Bæjarstjórn

Tillaga frá bæjarstjóra um að bæjarstjórn færi fyrirhugaðan fund hjá sér, sem halda átti þann 30. apríl, þannig að hann verði haldinn þriðjudaginn 6. maí. Fyrri umræða ársreiknings yrði þann 6. maí, og síðari umræða á fyrirhuguðum fundi þann 15. maí.

Tillaga frá 648. fundi skipulags- og mannvirkjanefndar, en fundur var haldinn 13. mars 2025, um að bæjarstjórn samþykki að heimila útgáfu lóðarleigusamnings við Sætún 5 á Suðureyri.

Tillaga frá 648. fundi skipulags- og mannvirkjanefndar, en fundur var haldinn 13. mars 2025, um að bæjarstjórn samþykki að Vestfirskir verktakar ehf. fái lóðina við Æðartanga 9 á Ísafirði skv. umsókn, með þeim reglum sem í gildi eru og settar kunna að verða.
Lóðarumsókn fellur úr gildi hafi byggingarleyfi ekki verið gefið út innan 12 mánaða frá úthlutun.

Tillaga frá 648. fundi skipulags- og mannvirkjanefndar, en fundur var haldinn 13. mars 2025, um að bæjarstjórn samþykki að úthluta lóðinni Hrafnatanga 4 til Nora Seafood ehf. skv. úthlutunarreglum Ísafjarðarbæjar í samræmi við umsókn dags. 11. febrúar 2025 þar sem sótt er um lóðina Hrafnatanga 4, Ísafirði til vara, með þeim reglum sem í gildi eru og settar kunna að verða.

Lóðarumsókn fellur úr gildi hafi byggingarleyfi ekki verið gefið út innan 12 mánaða frá úthlutun.

Tillaga frá 648. fundi skipulags- og mannvirkjanefndar, en fundur var haldinn 13. mars 2025, um að bæjarstjórn samþykki að lóðirnar við Hrafnatanga 6 og Æðartanga 11 verði teknar af lóðalista á grundvelli 6. greinar lóðarúthlutunarreglna Ísafjarðarbæjar og samið verði við Eimskip Ísland ehf.

Nefndin telur að tryggja þurfi lóðir fyrir land- og sjóflutninga sem næst hafnar- og gámasvæði. Staðsetning á þessu svæði mun bæta umferðaröryggi á Suðurtanga.

Tillaga frá 648. fundi skipulags- og mannvirkjanefndar, en fundur var haldinn 13. mars 2025, um að bæjarstjórn heimili endurskoðun á deiliskipulagi íþróttasvæðis við Torfnes og að lóðin við Seljalandsveg 29 verði felld út og svæðið stækkað sem því nemur.

Tillaga frá 648. fundi skipulags- og mannvirkjanefndar, en fundur var haldinn 13. mars 2025, um að bæjarstjórn samþykki að heimila málsmeðferð á greinargerð með uppdrætti frá Verkís ehf., dags. 7. mars 2025, sbr. 31. gr. skipulagslaga nr. 123/2010.

Tillaga frá 648. fundi skipulags- og mannvirkjanefndar, en fundur var haldinn 13. mars 2025, um að bæjarstjórn samþykki að lóðin við Æðartanga 11 verði tekin af lóðalista á grundvelli 6. greinar lóðarúthlutunarreglna Ísafjarðarbæjar.

Bæjarstjórn samþykkti í máli nr. 5 fyrr á fundinum að taka lóðina við Æðartanga 11 af lóðalista á grundvelli 6. gr. lóðarúthlutunarregla Ísafjarðarbæjar, og leggur forseti því til að þessari tillögu verði vísað frá.

Skipulags- og mannvirkjanefnd leggur til við bæjarstjórn að lóðin við Hrafnatanga 6 verði tekin af lóðalista á grundvelli 6. greinar lóðarúthlutunarreglna Ísafjarðarbæjar.

Skipulags- og mannvirkjanefnd lagði jafnframt til við bæjarstjórn að úthluta lóðinni Hrafnatanga 4 til Nora Seafood ehf. skv. úthlutunarreglum Ísafjarðarbæjar í samræmi við umsókn dags. 11. febrúar 2025 þar sem sótt er um lóðina Hrafnatanga 4, Ísafirði til vara, en þá tillögu má þó jafnframt finna í 4. lið fundarins, máli nr. 2025030093.

Leggur forseti því til að þessari síðari tillögu um úthlutun Hrafnatanga 4 verði vísað frá þar sem bæjarstjórn hefur þegar samþykkt umsókn Nora Seafood um lóð að Hrafnatanga 4, í máli nr. 4.

Jafnramt leggur forseti til að tillögu um að lóðinni við Hafnatanga 6 verði vísað frá þar sem bæjarstjórn hefur þegar samþykkt að taka lóðina af lóðalista, skv. ákvörðun í máli nr. 5.

Lagður fram til samþykktar viðauki 03 við fjárhagsáætlun Ísafjarðarbæjar 2025, vegna tillagna á 260. fundi hafnarstjórnar, sem haldinn var þann 6. mars 2025, vegna 80 metra fyrirstöðugarðs við Suðurtanga, og stormpolla við Sundabakka.

Áhrif viðaukans á rekstrarniðurstöðu samstæðu Ísafjarðarbæjar er kr. 0,-.
Áhrif viðaukans á sveitasjóð A hluta er kr. 0 og er því rekstrarafgangur óbreyttur 223.000.000,-
Áhrif viðaukans á samantekin A og B hluta er kr. 0 og því rekstrarafgangur óbreyttur í kr. 995.000.000,- (án samstarfsverkefna B-hluta)

Mál tekið inn með afbrigðum, en um er að ræða tillögu frá 1318. fundi bæjarráðs, sem haldinn var 17. mars 2025, um að bæjarstjórn samþykki viðauka 04 við fjárhagsáætlun 2025 vegna launakostnaðar notendaráðs fatlaðs fólks á Vestfjörðum.

Áhrif viðaukans á rekstrarniðurstöðu samstæðu Ísafjarðarbæjar er kr. 0,-.
Áhrif viðaukans á sveitasjóð A hluta er kr. 0 og er því rekstrarafgangur óbreyttur 223.000.000,-
Áhrif viðaukans á samantekin A og B hluta er kr. 0 og því rekstrarafgangur óbreyttur í kr. 995.000.000,- (án samstarfsverkefna B-hluta)

Lögð fram til kynningar fundargerð 1317. fundar bæjarráðs, en fundur var haldinn 10. mars 2025.

Fundargerðin er í 9 liðum.

Lögð fram til kynningar fundargerð 260. fundar hafnarstjórnar, en fundur var haldinn 6. mars 2025.

Fundargerðin er í 10 liðum.

Lögð fram til kynningar fundargerð 648. fundar skipulags- og mannvirkjanefndar, en fundur var haldinn 13. mars 2025.

Fundargerðin er í 14 liðum.

Lögð fram til kynningar fundargerð 155. fundar umhverfis- og framkvæmdanefndar, en fundur var haldinn 12. mars 2025.

Fundargerðin er í 1 lið.

Lögð fram til kynningar fundargerð 486. fundar velferðarnefndar, en fundur var haldinn 11. mars 2025.

Fundargerðin er í 3 liðum.