Bæjarráð

Lagður fram til samþykktar viðauki við samning um sjúkraflutninga á svæði Heilbrigðisstofnunar Vestfjarða vegna athugasemda verkkaupa um fyrirkomulag við útreikning verðs, verðgrundvallar og verðbóta, skv. 4. kafla samningsins.

Lagðar fram til samþykktar reglur um endurgreiðslu kostnaðar vegna slysa og tjóna er börn verða fyrir í skipulögðu starfi á vegum Ísafjarðarbæjar, auk minnisblaðs Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 29. mars 2021, vegna málsins.

Lagður er fram til samþykktar afnotasamningur við Sævar Hjörvarsson og Halldóru Þórðardóttur vegna lóðarspildu milli Seljalandsvegar 78-84.

Lagður fram til samþykktar samstarfssamningur Ísafjarðarbæjar við Framkvæmdasjóð Skrúðs, en á 1140. fundi bæjarráðs, þann 8. febrúar 2021, var bæjarstjóra falið að ganga til samninga við félagið.

Lögð fram umsögn Heiðu Jack, skipulagsfulltrúa, dags. 8. apríl 2021, um mat á matsskyldu vegna uppsetningar kláfs í hlíðum Eyrarfjalls á Ísafirði.

Lagt fram bréf Elíasar Jónatanssonar, orkubússtjóra, dags. 30. mars 2021, þar sem óskað er eftir að Ísafjarðarbær staðfesti að Orkubú Vestfjarða sé eigandi alls réttar til virkjunar jarðhita jarðarinnar Reykjaness í Ísafjarðardjúpi með vísan til dóms Landsréttar nr. 334/2019.

Lagður fram tölvupóstur Bjarka Stefánssonar, framkvæmdastjóra HSV, dags. 17. mars 2021, ásamt bréfi aðalstjórnar Vestra, dags. 8. mars 2021, þar sem upplýst er um 4,4m kr. húsaleiguskuld félagsins á árunum 2019-2020, og óskað aukins styrks frá sveitarfélaginu vegna leigugreiðslna á árinu 2021.

Jafnframt lagt fram erindi Guðfinnu Hreiðarsdóttur, formanns íþróttafélagsins Vestra, dags. 5. febrúar 2021, til HSV, vegna stöðu íþróttastarfs vegna Covid-19. Að auki lagt fram yfirlit yfir tekjutap íþróttafélaganna á árunum 2020 og 2021 vegna Covid-19, samantekið af Bjarka Stefánssyni, framkvæmdastjóra HSV.

Lagður fram tölvupóstur Kolbrúnar Ýrar Einarsdóttur, verkefnastjóra Manoson Opera Group, dags. 29. mars 2021, þar sem óskað er eftir að fá að setja upp óperu í íþróttahúsinu á Torfnesi haustið 2022. Jafnframt lagt fram ódagsett fylgiskjal með frekari upplýsingum um verkið.

Lagt fram til kynningar bréf Karls Björnssonar, framkvæmdastjóra Sambands íslenskra sveitarfélaga, dags. 30. mars 2021, ásamt minnisblaði, dags. 24. mars 2021, þar sem gerð er grein fyrir stöðu verkefna í áætlun Sambandsins frá mars 2020, til viðspyrnu gegn samdrætti í þjóðarbúskapnum vegna Covid-19.

Lagður fram tölvupóstur Sigrúnar Helgu Sigurjónsdóttur f.h. nefndasviðs Alþingis, dags. 27. mars 2021, þar sem Ísafjarðarbæ er sent til umsagnar frumvarp til laga um almannavarnir (almannavarnastig o.fl.), 622. mál. Umsagnarfrestur er til 9. apríl 2021.

Lagður fram tölvupóstur Hildar Edwald f.h. nefndasviðs Alþingis, dagsettur 7. apríl 2021, þar sem Ísafjarðarbæ er send til umsagnar tillaga til þingsályktunar um lýðheilsustefnu til ársins 2030, 645. mál. Umsagnarfrestur er til 21. apríl.

Lögð fram til kynningar fundargerð 896. fundar stjórnar Sambands íslenskra sveitarfélaga sem haldinn var 26. mars 2021.

Lögð fram til kynningar fundargerð 34. stjórnarfundar Vestfjarðarstofu sem haldinn var 24. febrúar 2021.

Lögð fram til kynningar fundargerð fundar stækkaðrar samgöngunefndar Fjórðungssambands Vestfirðinga sem haldinn var 1. mars 2021.

Lögð fram til kynningar fundargerð 182. fundar barnaverndarnefndar á norðanverðum Vestfjörðum, en fundur var haldinn 30. mars 2021.

Fundargerðin er í einum lið.