Bæjarráð

Lagt fram minnisblað Axels R. Överby, sviðsstjóra umhverfis- og eignasviðs, og Hafdísar Gunnarsdóttur, sviðsstjóra skóla- og tómstundasviðs, dags. 8. desember 2023, um þjónustustig snjómoksturs á gervigrasi á Torfnesi.

Á 1262. fundi bæjarráðs þann 13. nóvember 2023, var Lagt fram minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 3. nóvember 2023, vegna afskrifta eignfærðs kostnaðar við áður fyrirhugað knattspyrnuhús á Torfnesi. Bæjarráð samþykkti afskrift eignfærðs kostnaðar við áður fyrirhugað knattspyrnuhús á Torfnesi og fól bæjarstjóra að gera viðauka vegna málsins og leggja fyrir bæjarstjórn til samþykktar.

Er nú lagður fram til samþykktar viðauki 19 við fjárhagsáætlun Ísafjarðarbæjar 2023.

Áhrif viðaukans á rekstrarniðurstöðu samstæðu Ísafjarðarbæjar er kr. 0,-
Áhrif viðaukans á sveitasjóð A hluta er neikvæð kr. 22.000.000,- og lækkar því rekstrarafgangur í kr. 48.000.000,-
Áhrif viðaukans á samantekin A og B hluta er kr. 0,- og rekstrarafgangur því óbreyttur í kr. 278.000.000,-

Lagt fram til kynningar bréf Áslaugar Eirar Hólmgeirsdóttur og Jóns Þrándar Stefánssonar f.h. matvælaráðherra, dagsett 1. desember 2023, þar sem kynnt er úthlutun byggðakvóta á fiskveiðiárinu 2023-2024. Jafnframt lagðar fram leiðbeiningar um sérreglur byggðakvóta. Frestur til að skila tillögum um sérreglur er til 29. desember 2023. Fyrri reglur má finna hér: https://www.stjornarradid.is/verkefni/atvinnuvegir/sjavarutvegur-og-fiskeldi/sjavarutvegur/byggdakvoti/reglur-byggdakvota-2022-2023/

Lagður fram til samþykktar húsaleigusamningur um Sindragötu 11 á Ísafirði, fyrir héraðsskjalasafn, ljósmyndasafn og listasafn, til 10 ára, auk minnisblaðs Bryndísar Óskar Jónsdóttur, bæjarritara, dags. 8. desember 2023, vegna málsins.

Lagðar fram til kynningar fundargerðir 1. og 2. fundar svæðisskipulagsnefndar Vestfjarða, en fundir voru haldnir 13. september og 7. október 2023.

Jafnframt lagðar fram til staðfestingar í sveitarstjórn, starfsreglur svæðisskipulagsnefndar Vestfjarða, sem fjallað hefur verið um og þær samþykktar hjá Skipulagsstofnun.

Lagt fram bréf Jóns Páls Hreinssonar, formanns stjórnar Hvetjanda hf. eignarhaldsfélags, dagsett 7. desember 2023, þar sem boðað er til aðalfundar félagsins þann 21. desember 2023. Jafnframt lagður fram til kynningar ársreikningur fyrir árið 2022 og hluthafaskrá félagsins.

Lögð fram umsagnarbeiðni Sýslumannsins á Vestfjörðum, dagsett 8. ágúst 2023, vegna umsóknar um rekstrarleyfi Lagnahornsins ehf. fyrir rekstur gististaðar í flokki II - H Frístundahús, í Valhöll í Tungudal. Jafnframt lögð fram umsögn Heilbrigðiseftirlits Vestfjarða, dagsett 1. desember 2023, umsögn byggingarfulltrúa Ísafjarðarbæjar, dagsett 14. nóvember 2023, og umsögn slökkviliðs Ísafjarðarbæjar, dagsett 24. nóvember 2023.

Lögð fram tilkynning frá samráðsgátt stjórnvalda, dagsett 6. desember 2023, þar sem matvælaráðuneyti kynnir til samráðs mál nr. 253/2023 - Frumvarp til laga um lagareldi. Umsagnarfrestur er til og með 3. janúar 2024.

Að beiðni bæjarstjóra er mál nr. 245/2023 í samráðsgátt stjórnvalda lagt fram, en um er að ræða sjávarútvegsstefnu og frumvarp til laga um sjávarútveg. Umsagnarfrestur er til 22. desember 2023.

https://samradsgatt.island.is/oll-mal/$Cases/Details/?id=3617

Lögð fram til kynningar fjárhagsáætlun Náttúrustofu Vestfjarða fyrir árið 2024, sem staðfest var á fundi stjórnar NAVE 3. nóvember 2023.

Lögð fram til kynningar fundargerð 939. fundar stjórnar Sambands íslenskra sveitarfélaga, sem haldinn var 5. desember 2023.