Bæjarráð

Lagt fram minnisblað Axels Rodriguez Överby, sviðsstjóra umhverfis- og eignasviðs dags. 19. okt. 2023, vegna verksins „Jarðvinna og lagnir, Torfnes aðalvöllur“ þar sem lagt er til við bæjarráð að samið verði við Keyrt og mokað ehf. á grundvelli uppfærðs tilboðs, að fjárhæð 68.534.850,- kr.

Lagður fram tölvupóstur Sigríðar Ó. Kristjánsdóttur, framkvæmdastjóra Vestfjarðastofu, dagsettur 13. október 2023, ásamt drögum að Menntastefnu Vestfjarða 2023-2040, dagsett í október 2023, til umfjöllunar hjá sveitarfélögum. Jafnframt lagt fram vinnuskjal sem sveitarfélög eru hvött til að nýta við vinnu við skólastefnur sveitarfélaga.

Lögð fram til kynningar fundargerð aðalfundar fulltrúaráðs Eignarhaldsfélagsins Brunabótafélags Íslands, sem haldinn var 6. október 2023, ásamt kynningu á starfsemi EBÍ og umfjöllun um fjárfestingastefnu og útgreiðslu ágóðahlutar til sveitarfélaganna.

Jafnframt lagt fram bréf Önnu Sigurðardóttur, framkvæmdastjóra EBÍ, dagsett 13. október 2023, vegna ágóðahlutagreiðslu 2023, sem í ár er kr. 2.410.000.-

Lagt fram bréf Þóris Ólafssonar og Gústavs Arons Gústavssonar f.h. Eftirlitsnefndar með fjármálum sveitarfélaga, dagsett 13. október 2023. Eftirlitsnefndin hefur lokið yfirferð á ársreikningi sveitarfélagsins, og samkvæmt honum uppfyllir sveitarfélagið ekki öll ólögbundin lágmarksviðmið nefndarinnar vegna rekstrar fyrir A-hluta.

Lagt fram bréf Guðrúnar Elínborgar Þorvaldsdóttur f.h. Sýslumannsins á Vestfjörðum, dagsett 16. október 2023, með umsagnarbeiðni vegna umsóknar Katrínar Báru Albertsdóttur um tækifærisleyfi vegna Halloween-balls í Menntaskólanum á Ísafirði, 27. október kl. 22 til kl. 01, aðfaranótt 28. október 2023.

Lagður fram tölvupóstur Jóhönnu Sigurjónsdóttur f.h. innviðaráðuneytis, dagsettur 18. október 2023, þar sem vakin er athygli á nýrri reglugerð um íbúakosningar sveitarfélaga nr. 922/2023, sem hefur verið staðfest og birt í Stjórnartíðindum.
Reglugerðina má nálgast hér https://island.is/reglugerdir/nr/0922-2023

Lögð fram til kynningar þinggerð 68. fjórðungsþings Vestfirðinga að hausti, sem haldið var 6. - 7. október 2023. Jafnframt lagðar fram til kynningar ályktanir þingsins.

Lögð fram til kynningar fundargerð fundar stjórnar hverfisráðsins á Flateyri, sem haldinn var 10. október 2023. Í fundargerðinni er að finna lista yfir það sem hverfisráðið óskar eftir að fari á framkvæmda- og viðhaldsáætlun næstu ára.