Bæjarráð

Á 1192. fundi bæjarráðs, þann 21. mars 2022, var lagt fram erindi Ingólfs Þorleifssonar, formanns körfuknattleiksdeildar Vestra, dags. 3. mars 2022, vegna fjárhagserfiðleika félagsins. Á fundinn mætti Ingólfur og Þórir Guðmundsson og upplýstu betur um stöðu málsins. Var bæjarstjóra falið að vinna málið áfram.

Er nú lagt fram minnisblað Hafdísar Gunnarsdóttur, sviðsstjóra skóla- og tómstundasviðs, dags. 23. mars 2022 varðandi beiðni formanns körfuknattleiksdeildar Vestra um fjárstyrk og útfærslu annarra sveitarfélaga á slíkum styrkjum.

Lagður fram til samþykktar samstarfssamningur Fossavatnsgöngunnar og Ísafjarðarbæjar um framkvæmd Fossavatnsgöngunnar árin 2022-2024. Jafnframt er lagt fram minnisblað Hafdísar Gunnarsdóttur, sviðsstjóra skóla- og tómstundasviðs, dags. 23. mars 2022, vegna málsins.

Lagðar fram úttektir Slökkviliðs Ísafjarðarbæjar dags. 2. febrúar 2022 þar sem gerð var úttekt á húsnæði Ísafjarðarbæjar, í Suðurtanga 2, við aðstöðu Sæfara Siglingaklúbbs. Einnig er lagt fram minnisblað sviðsstjóra umhverfis- og eignasviðs dags. 25. mars 2022.

Lagður fram tölvupóstur frá Þórði Skúlasyni, f.h. Orkubús Vestfjarða, dags. 10. mars 2022, þar sem óskað er eftir heimild bæjaryfirvalda til að setja upp hleðslustöðvar fyrir rafmagnsbíla við Íþróttamiðstöð Þingeyrar. Þá er lagður fram til samþykktar ótímabundinn samningur vegna málsins. Einnig er lagt fram minnisblað sviðsstjóra umhverfis- og eignasviðs dags. 25. mars 2022.

Lagt fram minnisblað Eyþórs Guðmundssonar, innkaupa- og tæknistjóra, dags. 23. mars 2022, þar sem óskað er heimildar bæjarráðs til að fara í örútboð innan rammasamninga um prentlausn fyrir stofnanir Ísfjarðarbæjar, en um er að ræða sameiginlegt útboð allra stofnana/deilda bæjarins.

Lögð fram til samþykkis umsókn Birgis Gunnarssonar, bæjarstjóra, f.h. Ísafjarðarbæjar, dags. 22. mars 2022, um lán frá Ofanflóðasjóði vegna kostnaðar við ofanflóðavarnir á árunum 2019-2021, alls 30 milljónir króna. Jafnframt er um að ræða hluta af áætlaðri lántöku ársins 2022.

Lagt fram minnisblað Eddu Maríu Hagalín, fjármálastjóra, dags. 22. mars 2022, vegna umsókna félagasamtaka um styrki vegna fasteignagjalda ársins 2022, alls fjárhæð kr. 1.139.247, í samræmi við reglur sveitarfélagsins, sbr. 2. mgr. 5. gr. laga nr. 4/1995. Óskað er samþykkis bæjarráðs fyrir veitingu styrkjanna en gert er ráð fyrir fjármunum vegna þessa í fjárhagsáætlun Ísafjarðarbæjar 2022.

Lögð fram til kynningar rekstrargreining Eddu Maríu Hagalín, fjármálastjóra, á ársreikningi 2021.

Lögð fram til kynningar minnisblöð Ásgerðar Þorleifsdóttur, deildarstjóra launadeildar, bæði dags. 24. mars 2022, vegna upplýsinga um skatttekjur og laun fyrir janúar og janúar til febrúar 2022.

Lagður fram tölvupóstur Ingibjargar Hinriksdóttur f.h. Sambands íslenskra sveitarfélaga, dagsettur 18. mars 2022, þar sem athygli sveitarfélaga er vakin á ýmsum atriðum sem hafa þarf í huga fyrir sveitarstjórnarkosningar þann 14. maí 2022.

Lagður fram tölvupóstur Magneu Garðarsdóttur f.h. Fjórðungssambands Vestfirðinga, dagsettur 18. mars 2022, þar sem boðað er til 67. Fjórðungsþings Vestfirðinga, sem haldið verður 6. apríl 2022, í Edinborgarhúsinu á Ísafirði.

Lagt fram til kynningar bréf Jóns Gunnarssonar, dómsmálaráðherra, dagsett 21. mars 2022, þar sem farið er yfir áform um endurskipulagningu sýslumannsembætta, og þau markmið sem stefnt er að með endurskipulagningunni.

Lagður fram tölvupóstur Hildar Edwald f.h. nefndasviðs Alþingis, dagsettur 24. mars 2022, þar sem Ísafjarðarbæ er send til umsagnar tillaga til þingsályktunar um eignarhald í laxeldi, 419. mál. Umsagnarfrestur er til 1. apríl.