Bæjarráð

Lagt fram bréf Vilhelmínu Óskar Ólafsdóttur, f.h. Umboðsmanns Alþingis, dagsett 29. desember sl., með fyrirspurnum um úrræði sveitarfélagsins í húsnæðismálum.

Lögð er fram til kynningar fundargerð 490. fundar skipulags- og mannvirkjanefndar sem haldinn var 20. desember sl. Fundargerðin er í 9 liðum.

Lögð er fram fundargerð 386. fundar fræðslunefndar sem haldinn var 4. janúar sl. Fundargerðin er í 4 liðum.

Lagður fram tölvupóstur Vals Rafns Halldórssonar, f.h. Sambands íslenskra sveitarfélaga, dagsettur 20. desember sl. ásamt fundargerð 855. fundar stjórnar Sambands íslenskra sveitarfélaga, sem haldinn var föstudaginn 15. desember sl.

Lagður fram tölvupóstur Sigrúnar Helgu Sigurjónsdóttur, f.h. nefndasviðs Alþingis, dagsettur 22. desember sl., þar sem Ísafjarðarbæ er sent til umsagnar frumvarp til laga um tekjustofna sveitarfélaga (fasteignasjóður), 11. mál. Umsagnarfrestur er til 12. janúar nk.

Lagður fram tölvupóstur Sigrúnar Helgu Sigurjónsdóttur, f.h. nefndasviðs Alþingis, dagsettur 21. desember sl., þar sem Ísafjarðarbæ er sent til umsagnar frumvarp til laga um kosningar til sveitarstjórna (kosningaaldur), 40. mál. Umsagnarfrestur er til 19. janúar 2018.

Einnig lagður fram tölvupóstur Guðjóns Bragasonar f.h. Sambands íslenskra sveitarfélaga, dagsettur 22. desember sl., þar sem nefnt er að gagnlegt væri fyrir stjórn Sambandsins að fá fram afstöðu sveitarstjórna til málsins.

Lagður fram tölvupóstur Aðalsteins Óskarssonar, framkvæmdastjóra Fjórðungssambands Vestfirðinga, dagsettur 19. desember sl., ásamt umsögnum og gögnum sem send voru Alþingi vegna fjárlagafrumvarps 2018.

Bogi Kristinsson Magnusen, skipulags- og byggingarfulltrúi Reykhólahrepps, óskar eftir umsögn Ísafjarðarbæjar vegna breytinga á Aðalskipulagi Reykhólahrepps 2006-2018 í samræmi við 2. mgr. 30. gr. skipulagslaga nr. 123/2010.

Aðalskipulagsbreyting felst í breyttri legu á Vestfjarðavegi (60) í sveitarfélaginu og nýrra efnistökusvæða. Breytingin fjallar um leiðrétta veglínu á Vestfjarðavegi milli Bjarkalundar og Skálaness miðað við endurupptekið umhverfismat ásamt nýjum efnistökusvæðum, en veglína hefur breyst á nokkrum stöðum frá gildandi aðalskipulagi.

Umsögn óskast eigi síðar en 5. janúar 2018

Skipulags- og mannvirkjanefnd tekur undir niðurstöðu Vegagerðar í matsskýrslu varðandi leið Þ-H sem besta kostinn. Nefndin gerir ekki efnislegar athugasemdir við tillöguna.

Kynnt eru drög að gjaldskrá númerslausra bíla ásamt minnisblaði upplýsingafulltrúa.

Kynnt eru drög að breyttri gjaldskrá slökkviliðs Ísafjarðarbæjar 2018. Breytingar hafa orðið á þremur síðustu liðum þar sem verð fyrir öryggishnappa hefur verið jafnað milli einstaklinga og Sjúkratryggingasjóðs, auk þess sem virðisaukaskattur hefur verið lagður á vöktun eldvarnarkerfis.

Lögð fram tölvupóstsamskipti Gísla Halldórs Halldórssonar, bæjarstjóra, og Andreu K. Jónsdóttur, formanns Byggðasamlags Vestfjarða um málefni fatlaðs fólks, frá 21. - 22. desember sl., þar sem tilkynnt er úrsögn Ísafjarðarbæjar úr Byggðasamlaginu. Erindi Ísafjarðarbæjar mun verða tekið fyrir á næsta aðalfundi Byggðasamlagsins.

Lagður fram tölvupóstur Önnu G. Björnsdóttur f.h. Sambands íslenskra sveitarfélaga, dagsettur 18. desember sl., með boði á ráðstefnu um norrænt samstarf í menningarmálum, The Nordic Cultural Political Summit, sem haldin verður í Malmö 9. maí 2018.

Lagður fram tölvupóstur Önnu G. Björnsdóttur, f.h. Sambands íslenskra sveitarfélaga, dagsettur 3. janúar sl., þar sem kynnt er skýrsla um stöðu landsbyggða í Evrópu, sem sveitarstjórnarþing Evrópuráðsins samþykkti á haustþingi sínu 2017. Í skýrslunni er fjallað um tækifæri og áskoranir dreifbýlla svæða í Evrópu og hvernig hægt sé að takast á við þau.

Kynnt ódagsett drög að samningi um rannsóknar- og virkjunarleyfi í Úlfsá Dagverðardal milli AB-fasteigna ehf. og Ísafjarðarbæjar.

Lagðar fram viðræður bæjarstjóra við Bjarg, íbúðafélag, vegna byggingar fjölbýlishúss við Sindragötu 4a.

Lagt er fram minnisblað Helgu Ásgeirsdóttur, verkefnastjóra á fjármálasviði, dags. 05.janúar sl, um skatttekjur og laun frá janúar til nóvember 2017. Þar má sjá að útsvarstekjur eru 65,6 milljónum króna undir áætlun og eru 1.691 milljónir króna fyrir tímabilið. Jöfnunarsjóður er 8,3 milljónum króna yfir áætlun eða 676,5 milljónir króna. Að lokum er launakostnaður 38,9 milljónum króna undir áætlun en kostnaðurinn nemur 2.053 milljónum króna fyrir tímabilið.

Kynnt er frestun á fyrsta fundi verkefnastjórnar Brothættra byggða á Þingeyri til 24. eða 25. janúar næstkomandi.

Lagt fram bréf Árna Bragasonar, landgræðslustjóra, dagsett 12. desember sl., um hlutverk sveitarfélaga í tengslum við endurheimt og varðveislu votlendis á Íslandi.

Lagt fram bréf Sóleyjar Daggar Grétarsdóttur, f.h. umhverfis- og auðlindaráðuneytis, dagsett 21. desember sl., ásamt viðaukasamningi um rekstur Náttúrustofu Vestfjarða.

Umræður um ráðningu verkefnastjóra vegna innleiðingar persónuverndarlöggjafar.

Lagður fram tölvupóstur Jónasar Guðmundssonar, formanns Samgöngufélagsins, dagsettur 17. desember sl., ásamt bréfi varðandi búnað til útsendinga útvarps í Bolungarvíkurgöngum og hugsanlega styrkveitingu í því sambandi.

Lagt fram minnisblað frá Hálfdáni Bjarka Hálfdánssyni upplýsingafulltrúa um beiðni forsvarsmanns Arctic Lindy Hop danshátíðarinnar um fjöldagistingu í íþróttahúsinu við Austurveg í ágúst.

Kynntur tölvupóstur Andra Árnasonar, hrl., dagsettur 30. október 2017, vegna dómsmáls Steingríms Jónssonar, Efri Engidal, gegn Ísafjarðarbæ og ríkinu vegna meints fjártjóns vegna mengunar frá Funa á sínum tíma.

Trúnaðarmál um laun og lífeyrismál starfsmanns.

Kynnt bréf Árna Freys Árnasonar, hdl., f.h. Hraðfrystihússins Norðurtanga ehf., vegna leigugreiðslna fyrir Sundstræti 36.
Einnig kynnt svarbréf Eddu Andradóttur, hrl., f.h. Ísafjarðarbæjar, dagsett 5. janúar sl.

Kynnt gögn vegna lífeyrisskuldbindinga við A-deild Brúar, lífeyrissjóðs.

Á vinnufundi bæjarstjórnar og HSV þann 20. nóvember s.l. var ákveðið að HSV héldi þeim þremur íbúðum sem þeir hafa nú afnot af umfram samstarfssamning og skili þeim í nokkrum skrefum. Einni íbúð verði skilað 1. júní 2018, annarri 1. október 2018 og þeirri þriðju 1. júní 2019. Bæjarráð þarf að staðfesta þessa tillögu fundarins.

Kynnt gögn vegna uppgjörs við Hjallastefnuna ehf. vegna áranna 2016 og 2017 og vegna endurskoðunar samnings.

Lagt fram bréf Árna Brynjólfssonar og Guðmundar Steinars Björgmundssonar f.h. Búnaðarfélagsins Bjarma, og Elísabetar Pétursdóttur, ábúanda á Sæbóli á Ingjaldssandi, dagsett 16. desember sl. varðandi vetrarþjónustu til Ingajaldssands. Einnig er lagt fram minnisblað Brynjars Þórs Jónassonar, sviðsstjóra umhverfis- og eignasviðs, dagsett 3. janúar sl. með kostnaðargreiningu.

Kynntur kaupsamningur vegna kaupa Ísafjarðarbæjar á Stúdíó Dan. Bæjarstjóri leggur til að bæjarráð geri tillögu til bæjarstjórnar um að samningurinn verði samþykktur.