Bæjarstjórn

Tillaga sjálfstæðisflokks um að Gautur Ívar Halldórsson verði varamaður í skipulags- og mannvirkjanefnd í stað Hafdísar Gunnarsdóttur.

Lögð fram fundargerð 53. fundar umhverfis - og framkvæmdanefndar, sem haldinn var 12. september sl. Fundargerðin er í 5 liðum.

Lögð fram fundargerð 483. fundar skipulags- og mannvirkjanefndar, sem haldinn var 13. september sl. Fundargerðin er í 8 liðum.

Lögð fram fundargerð 178. fundar íþrótta- og tómstundanefndar, sem haldinn var 13. september sl. Fundargerðin er í 13 liðum.

Lögð fram fundargerð 382. fundar fræðslunefndar, sem haldinn var 7. september sl. Fundargerðin er í 4 liðum.

Lögð fram fundargerð 419. fundar félagsmálanefndar, sem haldinn var 12. september sl. Fundargerðin er í 6 liðum.

Lögð fram fundargerð 987. fundar bæjarráðs, sem haldinn var 18. september sl. Fundargerðin er í 17 liðum.

Lögð fram fundargerð 986. fundar bæjarráðs, sem haldinn var 11. september sl. Fundargerðin er í 10 liðum.

Lögð fram fundargerð 151. fundar barnaverndarnefndar á norðanverðum Vestfjörðum, sem haldinn var 7. september sl. Fundargerðin er í 2 liðum.

Tillaga bæjarstjóra 19. september sl., um að samþykkt verði gjaldskrá fyrir fráveitu í Ísafjarðarbæ.

Lögð fram til samþykktar gjaldskrá fyrir fráveitu í Ísafjarðarbæ. Gjaldskráin var áður samþykkt í bæjarstjórn 2. mars 2017 en er nú lögð fram að nýju með veigalitlum breytingum sem snúa að samþykktarnúmeri í 1. gr. og dagsetningu gjaldskráarinnar.

Tillaga frá 483. fundi skipulags- og mannvirkjanefndar frá 13. september sl., um að samþykkja tillögu að deiliskipulagi fyrir Torfnes sem auglýst var skv. 1. mgr. 43. gr. skipulagslaga 123/2010 og að fela skipulagsfulltrúa að svara athugasemdum í minnisblaði Verkís dags. 23. ágúst 2017.

Tillaga að ályktun frá Fjórðungssambandi Vestfirðinga, sem barst með tölvupósti 19. september sl., og óskað er eftir að sveitarstjórnir á Vestfjörðum setji fram í aðdraganda borgarafundar þann 24. september n.k.

„Borgarafundur á Vestfjörðum 24. september 2017 vill að mat á samfélagslegum áhrifum verði í framtíðinni lagt til grundvallar stórframkvæmdum og lagasetningu þegar það á við.
Jafnframt setur fundurinn fram eftirfarandi þrjár kröfur:

- Ráðist verði strax í vegagerð í Gufudalssveit samkvæmt leið Þ-H (um Teigsskóg), vegna brýnna hagsmuna sveitarfélaganna, atvinnulífsins og íbúa.

- Raforkumál á Vestfjörðum verði færð í nútímabúning með hringtengingu Vestfjarða um Ísafjarðardjúp, þannig að atvinnutækifærum fjölgi á Vestfjörðum.

- Laxeldi verði áfram heimilað í Ísafjarðardjúpi og í því ljósi setji stjórnvöld fram, fyrir árslok, ákvæði um nauðsynlegar mótvægisaðgerðir til að verja laxveiðiár í Ísafjarðardjúpi gegn hugsanlegri hættu á erfðablöndun.“

Tillaga frá 986. fundi bæjarráðs, 11. september sl., um að samþykkja þjónustusamning milli Ísafjarðarbæjar og Samfélagsmiðstöðvarinnar á Þingeyri ses., Blábankans. Drög að samningnum voru tekin fyrir á 981. fundi bæjarráðs, þá voru ekki gerðar athugasemdir við drögin. Samningurinn hefur nú verið undirritaður með fyrirvara um samþykki bæjarstjórnar Ísafjarðarbæjar.

Tillaga frá 181. fundi íþrótta- og tómstundanefndar frá 13. september sl., um að boðað verði til fundar með ungmennum í vikunni 9.-15. október, í lýðræðisviku Evrópuþings sveitarstjórna, þar sem starfsemi sveitarfélagsins er kynnt og ungmenni hvött til að taka þátt í starfi ungmennaráðs.

Tillaga frá 181. fundi íþrótta- og tómstundanefndar frá 13. september sl., um að endurskoðaður verkefnasamningur milli Héraðssambands Vestfirðinga og Ísafjarðarbæjar verði samþykktur.

Tillaga frá 53. fundi umhverfis- og framkvæmdanefndar frá 12. september sl., um að samþykkja Umhverfisstefnu Ísafjarðarbæjar.

Tillaga frá 483. fundi skipulags- og mannvirkjanefndar frá 13. september sl., um að heimila að stofnuð verði lóð undir sumarhús á jörðinni Kirkjubóli í Korpudal.

Tillaga frá 483. fundi skipulags- og mannvirkjanefndar frá 13. september sl., um að samþykkja óverulega breytingu á deiliskipulagi Skrúðs.

Tillaga frá 483. fundi skipulags- og mannvirkjanefndar frá 13. september sl., um að samþykkja tillögu að deiliskipulagi fyrir Sindragötu 4, sem auglýst var skv. 1. mgr. 43. gr. skipulagslaga nr. 123/2010.