Forsetakosningar: Kjördeildir í Ísafjarðarbæ

Kjörfundur vegna forsetakosninga í Ísafjarðarbæ verður haldinn þann 1. júní 2024.

Kjörfundur hefst kl. 09:00 í öllum kjördeildum og stendur til kl. 22:00 í 1.-3. kjördeild en til kl. 20:00 í 4.-6. kjördeild. Kosið verður á eftirtöldum stöðum:

1.-3. kjördeild í Menntaskólanum á Ísafirði (sjá á korti)

4. kjördeild í Grunnskólanum á Suðureyri (sjá á korti)

5. kjördeild í Grunnskóla Önundarfjarðar á Flateyri (sjá á korti)

6. kjördeild í Grunnskólanum á Þingeyri (sjá á korti)

Kjörskrá liggur frammi til kjördags á skrifstofu Ísafjarðarbæjar í Stjórnsýsluhúsinu, Hafnarstræti 1 Ísafirði. Kjósendur eru minntir á að hafa með sér persónuskilríki á kjörstað. Aðsetur yfirkjörstjórnar á kjördag verður í Menntaskólanum á Ísafirði. Sími yfirkjörstjórnar á kjördag er 450 4407.

Kjósendur eru á kjörskrá í því sveitarfélagi þar sem þeir eiga skráð lögheimili á viðmiðunardegi. Kjósendur geta kannað hvar þeir eiga að kjósa á vef Þjóðskrár.

Nánar um kosningarnar má finna á kosningasíðu Ísafjarðarbæjar.