Dægradvöl Ísafirði – Stuðningsfulltrúi

Umsóknarfrestur: 14. nóvember Hlutastarf, Ísafjarðarbær

Laust er til umsóknar starf stuðningsfulltrúa í dægradvöl á Ísafirði. Starfið er tímabundið til 6. júní 2025 og er æskilegast að viðkomandi geti hafið störf sem fyrst. Vinnutíminn er frá 13:00 til 16:00 (42% starfshlutfall) alla virka daga. Næsti yfirmaður er forstöðumaður dægradvalar. Starfið er afar skemmtilegt, líflegt og gefandi.

Helstu verkefni:

  • Þátttaka í uppeldisstarfi þar sem megináhersla er lögð á velferð og vellíðan barns/barna
  • Full þátttaka í öllu dagskipulagi dægradvalar og frístundar
  • Samstarf við foreldra

Menntunar- og hæfniskröfur

  • Nám í uppeldis- eða tómstundafræðum æskilegt (frístundaleiðbeinandi)
  • Nám fyrir stuðningsfulltrúa eða sambærilegt nám æskilegt (stuðningsfulltrúi)
  • Reglusemi
  • Jákvæðni og lipurð í samskiptum
  • Frumkvæði í starfi og sveigjanleiki
  • Sjálfstæð og skipulögð vinnubrögð
  • Góð íslenskukunnátta skilyrði
  • Starfsreynsla á frístundasviði kostur
  • Vera orðin(n) 18 ára

Launakjör eru samkvæmt samningum launanefndar sveitarfélaga við Kjöl/VerkVest.

Umsóknarfrestur er til og með 14. nóvember 2024. Umsóknum skal skilað til Evu Maríu Einarsdóttur, forstöðumanns, í netfangið evaei@isafjordur.is. Með umsókn skal fylgja ferilskrá.

Nánari upplýsingar um starfið veitir Eva María í síma: 450-8059 eða í gegnum tölvupóst.

Við hvetjum áhugasama, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.

-Við þjónum með gleði til gagns-

Er hægt að bæta efnið á síðunni?