Bæjarráð

Farið er yfir verkefnalista af bæjarráðsfundum.

Á 530. fundi skipulags- og mannvirkjanefndar, 27. nóvember sl., lagði nefndin til að bæjaryfirvöld óski eftir því að endurskoðun á hættumati undir Gleiðarhjalla verði flýtt svo unnt verði að hefja skipulagsvinnu.

Lagt fram minnisblað sviðsstjóra umhverfis- og eignasviðs, dags. 02.12.2019. vegna stígagerðar í Hnífsdal.

Kynnt minnisblað Stefaníu Helgu Ásmundsdóttur, dagsett 6. desember sl., vegna starfsmannamála á Grænagarði á Flateyri.

Lagt fram bréf Brynjars Ingasonar f.h. Kampa ehf., dagsett 25. nóvember sl., þar sem óskað er eftir viðræðum við Ísafjarðarbæ um að endursemja um afsláttarkjör á vatnsnotkun.

Lagt fram bréf Magnúsar Erlingssonar, sóknarprests á Ísafirði, dagsett 4. desember sl., vegna stækkunar Réttarholtskirkjugarðs.

Lagt fram bréf, dagsett 3. desember sl., vegna opnunar tilboða í verkið Suðureyrarhöfn, endurbygging Vesturkants 2019.
Hafnarstjórn tók erindið fyrir á 208. fundi sínum. 6. desember sl., og lagði til við bæjarráð að gengið verði að tilboði lægstbjóðanda og gengið verði til samninga við hann á grundvelli tilboðsins.

Lagðar fram til kynningar fundargerðir verkfunda nr. 29 og 30, dagsettar 30. okt. 2019 og 15. nóv. 2019, vegna byggingaframkvæmda við Sindragötu 4A.

Beiðni Koltru um afnot af Salthúsinu á Þingeyri.

Sigríður Ó. Kristjánsdóttir, formaður starfshóps um framtíðarskipan komu skemmtiferðaskipa, kynnir drög að skýrslu um framtíðarskipan komu skemmtiferðaskipa, auk kynningar um sama efni.
Drög að skýrslu og kynningu kynnt, rædd og samþykkt. Starfshópur vísar skýrslu og kynningu til bæjarráðs.

Lagður fram tölvupóstur Vigdísar Óskar Häsler Sveinsdóttur f.h. Sambands íslenskra sveitarfélaga, dagsettur 2. desember sl., vegna breytinga á samþykktum um stjórn og fundarsköp vegna laga og reglugerða um mat á umhverfisáhrifum

Kynnt minnisblað Aðalsteins Þorsteinssonar, forstjóra Byggðastofnunar, dagsett 3. desember sl., vegna úthlutunar aflamarks Byggðastofnunar á Flateyri.

Lögð fram eftirfarandi tillaga Hafdísar Gunnarsdóttur, bæjarfulltrúa, um eflingu miðbæjar á Ísafirði.

„Undirrituð leggur til að farið verði í vinnu við að efla og glæða meiri lífi í miðbæinn okkar á Ísafirði. Nú standa þar mörg verslunarhúsnæði auð sem setur ekki góðan svip á miðbæinn. Á sumrin fáum við þúsundir gesta í bæinn sem vilja upplifa miðbæjarstemningu og versla í búðum á svæðinu, svo hér eru vissulega tækifæri fyrir ýmiskonar starfsemi. Væri þetta kjörið verkefni fyrir atvinnu- og menningarmálanefnd og hefur Vestfjarðastofa lýst yfir áhuga á að taka þátt í því með Ísafjarðarbæ. Verkefnið myndi þá að mestu leyti felast í að efla verslun, þjónustu og menningu í miðbænum og kanna hvort hægt sé að koma starfsemi í tóm verslunarhúsnæði þar, allavega yfir sumartímann.“

Lagður fram tölvupóstur Aðalsteins Óskarssonar f.h. Fjórðungssambands Vestfirðinga, dagsettur 3. desember sl., með samþykkt 4. haustþings sambandsins um árstillag fyrir árið 2020.

Lagður fram tölvupóstur Hildar Edwald f.h. nefndasviðs Alþingis, dagsettur 4. desember sl., þar sem Ísafjarðarbæ er sent til umsagnar frumvarp til laga um um breytingu á lögum um málefni aldraðra, nr. 125/1999 (öldungaráð), 383. mál. Umsagnarfrestur er til 13. janúar nk.

Fundargerð 876. fundar stjórnar Sambands íslenskra sveitarfélaga sem haldinn var 29. nóvember sl.

Lögð fram fundargerð 21. fundar stjórnar Vestfjarðastofu sem haldinn var 21. október sl.

Fundargerð 444. fundar velferðarnefndar sem haldinn var 5. desember sl. Fundargerðin er í 5 liðum.

Fundargerð 4. fundar starfshóps um framtíðarskipan komu skemmtiferðaskipa, sem haldinn var 5. desember sl. Fundargerðin er í 1 lið.

Fundargerð 202. fundar íþrótta- og tómstundanefndar sem haldinn var 4. desember sl. Fundargerðin er í 4 liðum.

Fundargerð 208. fundar hafnarstjórnar sem haldinn var 6. desember sl. Fundargerðin er í 10 liðum.