Bæjarfulltrúar á landsþingi Sam­bands ís­lenskra sveit­ar­fé­laga

Bæjarfulltrúar og bæjarstjóri Ísafjarðarbæjar sækja í dag, fimmtudaginn 20. mars, landsþing Sam­bands ís­lenskra sveit­ar­fé­laga 2025. 

Landsþing Sambands íslenskra sveitarfélaga hefur æðsta vald í málefnum sambandsins og kemur saman árlega. Ísafjarðarbær á þrjá kjörna landsþingsfulltrúa, sem jafnframt hafa atvæðisrétt. Það eru þau Gylfi Ólafsson, Nanný Arna Guðmundsdóttir og Steinunn Guðný Einarsdóttir. Þá eru framkvæmdastjórar sveitarfélaga með málfrelsi á þinginu.

Á dagskrá þingsins, fyrir utan hefðbundin þingstörf, eru ávörp frá innviðaráðherra og mennta- og barnamálaráðherra og kynningar á stöðu fjármála sveitarfélaga vegna kjarasamninga og breytingum á Jöfnunarsjóði. Þá eru lagðar fram tillögur frá þingfulltrúum:

• Tillaga um skipun milliþinganefndar til að endurskoða reglur um stjórnarkjör
  Þröstur Friðfinnsson, sveitarstjóri Grýtubakkahrepps.
• Tillaga að skipan starfshóps um endurskoðun á samþykktum Sambandsins
  Finnur Yngvi Kristinsson, sveitarstjóri Eyjafjarðarsveitar.
• Tillaga til ályktunar varðandi flugöryggi og framtíð Reykjavíkurflugvallar
  Ásthildur Sturludóttir Akureyrarbær
  Dagmar Ýr Stefánsdóttir Múlaþingi
  Eyrún Ingibjörg Sigþórsdóttir Dalvíkurbyggð
  Finnur Yngvi Kristinsson Eyjafjarðarsveit,
  Gerður Björk Sveinsdóttir Vesturbyggð
  Íris Róbertsdóttir Vestmannaeyjabær
  Katrín Sigurjónsdóttir Norðurþingi,
  Ragnheiður Jóna Ingimarsdóttir Þingeyjarsveit
  Sigríður Júlía Brynleifsdóttir Ísafjarðarbæ,
  Snorri Finnlaugsson Hörgárbyggð og
  Þórunn Sif Harðardóttir Svalbarðsstrandarhreppi
  Þröstur Friðfinnsson Grýtubakkahreppi.