Bæjarráð

Lagt er fram bréf Brynjars Þórs Jónassonar, sviðsstjóra umhverfis- og eignasviðs, dags. 1. júní sl. vegna verksins "Göngustígar í Ísafjarðarbæ 2017" þar sem lagt er til að samið verði við Gröfuþjónustu Bjarna ehf. um verkið.

Lagt fram bréf Hermanns Jónassonar, forstjóra Íbúðarlánasjóðs, dagsett 24. maí sl., þar sem sveitarfélög eru hvött til að hefjast handa við gerð húsnæðisáætlana sem fyrst.

Á 191. fundi hafnarstjórnar 30. maí sl., var kynnt verkefni um skipulagsmál á Sundahöfn. Lagt er fram minnisblað Þórdísar Sifjar Sigurðardóttur, bæjarritara með kostnaðarmati fyrir framkvæmdina.

Lagt fram bréf Brynjars Þórs Jónassonar, sviðsstjóra umhverfis- og eignasviðs, dagsett 9. júní 2017, þar sem lagt er til að keyptur verði nýr sláttutraktor fyrir Þjónustumiðstöð Ísafjarðarbæjar.

Lagðar eru fram til kynningar umsagnir hafnarstjórnar og skipulags- og mannvirkjanefndar á umsagnarbeiðni Skipulagsstofnunar á þorsk- og silungaeldi Hábrúnar í Skutulsfirði, sbr. beiðni 15. maí sl.

Lagt fram bréf Hermanns Jónassonar, forstjóra Íbúðalánasjóðs, dagsett 8. júní sl., þar sem boðið er til viðræða um möguleg kaup sveitarfélaga á fasteignum í eigu sjóðsins innan viðkomandi sveitarfélags. Ef áhugi er fyrir því að Ísafjarðarbær kaupi eignir sjóðsins, þarf að hafa samband eigi síðar en 23. júní nk., að öðrum kosti er fyrirhugað að eignirnar fari í almenna sölu.

Lagður fram tölvupóstur Sigríðar Láru Gunnlaugsdóttur, f.h. Héraðssambands Vestfirðinga, dagsettur 8. júní sl., ásamt bréfi Kristins Kristjánssonar, formanns Golfklúbbs Ísafjarðar. Golfklúbburinn óskar eftir styrk til kaupa á sláttuvél til að slá gróður í kring um brautir vallarins, en gömul vél klúbbsins er ónýt. Ný vél kostar 10 milljónir króna.

Kynnt bréf Sveinfríðar Olgu skólastjóra Grunnskólans á Ísafirði, dagsett 8. júní 2017, þar sem óskað er eftir leyfi til að ráða fleiri stuðningsfulltrúa við skólann vegna fjölgunnar nemenda sem þurfa sérstakan stuðning.

Lagt fram bréf Einars Vals Kristjánssonar, framkvæmdastjóra Hraðfrystihússins Gunnvarar, dagsett 8. júní sl., þar sem Ísafjarðarbæ er boðinn forkaupsréttur að skipinu Páli Pálssyni ÍS-102.

Lagt er fram minnisblað Helgu Ásgeirsdóttur, verkefnastjóra á fjármálasviði, dags. 9. júní sl., um skatttekjur og laun frá janúar til apríl 2017. Þar má sjá að útsvarstekjur eru 76,7 milljónum króna undir áætlun og eru 547,1 milljónir króna fyrir tímabilið. Jöfnunarsjóður er 1,1 milljónum króna yfir áætlun eða 223,1 milljónir króna. Að lokum er launakostnaður 36,1 milljónum króna undir áætlun en kostnaðurinn nemur 690,8 milljónum króna fyrir tímabilið.

Lagður fram tölvupóstur frá Elisabeth Asp, f.h. sveitarfélagsins Linköping í Svíþjóð, dagsettur 9. júní sl., þar sem formlega er boðið til ráðstefnu 31. ágúst - 1. september nk., sem ber yfirskriftina "Digital Transformation in the Cultural Heritage Sector". Á ráðstefnunni verður fjallað um tækifæri og áskoranir fólgnar í því að umbreyta menningartengdum gögnum yfir á stafrænt form, en einnig verður umfjöllun um menningartengda ferðaþjónustu. Dagskrá ráðstefnunnar fylgir póstinum.

Lögð er fram fundargerð 149. barnaverndarnefndar á norðanverðum Vestfjörðum sem haldinn var 8. júní sl., fundargerðin er í 4 liðum.

Lögð fram fundargerð 380. fundar fræðslunefndar sem haldinn var 6. júní sl., fundargerðin er í 6 liðum.

Lögð fram fundargerð 478. fundar skipulags- og mannvirkjanefndar sem haldinn var 7. júní sl., fundargerðin er í 10 liðum.