Bæjarráð

Lagt er fram bréf Hermanns Sæmundssonar og Stefaníu Traustadóttur, f.h. innanríkisráðherra, dags. 19. ágúst sl. ásamt siðareglum fyrir kjörna fulltrúa í Ísafjarðarbæ sem hafa verið staðfestar af innanríkisráðuneytinu.

Lagt er fram bréf Stefaníu Traustadóttur, f.h. innanríkisráðuneytisins, dags. 19. ágúst sl., ásamt staðfestum breytingum á samþykkt um stjórn Ísafjarðarbæjar og fundarsköp bæjarstjórnar nr. 535/2014 með síðari breytingum.

Lagt er fram bréf Ástu Maríu Reynisdóttur og Sigríðar Láru Ásbergsdóttur f.h. mennta- og menningarmálaráðherra, dags. 18. ágúst sl., þar sem óskað er eftir upplýsingum um innleiðingu og framkvæmd laga nr. 90/2008 um leikskóla og nr. 91/2008 um grunnskóla.

Lögð eru fram afrit af bréfum Ástu Maríu Reynisdóttur og Sigríðar Láru Ásbergsdóttur, f.h. mennta- og menningarmálaráðherra, dags. 15. ágúst sl., til skólastjóra Grunnskólans á Þingeyri og Grunnskólans Suðureyri, þar sem óskað er eftir upplýsingum um innleiðingu laga nr. 91/2008 um grunnskóla.

Lagt er fram bréf Wouters Van Hoeymissen dags. 14. ágúst sl., þar sem óskað er upplýsinga um fyrirhugaða byggingu þvottastöðvar fiskeldiskvía á Þingeyri.

Lagðir eru fram tölvupóstar Gylfa J. Gylfasonar, verkefnastjóra í Menntamálaráðuneytinu, frá 21. og 24. ágúst sl. varðandi hugsanlega undirskrift þjóðarsáttmála um læsi sem áætlað er að fari fram hjá Ísafjarðarbæ 16. september n.k.

Lagður er fram tölvupóstur Kristjáns Karlssonar sem barst 27. ágúst sl., þar sem óskað er eftir aðkomu Ísafjarðarbæjar að byggingu sauðfjárréttar að Bæ 2 í Staðardal ásamt minnisblaði Þórdísar Sifjar Sigurðardóttur, dags. 28. ágúst sl., um fjárréttir og viðhald þeirra.

Lögð er fram, sem trúnaðarmál, skýrsla R3-Ráðgjafar ehf. um Endurmat í málefnum fatlaðra á Vestfjörðum frá því í júlí 2015 sem unnin var fyrir Jöfunarsjóð sveitarfélaga. Jafnframt er lögð fram greinargerð Byggðasamlags Vestfjarða um málefni fatlaðs fólks, frá 29. júlí sl., og minnisblað Sifjar Huldar Albertsdóttur, verkefnastjóra hjá Byggðasamlagi Vestfjarða um málefni fatlaðs fólks, frá því í ágúst 2015 vegna skýrslunnar.

Lagður er fram tölvupóstur Shirans Þórissonar, framkvæmdastjóra Atvinnuþróunarfélags Vestfjarða, frá 13. júlí sl., ásamt samstarfsyfirlýsingu sjávarútvegsklasa Vestfjarða og umsókn sjávarútvegsklasa Vestfjarða.

Lögð eru fram drög að lánssamningi milli Lánasjóðs sveitarfélaga og Ísafjarðarbæjar, nr. 1508_29, að fjárhæð kr. 237.800.000,- tvöhundruðþrjátíuogsjömilljónirogáttahundruðþúsund, til 20 ára, til að fjármagna framkvæmdir á árinu 2015. Lánið er í samræmi við fjárhagsáætlun Ísafjarðarbæjar 2015.

Bæjarstjóri leggur til að samþykkt verði eftirfarandi bókun vegna lánveitinga hjá Lánasjóði sveitarfélaga:

„Bæjarráð samþykkir hér með að taka lán hjá Lánasjóði sveitarfélaga að fjárhæð kr. 237.800.000,- til 20 ára, í samræmi við skilmála lánveitingarinnar sem fram koma í lánssamningi þeim sem liggur fyrir fundinum. Til tryggingar láninu standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011. Er lánið tekið til að fjármagna fjárfestingar ársins 2015, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Gísla Halldóri Halldórssyni, bæjarstjóra, kt. 151066-5779, veitt fullt og ótakmarkað umboð til þess f.h. Ísafjarðarbæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.“

Lögð er fram tillaga fulltrúa sjálfstæðisflokksins og framsóknarflokksins í bæjarstjórn Ísafjarðarbæjar, frá 28. ágúst sl., um að bílskúrar við Fjarðarstræti 20 á Ísafirði fái nýtt hlutverk og verði endurbættir.

Lögð er fram tillaga fulltrúa framsóknarflokksins í bæjarstjórn Ísafjarðarbæjar, frá 27. ágúst sl., um að Ísafjarðarbær kaupi íbúðir á Hlíf I þegar þær verða næst boðnar til sölu á frjálsum markaði.

Lögð er fram fundargerð 51. fundar nefndar um byggingu hjúkrunarheimilis sem haldinn var 12. ágúst sl., fundargerðin er í 2 liðum.

Lögð er fram fundargerð 52. fundar nefndar um byggingu hjúkrunarheimilis sem haldinn var 19. ágúst sl., fundargerðin er í 3 liðum.

Lögð er fram fundargerð 53. fundar nefndar um byggingu hjúkrunarheimilis sem haldinn var 26. ágúst sl., fundargerðin er í 3 liðum.