóra að óska eftir samstarfi við Súðavíkurhrepp um stofnun vinnuhóps sem hafi það hlutverk að gera staðarvals- og fýsileikakönnun á að koma upp skipakirkjugarði í einhverjum innfjarða Ísafjarðardjúps.

Að baki tillögunni liggja tveir megin þættir, varðveisla menningarverðmæta annnarsvegar og nýsköpun í atvinnulífi hinsvegar.

Sportköfun er afar vinsælt sport á heimsvísu, en til að staðir njóti vinsælda til köfunar þurfa þeir að búa yfir einhverju sérstöku aðdráttarafli. Skipsflök eru slíkt aðdráttarafl og víða um heim eru slíkir staðir afar fjölsóttir og eru þannig lóð á vogarskálar í atvinnulífi svæðanna. Með vel skipulögðum skipakirkjugarði, nákvæmri umhverfisvöktun og ströngum reglum, má byggja upp áningarstað sem dregur fólk víða að og býr til nýja tegund afþreyingar fyrir ferðafólk sem heimamenn.

Menningarverðmæti í tréskipum íslendinga liggja undir skemmdum og á síðustu áratugum hefur miklum fjölda af tréskipum verið fargað á eldi eða niðurbroti. Fjármagn til varðveislu þessara menningarminja er af mjög skornum skammti og því miður fátt sem bendir til þess að breyting verði á því í bráð. Timburskip geymast illa á landi, eins og Skagamenn hafa rækilega sannað, en hinsvegar má finna dæmi um að sokkin timburskip varðveitist ótrúlega vel. Með það í huga að varðveita skip með möguleika á að ná í þau síðar og endurgera, má á næstu árum forða fjölda skipa frá eyðingu og varðveita með þeim hætti mikilvæga þætti í atvinnu- og menningarsögu landsins.“

Fundargerð 164. fundar barnaverndarnefndar sem haldinn var 14. maí sl. Fundargerðin er í 3 liðum.

Fundargerð 1062. fundar bæjarráðs sem haldinn var 20. maí sl. Fundargerðin er í 16 liðum.

Fundargerð 1063. fundar bæjarráðs sem haldinn var 27. maí sl. Fundargerðin er í 16 liðum.

Fundargerð 1064. fundar bæjarráðs sem haldinn var 3. júní sl. Fundargerðin er í 14 liðum.

Fundargerð 520. fundar skipulags- og mannvirkjanefndar sem haldinn var 15. maí sl. Fundargerðin er í 9 liðum.

Fundargerð 85. fundar umhverfis- og framkvæmdanefndar sem haldinn var 21. maí sl. Fundargerðin er í 4 liðum.

Fundargerð 439. fundar velferðarnefndar sem haldinn var 16. maí sl. Fundargerðin er í 5 liðum.