Bæjarráð

Lagður fram tölvupóstur Sigrúnar Helgu Sigurjónsdóttur, f.h. nefndasviðs Alþingis, dagsettur 3. maí sl., þar sem Ísafjarðarbæ er sent til umsagnar frumvarp til laga um félagsþjónustu sveitarfélaga (innleiðing samnings SÞ um réttindi fatlaðs fólks, stjórnsýsla og húsnæðismál), 439. mál. Umsagnarfrestur er til 12. maí nk.

Kynnt er minnisblað Eddu Maríu Hagalín, fjármálastjóra, dags. 11. maí 2017 sl., varðandi opið kerfi Wise sem heldur utan um og birtir fjárhagsupplýsingar sveitarfélagsins á vef og kallast "hvert fara peningarnir". Óskað er eftir umræðu um næstu skref.

Lögð er fram fundargerð 47. umhverfis- og framkvæmdanefndar sem haldinn var 9. maí sl., fundargerðin er í 4 liðum.

Lagður fram tölvupóstur Aðalsteins Óskarssonar, framkvæmdastjóra Fjórðungssambands Vestfirðinga, dagsettur 9. maí sl., ásamt fundargerð stjórnarfundar FV sem haldinn var 3. maí sl.

Lagður fram tölvupóstur Elíasar Jónatanssonar, orkubússtjóra, dagsettur 9. maí sl., þar sem boðað er til opins ársfundar Orkubús Vestfjarða, sem haldinn verður í tengslum við aðalfund OV, 16. maí nk. Fulltrúar sveitarfélaga eru hvattir til að mæta á fundinn.

Lagður fram tölvupóstur Nancy Bechtloff, f.h. Náttúrustofu Vestfjarða, dagsettur 12. maí sl., þar sem boðað er til samráðsfundar aðildarsveitarfélaga Náttúrustofu Vestfjarða, miðvikudaginn 31. maí 2017 kl. 14:00 á Náttúrugripasafni Bolungarvíkur.

Lagður fram tölvupóstur Lovísu Lilliendahl, f.h. velferðarráðuneytis, dagsettur 12. maí sl., þar sem boðað er til samráðsfundar á Vestfjörðum um aðgerðir gegn ofbeldi og afleiðingum þess. Fundurinn verður haldinn á Hótel Ísafirði 1. júní nk.

Lagður fram tölvupóstur Sigríðar Láru Gunnlaugsdóttur, framkvæmdastjóra Héraðssambands Vestfirðinga, dagsettur 11. maí sl., þar sem boðað er til Héraðsþings HSV, sem haldið verður 23. maí nk.

Lagt fram bréf Sveinbjargar Sveinsdóttur, framkvæmdastjóra Landskerfis bókasafna hf., dagsett 2. maí sl., þar sem boðað er til aðalfundar félagsins 24. maí nk.

Lagt fram bréf Magnúsar Ólafs Hanssonar, f.h. stjórnar Hollvina Núpsskóla, ódagsett en móttekið 11. maí sl., þar sem bæjarstjóra er boðið á hátíð á Núpi í Dýrafirði dagana 23. - 25. júní nk., í tilefni þess að Núpsskóli er 110 ára á árinu.

Lagður fram tölvupóstur Guðrúnar Þorvaldsdóttur f.h. Sýslumannsins á Vestfjörðum, dagsettur 3. mars sl., þar sem óskað er eftir umsögn um umsókn Jóns Skúlasonar um nýtt rekstrarleyfi í flokki 3 (gististaður með veitingum), vegna Gemlufalls, 471 Þingeyri.
Einnig eru lagðar fram umsagnir byggingarfulltrúa, dagsett 10. mars sl, Slökkviliðs Ísafjarðarbæjar, dagsett 30. mars sl, og Heilbrigðiseftirlits Vestfjarða, dagsett 12. apríl sl.

Lagður fram tölvupóstur Kristjönu Benediktsdóttur, f.h. nefndasviðs Alþingis, dagsettur 5. maí sl., þar sem Ísafjarðarbæ er sent til umsagnar frumvarp til laga um kosningar til sveitarstjórna (kosningaaldur), 190. mál. Umsagnarfrestur er til 19. maí nk.

Lagður fram tölvupóstur Njarðar Sigurðssonar, sviðsstjóra upplýsinga- og skjalasviðs Þjóðskjalasafns Íslands, dagsettur 8. maí sl., ásamt bréfi Þjóðskjalasafns og drögum að reglugerð um rekstur héraðsskjalasafna. Umsagnarfrestur um drögin er til 16. júní nk.

Lagt er fram minnisblað Helgu Ásgeirsdóttur, verkefnastjóra á fjármálasviði, dags. 12. maí sl, um skatttekjur og laun frá janúar til mars 2017. Þar má sjá að útsvarstekjur eru 41,1 milljónum króna undir áætlun og eru 436 milljónir króna fyrir tímabilið. Jöfnunarsjóður er 61,9 milljónum króna yfir áætlun eða 184,2 milljónir króna. Að lokum er launakostnaður 8 milljónum króna undir áætlun en kostnaðurinn nemur 503,2 milljónum króna fyrir tímabilið.

Lagt er fram bréf Sigríðar Láru Gunnlaugsdóttur, framkvæmdastjóra HSV, dags. 10. maí sl., þar sem óskað er eftir að Ísafjarðarbær bjóði frítt í sund í Hreyfivikunni, dagana 29. maí til 4. júní n.k.

Lagt fram bréf nemenda 5. - 9. bekkjar Grunnskóla Önundarfjarðar, dagsett 2. maí sl. Nemendurnir geta ekki nýtt sér ferðir almenningsvagna til og frá Flateyri, þar sem tímasetningar eru óhentugar. Óska þau eftir að haft verði samráð við þau ef farið verður í að endurskoða tímasetningar á ferðum, svo þau geti nýtt sér almenningavagnana til að sækja íþrótta- og tómstundastarf á Ísafirði.

Lagt er fram bréf Brynjólfs Jónssonar, formanns Framkvæmdasjóðs Skrúðs, dags. 10. maí sl., þar sem óskað er eftir að Ísafjarðarbær heimili gjaldtöku við Skrúð og veiti leyfi fyrir bráðabirgðasalernisaðstöðu.

Lögð fram 3 bréf Kristínar Huldar Sigurðardóttur, forstöðumanns Minjastofnunar Íslands, dagsett 4. og 5. maí sl., þar sem tilkynntar eru styrkúthlutanir úr Húsafriðunarsjóði fyrir árið 2017. Ísafjarðarbær hlaut styrk fyrir eftirfarandi verkefni:

Faktorshús, Neðstikaupstaður, gluggar og klæðning á vesturgafli, kr. 3.000.000,-
Svarta pakkhúsið, Flateyri, viðgerð á gólfi, kr. 500.000,-
Tjöruhús, Neðstikaupstaður, endurnýjun stokka, kr. 1.500.000,-

Lagður fram tölvupóstur Sigríðar Láru Gunnlaugsdóttur, formanns sóknarnefndar Ísafjarðarsóknar, dagsettur 18. apríl sl., þar sem óskað er eftir styrk í formi aðstoðar garðyrkjustjóra við að skipuleggja og leiðbeina um umhirðu í kirkjugörðunum.