Bæjarráð

173. fundur hafnarstjórnar.

1. fundur nefndar um umhverfis- og framkvæmdamál

417. fundur skipulags- og mannvirkjanefndar

Á 1. fundi nefndar um umhverfis- og framkvæmdamál sem haldinn var 21. ágúst sl. og 417. fundi skipulags- og mannvirkjanefndar sem haldinn var 20. ágúst sl. var lagt fram bréf Orkustofnunar dags. 2. ágúst sl er varðar umsögn um umsókn Íslenska Kalkþörungafélagið ehf. um viðbætur við leyfi til leitar og rannsóknar á kalkþörungaseti á hafsbotni í Önundarfirði og Ísafjarðardjúpi, að meðtöldum Jökulfjörðum.

Bókun nefndar um umhverfis- og framkvæmdamál við 3. dagskrárlið nefndarinnar er eftirfarandi:
"Nefndin fagnar því að fram fari rannsóknir sem styrkt geta atvinnulíf á svæðinu, en óskar eftir því að haft verði samband við sveitarfélagið um tímasetningu rannsóknanna. Að öðru leyti eru ekki gerðar athugasemdir við umsóknina."

Bókun skipulags- og mannvirkjanefndar við 4. dagskrárlið nefndarinnar er eftirfarandi:
"Skipulags- og mannvirkjanefnd fagnar því að unnið sé að rannsóknum í ljósi þess að unnið er að strandsvæðaskipulagi í Ísafjarðardjúpi. Nefndin væntir þess að fá niðurstöður rannsókna sem nýtist í skipulagsáætlanir. Nefndin gerir ekki athugasemd við að leyfi verði veitt enda ekki gert ráð fyrir að leitin hafi mikil áhrif á sjávarbotn og botndýralíf. Nefndin leggur því til við bæjarráð að leyfið verði veitt."

Á 417. fundi skipulags- og mannvirkjanefndar sem haldinn var 20. ágúst sl. var lagt fram bréf frá Orkufjarskiptum dags. 16. júlí sl., þar sem óskað var eftir heimild til að leggja ljósleiðaralögn frá Skeiði 7, Ísafirði upp í Vegagerð í Dagverðardal og frá gangnamunna í Breiðadal í tengivirki Landslents í Breiðadal. Bókun skipulags- og mannvirkjanefndar við 1. dagskrárlið nefndarinnar er eftirfarandi:
Skipulags- og mannvirkjanefnd gerir ekki athugasemd við erindið og leggur til við bæjarstjórn að framkvæmdaleyfi verði samþykkt. Frágangur framkvæmdasvæðis skal gerður í samráði við tæknideild Ísafjarðarbæjar.

Á 417. fundi skipulags- og mannvirkjanefndar sem haldinn var 20. ágúst sl. var tekið fyrir erindi Ketils Berg Magnússonar þar sem sótt er um lansdvæði í fóstur sjávarmegin við Fjarðargötu 35, Þingeyri. Bókun skipulags- og mannvirkjanefndar við 3. dagskrárlið fundarins er eftirfarandi:
"Skipulags- og mannvirkjanefnd leggur til við bæjarstjórn að landsvæðinu verði úthlutað í fóstur með þeim skilyrðum að aðgengi almennings að fjörunni og Skjólvíkinni verði ekki skert í samræmi við það sem fram kemur í umsókninni."

347. fundur fræðslunefndar

Á 347. fundi fræðslunefndar, sem haldinn var 21. ágúst sl., var lagður fram samstarfssamningur Tónlistarskóla Ísafjarðar annars vegar og Listaskóla Rögnvaldar Ólafssonar hins vegar við Ísafjarðarbæ og úthlutunarlíkan tónlistarskóla. Bókun fræðslunefndar við 3. dagskrárlið nefndarinnar er eftirfarandi:
"Fræðslunefnd leggur til við bæjarstjórn að drög að samningi við TÍ og LRÓ og úthlutunarlíkanið verði samþykkt með þeim breytingum sem komu fram á fundinum."

37. fundur

Lagt er fram bréf Elínar Gunnarsdóttur og Elínar Pálsdóttur, f.h. Jöfnunarsjóðs sveitarfélaga, dags. 21. ágúst sl., þar sem fram koma greiðslur einstakra framlaga úr Jöfnunarsjóði til Ísafjarðarbæjar.

Lagður er fram tölvupóstur Jónas Þ. Birgissonar, bæjarfulltrúa, frá 22. ágúst sl., þar sem óskað er eftir upplýsingum um hvað hefur gerst í atvinnumálum Þingeyrar eftir kosningar.

Lagður er fram tölvupóstur FAAS Félag áhugafólks og aðstandenda Alzheimerssjúklinga frá 21. september sl., þar sem óskað er eftir stuðningi bæjarins með styrktarlínu eða logo í tímariti félagsins um málefni Alzheimersjúklinga.

Lagður er fram tölvupóstur Jónu Símoníu Bjarnadóttur, formanns Kvenfélagsins Hlíf frá 14. ágúst sl., þar sem óskað er eftir stuðningi Ísafjarðarbæjar vegna aðalfundar Sambands Vestfirskra kvenna.

Bæjarstjóri gerir grein fyrir málinu.

Fyrsti fundur bæjarstjórnar eftir sumarfrí verður miðvikudaginn 3. september kl. 16:00 í stað fimmtudagsins 4. september n.k.