Bæjarráð

Lagt fram bréf sviðsstjóra umhverfis- og eignasviðs, Axels Rodriguez Överby, dags. 1. nóvember 2019, þar sem lagt er til að samið verði við Húsasmiðjuna um hreinlætistæki og pípulagningarefni fyrir Sindragötu 4a á grundvelli tilboðs þeirra.

Lagður fram viðauki 11 við fjárhagsáætlun 2019. Um er að ræða 10,3 m.kr. aukin kostnað hjá velferðarsviði og 5,2 m.kr. lægri kostnað Þjónustuíbúða Hlíf. Áhrif viðaukans á rekstrarniðurstöður samantekins A og B hluta Ísafjarðarbæjar er 5.146.764,- eða lækkun afkoma úr kr. 44.486.764,- í kr. 39.340.000,- en áhrifin á sveitasjóð A hluta er aukinn kostnaður um kr. 10.298.988,- og því eykst rekstrarhalli úr kr. 86.319.131,- í kr. 96.618.119,-

Lagður fram viðauki 12 við fjárhagsáætlun 2019. Um er að ræða lækkun framkvæmda um 214 milljónir króna og aukna afkomu um 43,5 milljónir króna. Áhrif viðaukans á rekstrarniðurstöðu samantekins A og B hluta Ísafjarðarbæjar er 43.500.000,- eða aukin afkoma úr kr. 39.340.000, í 82.840.000- en áhrifin á sveitasjóð A hluta er 0,- og því óbreyttur rekstrarhalli kr. 96.618.119,-

Umræður um framkvæmdaáætlun 2020 og drög að fjárhagsáætlun 2020.

Kynnt minnisblað Eddu Maríu Hagalín, fjármálastjóra, dagsett 30. október sl., vegna gjaldskrárbreytinga fasteignagjalda 2020.

Lagt er fram minnisblað Þórdísar Sifjar Sigurðardóttur, bæjarritara, dags. 30. október sl., ásamt tillögu að uppfærðu ferli fjárhagsáætlunar 2020.

Kynnt minnisblað Guðmundar Gunnarssonar, bæjarstjóra, dagsett 31. október sl., vegna kaupa á slökkvibifreiðum vegna Dýrafjarðarganga.

Tillaga bæjarfulltrúa Í-lista um aðgerðir til fjölgunar íbúa og íbúða:

„Bæjarfulltrúar Í-listans leggja til að Ísafjarðarbær leggi til hlutafé í stofnun félags sem hafi þann tilgang að stuðla að nýbyggingu íbúðarhúsnæðis í sveitarfélaginu.
Félagið starfi með þeim hætti að kaupa álitlegar óbyggðar íbúðir sem skortur er á markaði og setji aftur á söluskrá þegar styttast fer í verklok byggingarframkvæmda.
Í fyrsta áfanga hafi félagið heimild til að eiga allt að þrjár íbúðir á hverjum tíma.
Lagt er til að gert verði ráð fyrir kostnaði vegna þessa félags í yfirstandandi fjárhagsáætlunarvinnu fyrir árið 2020.

Í Húsnæðisáætlun Ísafjarðarbæjar sem kynnt var í nóvember 2018, er gert ráð fyrir að íbúum fjölgi um á bilinu 400 til 800 á á næstu 4-5 árum.
Hærri talan miðast við miðspá II mannfjöldaspár sem nánar er komið að í skýrslunni og forsendur hennar gera ráð fyrir áframhaldandi uppbyggingu fiskeldis og aukna ferðaþjónustu í sveitarfélaginu.
Að gefnum forsendum er þörf á nýjum íbúðum í sveitarfélaginu 10-25 íbúðir ári á árabilinu 2019 - 2022 að gefnum forsendum um mannfjöldaþróun og lýðfræðilegar breytingar.
Þátttaka bæjarfélagsins í að fjölga íbúðum er liður í því að styðja að áðurnefndar spár um fjölgun íbúa gangi eftir.“

Á 444. fundi bæjarstjórnar var tillögunni vísað til frekari umræðna í bæjarráði.

Lagður er fram tölvupóstur Jóns Þránds Stefánssonar, sérfræðings atvinnuvega- og nýsköpunarráðuneytisins, dags. 31. október sl., með auglýsingu um byggðakvóta fiskveiðiársins 2019/2020.

Lögð er fram beiðni Ívars Kristjánssonar, formanns Hverfisráðs Önundarfjarðar, dags. 7. október sl. og minnisblað Þórdísar Sifjar Sigurðardóttur, bæjarritara, dags. 31. október sl. vegna nýtingar framkvæmdafjár umfram það sem nú þegar hefur verið samþykkt.

Lagður fram tölvupóstur Viktoríu Rósar Þórðardóttur, dagsettur 1. nóvember sl., þar sem boðið er til ungmennaþings á norðanverðum Vestfjörðum þann 26. nóvember nk.

Kynnt minnisblað Guðmundar Gunnarssonar, bæjarstjóra, dagsett 1. nóvember sl., vegna húsnæðis og aðstöðu sjósportklúbbsins Sæfara.

Lagt fram bréf Karls Björnssonar, framkvæmdastjóra Sambands íslenskra sveitarfélaga, dagsett 30. október sl., um jafnréttisáætlanir sveitarfélaga.

Lagt fram bréf Pernillu Rein f.h. Upplýsingar, félags á sviði bókasafns og upplýsingafræða, dagsett 23. október sl., þar sem óskað er eftir styrk vegna Landsfundar félagsins í september 2020, og er bæjarstjóra jafnframt boðið til fundarins.

Lagt fram bréf Davíðs S. Snorrasonar f.h. Mannvirkjastofnunar, dagsett 22. október sl., vegna úttektar á slökkviliði Ísafjarðarbæjar.

Lagt fram bréf Freyju Pétursdóttur og Hildar Vésteinsdóttur f.h. Umhverfisstofnunar, dagsett 25. október sl., þar sem óskað er eftir tilnefningu fulltrúa í samstarfshóp um friðlýsingar á Vestfjörðum innan marka Vesturbyggðar og Ísafjarðarbæjar.

Fundargerð 875. fundar stjórnar Sambands íslenskra sveitarfélaga sem haldinn var 25. október sl.

Lagður fram tölvupóstur Antons Helgasonar f.h. Heilbrigðiseftirlits Vestfjarða, dagsettur 1. nóvember sl. ásamt fundargerð 124. fundar heilbrigðisnefndar frá 31. október sl. Á fundi heilbrigðisnefndar var m.a. farið yfir frumvarp til laga um breytingu á lögum um hollustuhætti nr. 7/1998, en þær breytingar sem lagðar eru til í frumvarpinu munu valda því að starfsemi heilbrigðiseftirlits dregst verulega saman.

Fundargerð 207. fundar hafnarstjórnar sem haldinn var 31. október sl. Fundargerðin er í 5 liðum.

Fundargerð 528. fundar skipulags- og mannvirkjanefndar sem haldinn var 28. október sl. Fundargerðin er í 9 liðum.

Fundargerð 2. fundar starfshóps um skipulag útivistarsvæða í Tungudal og Seljalandsdal, sem haldinn var 29. október sl. Fundargerðin er í 5 liðum.

Fundargerð 442. fundar velferðarnefndar sem haldinn var 31. október sl. Fundargerðin er í 10 liðum.