Bæjarráð

Lagt fram bréf Sigmars Arnars Steingrímssonar f.h. Skipulagsstofnunar, dagsett 15. maí sl., ásamt ódagsettri skýrslu Rorum ehf f.h. Hábrúnar ehf., 'Tilkynning til ákvörðunar á matsskyldu, á allt að 1000 tonna ársframleiðslu af þorski og regnbogasilungi í sjókvíum.' Skipulagstofnun óskar umsagnar Ísafjarðarbæjar um hvort og á hvaða forsendum ofangreind framkvæmd skuli háð mati á umhverfisáhrifum í samræmi við 2. viðauka 6. gr. laga nr. 106/2000 og 12. gr. reglugerðar nr. 660/2015 um mat á umhverfisáhrifum.

Pálmar Kristmundsson f.h. Valdisól ehf. óskar eftir þvi við bæjaryfirvöld að fyrirliggjandi samningur um afnot af landi við Sandasker, Dýrafirði, merkt F25 á skipulagsuppdrætti verði vísað til undirritunar.
Skipulags- og mannvirkjanefnd vísaði erindinu til bæjarráðs á 477. fundi sínum 17. maí sl.

Ralf Trylla, umhverfisfulltrúi og Brynjar Þór Jónasson, sviðsstjóri umhverfis- og eignasviðs kynna stöðu mála í undirbúningi fyrirhugaðs útboðs á sorphirðu og sorpförgun í Ísafjarðarbæ.

Lögð fram ódagsett drög að samningi milli Ísafjarðarbæjar og Vegagerðarinnar um endanlega yfirfærslu á Aðalgötu og Eyrarvegi Suðureyri úr þjóðvegakerfinu yfir til Ísafjarðarbæjar.

Lagt fram bréf sviðsstjóra umhverfis- og eignasviðs Ísafjarðarbæjar, Brynjars Þórs Jónassonar, dagsett 19. maí 2017, þar sem lagt er til að gerður verði viðauki við fjárhagsáætlun 2017 og tilboði Einars Birkis Sveinbjörnssonar tekið í endurbætur á leikskólanum Grænagarði Flateyri.

Kynnt drög að 4ra ára fjárhagsáætlun og 5 ára framkvæmdaáætlun.

Lagt fram svar Gísla Halldórs Halldórssonar, bæjarstjóra Ísafjarðarbæjar og Brynjars Þórs Jónassonar, sviðsstjóra umhverfis- og eignasviðs Ísafjarðarbæjar, dagsett 19. maí 2017, við fyrirspurn Daníels Jakobssonar, oddvita Sjálfstæðisflokksins í Ísafjarðarbæ, dagsettri 17. maí 2017.

Lagt fram bréf Stefáns Dan Óskarssonar, f.h. Studio Dan ehf., dagsett 17. apríl sl., þar sem hann óskar eftir viðræðum við Ísafjarðarbæ um framtíð líkamsræktaraðstöðu í Ísafjarðarbæ, í ljósi þess að núverandi rektraraðilar Studio Dan hyggjast hætta rekstri 31. janúar 2018.

Lagður fram tölvupóstur Aðalsteins Óskarssonar, f.h. Fjórðungssambands Vestfirðinga, dagsettur 19. maí sl., ásamt viðhengjum; bréfi Orkustofnunar frá 16. mars sl., og greinargerðinni 'Tillögur að smávirkjunum á Vestfjörðum', sem Fjórðungssambandið vann að beiðni Orkustofnunar.

Lagður fram tölvupóstur frá Elisabeth Asp, f.h. sveitarfélagsins Linköping í Svíþjóð, dagsettur 18. maí sl., þar sem boðið er til ráðstefnu 31. ágúst - 1. september nk., sem ber yfirskriftina 'Digital Transformation in the Cultural Heritage Sector'. Á ráðstefnunni verður fjallað um tækifæri og áskoranir fólgnar í því að umbreyta menningartengdum gögnum yfir á stafrænt form, en einnig verður umfjöllun um menningartengda ferðaþjónustu.

Lagður fram póstur Sifjar Huldar Albertsdóttir, dagsettur 15. maí sl., ásamt fundargerð stjórnarfundar Byggðasamlags Vestfjarða um málefni fatlaðs fólks, frá 5. apríl sl.

Lagður fram tölvupóstur Antons Helgasonar, f.h. Heilbrigðiseftirlits Vestfjarða, dagsettur 15. maí sl., ásamt fundargerð 112. fundar heilbrigðisnefndar Vestfjarðasvæðis frá 12. maí sl.

Lögð fram fundargerð stjórnarfundar Fjórðungssambands Vestfirðinga, sem haldinn var 15. maí sl.

Fundargerð 379. fundar fræðslunefndar, sem haldinn var 18. maí sl. Fundargerðin er í 5 liðum.

Fundargerð 177. fundar íþrótta- og tómstundanefndar, sem haldinn var 17. maí sl. Fundargerðin er í 9 liðum.

Fundargerð 477. fundar skipulags- og mannvirkjanefndar, sem haldinn var 17. maí sl. Fundargerðin er í 14 liðum.