Bæjarráð

Bæjarráð þakkar kynninguna og óskar eftir að Stjórnunar- og verndaráætlun 2018-2027 verði kynnt fyrir umhverfis- og framkvæmdanefnd.

Bæjarráð óskar eftir því að skipulags- og mannvirkjanefnd komi með tillögu að reglum varðandi gistirými á Íbúðarsvæðum í Aðalskipulagi Ísafjarðarbæjar.

Bæjarráð leggur til við bæjarstjórn að hækkun á gjaldskrá vegna aksturs fyrir fatlaða og aldraða verði tekin til baka.

Bæjarráð leggur til við bæjarstjórn Ísafjarðarbæjar að samþykkja eftirfarandi ályktun:

„Bæjarstjórn Ísafjarðarbæjar tekur undir með bæjarstjórn Vestmannaeyja og fagnar niðurstöðu starfshóps samgönguráðherra sem leggur m.a. til að teknar verði upp 50% niðurgreiðslur fyrir íbúa landsbyggðanna á tilteknum fjölda ferða og að framtíðarstaðsetning innanlandsflugs verði áfram í Vatnsmýrinni. Bæjarstjórn Ísafjarðarbæjar bendir á að niðurstöður starfshópsins eru í fullu samræmi við stefnumótandi byggðaáætlun sem samþykkt var á Alþingi í sumar.

Það er á grundvelli jafnréttis og sanngirni að slíkum mótvægisaðgerðum sé beitt þegar dreifðari byggðir landsins hafa þurft að þola mikla skerðingu á grunnþjónustu á undanförnum árum.“

Bæjarráð leggur til við bæjarstjórn að samþykkja samninginn varðandi uppsetningu og rekstur á örbylgjusambandi á Ingjaldssandi þar til ljósleiðarasamband verði í boði eða ábúð á heilsársgrundvelli leggst af og feli bæjarstjóra að undirrita fyrirliggjandi samning.

Bæjarráð Ísafjarðarbæjar tekur undir með bréfritara og felur bæjarstjóra að koma á framfæri afstöðu Ísafjarðarbæjar til þar til bærra aðila.

Í fjárhagsáætlun ársins 2019 er gert ráð fyrir 6 milljónum í uppbyggingasamningum Ísafjarðarbæjar til allra íþróttafélaga sveitarfélagsins. Nú þegar er búið að gera 3ja ára samning við eitt íþróttafélag og því búið að binda 3 milljónir af fjármagni næsta árs. Því eru aðeins takmarkaðir fjármunir til úthlutunar.

Í upphafi árs 2019 fer fram gerð uppbyggingasamninga og leggur bæjarráð til að beiðni Hestamannafélagsins Hendingar fari í sama ferli og aðrir uppbyggingasamningar.

Bæjarráð samþykkir að keypt verði leiktæki að fjárhæð allt að kr. 2.000.000,- fyrir fjárfestingarfé sem merkt er hverfisráði Eyrar og efribæjar Ísafjarðar. Sviðsstjóri umhverfis- og eignasviðs ákveði hvaða leiktæki verði keypt í samráði við hverfisráðið. Leiktækið verður sett upp í efri bæ Ísafjarðar í samráði hverfisráðs og sviðsstjóra umhverfis- og eignasviðs á næsta ári fyrir fjárfestingarfé hverfisráðsins. Lögð er áhersla á að leiktækið sé staðsett í samræmi við aðalskipulag og að teiknað verði skipulag fyrir leiksvæðið.

Bæjarráð felur bæjarstjóra að hafa samband við fulltrúa hverfisráðins og vinna betur að tillögu um nýtingu framkvæmdafjár.

Bæjarráð samþykkir að keypt verði partý tjald fyrir fjárfestingarféð sem merkt er hverfisráði Önundarfjarðar. Þar sem um er að ræða kr. 130.000,- meira en áætlað fjárfestingarfé lækkar fjárfestingarfé hverfisráðsins um kr. 130.000,- á árinu 2019. Bæjarstjóra er falið að leggja til viðauka við bæjarstjórn sé þess þörf.

Fundargerðin er lögð fram til kynningar.

Bæjarráð tekur vel í hugmyndina að þessu sinni og felur bæjarstjóra að gera viðauka við fjárhagsáætlun og leggja fyrir bæjarstjórn.

Bæjarráð vísar frumvarpinu til umsagnar í íþrótta- og tómstundanefnd.

Bæjarráð vísar frumvarpinu til umsagnar í fræðslunefnd.

Fundargerðin lögð fram til kynningar.