Heilbrigðisstofnun Vestfjarða - Umsjónarmaður eigna

Við leitum að framsýnum, jákvæðum og drífandi einstaklingi í starf umsjónarmanns eigna við Heilbrigðisstofnun Vestfjarða á Ísafirði. Leitað er að einstaklingi með þekkingu og góða reynslu af sambærilegu starfi. Umsjónarmaður eigna heyrir undir framvæmdastjóra fjármála og rekstrar.

Á stofnuninni er lögð er áhersla á fagleg vinnubrögð, umbætur í rekstri og ánægju starfsfólks. Hjá Heilbrigðisstofnun Vestfjarða starfa um 270 manns sem veita almenna heilbrigðisþjónustu á heilsugæslu-, hjúkrunar- og sjúkrasviði. Heilsugæslustöðvar eru á Ísafirði og Patreksfirði og heilsugæslusel í öllum byggðakjörnum heilbrigðisumdæmisins. Nánari upplýsingar um starfsemi stöðvarinnar má finna á vef stofnunarinnar (www.hvest.is).

Boðið er upp á góða aðlögun í upphafi starfs.

• Umsjón með eignum stofnunarinnar s.s. fasteignum, íbúðum á vegum stofnunarinnar, bifreiðum, tækjum og öðrum búnaði.
• Umsjón með almennri umhirðu eigna og umhverfis í kringum þær.
• Smærri lagfæringar og viðhald.
• Upplýsingagjöf og yfirsýn yfir viðhaldsþörf.
• Umsjón með sorphirðu innanhús og förgun.
• Vöru- og póstflutningar til og frá HVest ásamt flutningum innanhúss.
• Ábyrgð á eigin eldvörnum s.s rýmingaráætlun og almennum öryggismálum.

 Hæfniskröfur

• Iðnmenntun í tengdum greinum eða reynsla af sambærilegu starfi
• Öryggisvitund og áhugi fyrir umbótarstarfi
• Góðir samskiptahæfileikar og þjónustulund
• Reynsla af opinberri stjórnsýslu er kostur
• Áreiðanleiki, frumkvæði og metnaður til að ná árangri í starfi
• Áhugi á þróun og uppbyggingu Heilbrigðisstofnunar Vestfjarða
• Íslenskukunnátta skilyrði
• Almenn tölvukunnátta

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Með umsókn skal fylgja náms- og starfsferilskrá ásamt fylgibréfi þar sem gert er grein fyrir hæfni og áhuga á starfinu. Leggja skal fram staðfestar upplýsingar um menntun, fyrri störf og reynslu.

Viðtöl verða tekin við umsækjendur og byggist ákvörðun um ráðningu í starfið á þeim ásamt innsendum gögnum og umsögnum meðmælenda.

Öllum umsóknum verður svarað þegar tekin hefur verið ákvörðun um ráðningu.