Bæjarstjórn

Forseti leggur til að Arna Lára Jónsdóttir verði kosin fulltrúi í stjórn Byggðasafns Vestfjarða, og að Gylfi Ólafsson verði kosinn varamaður, í samræmi við samþykktir Byggðsafnsins.

Tillaga frá 1199. fundi bæjarráðs, sem fram fór 9. júní 2022, um að bæjarstjórn skipi nýjan fulltrúa til setu í fulltrúaráði fyrir hönd Ísafjarðarbæjar.
Forseti leggur til að Gylfi Ólafsson verði kosinn í fulltrúaráð Vestfjarðastofu.

Tillaga frá 1199. fundi bæjarráðs, sem fram fór 9. júní 2022, um að bæjarstjórn tilnefni landsþingfulltrúa á landsþing Sambands íslenskra sveitarfélaga.

Forseti leggur til að Gylfi Ólafsson, Nanný Arna Guðmundsdóttir og Steinunn Guðný Einarsdóttir verði kosin aðalfulltrúar á landsþing, og að Magnús Einar Magnússon, Sigríður Júlía Brynleifsdóttir og Aðalsteinn Egill Traustason verði kosin varafulltrúar á landsþing Sambands Íslenskra sveitarfélaga.

Tillaga frá 1200. fundi bæjarráðs, sem fram fór 13. júní 2022, um að bæjarstjórn tilnefni fulltrúa á samráðsfund Náttúrustofu Vestfjarða og fulltrúa í stjórn stofunnar, og felur bæjarstjóra að mæta sem fulltrúa Ísafjarðarbæjar á samráðsfund Nave.

Forseti leggur til að Catherine Chambers verði kosinn fulltrúi Ísafjarðarbæjar í stjórn Náttúrustofu Vestfjarða.

Tillaga frá bæjarstjóra um að bæjarstjórn taki til síðari umræðu og samþykki þannig breytingar á samþykkt um stjórn Ísafjarðarbæjar og fundarsköp bæjarstjórnar, nánar tiltekið breytingar á 7. tl. B liðar 48. gr., í samræmi við minnisblað sviðsstjóra dags. 14. janúar 2022, og breytingar á samþykkt um öldungaráð, sem samþykktar voru á 488. fundi bæjarstjórnar þann 20. janúar 2022.

Breytingar á 7. tl. B liðar 48. gr. samþykkta um stjórn Ísafjarðarbæjar og fundarsköp bæjarstjórnar fela í sér að samkvæmt samþykkt um öldungaráð Ísafjarðarbæjar kýs bæjarstjórn þrjá fulltrúa og þrjá til vara, félög eldri borgara í Ísafjarðarbæ tilnefna þrjá fulltrúa og þrjá til vara, auk þess sem heilsugæslan kýs einn fulltrúa og einn til vara. Bæjarstjórn velur öldungaráðinu formann úr hópi öldungaráðsmanna. Kjörtímabil ráðsins er hið sama og bæjarstjórnar.

Tillaga frá 1200. fundi bæjarráðs, sem fram fór 13. júní 2022, um að bæjarstjórn samþykki að ganga til samninga við KPMG um árangursstjórnun í fjármálum Ísafjarðarbæjar, í samræmi við verkefnatillögu KPMG, og á grundvelli framlagðs samnings.

Tillaga frá 1200. fundi bæjarráðs, sem fram fór 13. júní 2022, um að bæjarstjórn samþykki viðauka 7 við fjárhagsáætlun Ísafjarðarbæjar 2022, vegna breytinga á áætlun Jöfnunarsjóðs sveitarfélaga, samstarfsverkefnis við KPMG um heildræna árangursstjórnun í fjármálum og biðlauna fyrrverandi bæjarstjóra.

Tillaga frá 1200. fundi bæjarráðs, sem fram fór 13. júní 2022, um að bæjarstjórn samþykki viðauka 8 við fjárhagsáætlun Ísafjarðarbæjar 2022, vegna snjómoksturs ársins 2022.

Tillaga frá 1200. fundi bæjarráðs, sem fram fór 13. júní 2022, um að bæjarstjórn samþykki viðauka við afnotasamning Ísafjarðarbæjar og Fisherman ehf. um afnot af landi til uppbyggingar við Brjótinn á Suðureyri.

Tillaga frá 585. fundi skipulags- og mannvirkjanefndar, sem fram fór 9. júní 2022, um að bæjarstjórn samþykki að Teitur Magnússon fái lóðina við Ártungu 3, Ísafirði, skv. umsókn, með þeim reglum sem í gildi eru og settar kunna að verða. Lóðarumsókn fellur úr gildi hafi framkvæmdir ekki hafist innan 12 mánaða frá úthlutun.

Tillaga frá 585. fundi skipulags- og mannvirkjanefndar, sem fram fór 9. júní 2022, um að bæjarstjórn samþykki að Ívar Valsson, f.h. Tanga ehf, fái lóðina við Daltungu 4, Ísafirði, skv. umsókn, með þeim reglum sem í gildi eru og settar kunna að verða. Lóðarumsókn fellur úr gildi hafi framkvæmdir ekki hafist innan 12 mánaða frá úthlutun.

Tillaga frá 585. fundi skipulags- og mannvirkjanefndar, sem fram fór 9. júní 2022, um að bæjarstjórn heimili útgáfu lóðarleigusamnings vegna viðbótarlóðar við Aðalstræti 8, Ísafirði, í samræmi við deiliskipulag Eyrarinnar.

Tillaga frá 585. fundi skipulags- og mannvirkjanefndar, sem fram fór 9. júní 2022, um að bæjarstjórn heimili útgáfu lóðarleigusamnings undir Öldugötu 5, í samræmi við deiliskipulag Flateyrar.

Tillaga frá 585. fundi skipulags- og mannvirkjanefndar, sem fram fór 9. júní 2022, um að bæjarstjórn heimili auglýsingu á vinnslutillögu grjótvarnar og landfyllingar norðan Skutulsfjarðareyrar, vegna breytingar á Aðalskipulagi Ísafjarðarbæjar 2008-2020, skv. II. mgr. 30. gr. skipulagslaga 123/2010. Nefndin leggur áherslu á að málið verði vel kynnt íbúum og hagsmunaaðilum á auglýsingatímanum.

Tillaga frá 585. fundi skipulags- og mannvirkjanefndar, sem fram fór 9. júní 2022, um að bæjarstjórn heimili uppskipti lands úr landi Neðri-Engidals L138018 og í framhaldinu stækka lóð Efstabóls L2304448, í Engidal.

Lögð fram til kynningar fundargerð 191. fundar barnaverndarnefndar á norðanverðum Vestfjörðum, en fundur var haldinn 12. maí 2022.

Fundargerðin er í einum lið.

Lögð fram til kynningar fundargerð 585. fundar skipulags- og mannvirkjanefndar, en fundur var haldinn 9. júní 2022.

Fundargerðin er í 14 liðum.