Ísafjarðarbær

Skrúfað verður fyrir vatnið í Hnífsdal kl. 07-19 laugardaginn 17. janúar, vegna þrifa á miðlunartanki vatnsveitu. Íbúum er bent á að gera viðeigandi ráðstafanir þar sem lokunin stendur yfir svo lengi.

Afgreiðsla Ísafjarðarbæjar og skrifstofur stjórnsýslu- og fjármálasviðs flytja aftur í Stjórnsýsluhúsið á Ísafirði mánudaginn 19. janúar. Vegna flutninganna verður afgreiðslan lokuð á mánudeginum en opnar aftur kl. 10 þriðjudaginn 20. janúar.

Kynnt er vinnslutillaga deiliskipulagsbreytinga á hlíðinni neðan ytri hluta Gleiðarhjalla. Markmið með breytingunni er að minnka svæðið og gera ný skipulagsmörk á uppdrætti.

Bæjarstjórn birtir til kynningar vinnslutillögu á nýju deiliskipulagi Eyrarkláfs. Deiliskipulagstillagan nær til afþreyingar- og ferðamannasvæðis við rætur Eyrarfjalls sem teygir sig upp fjallshlíðina og á topp fjallsins.

Bæjarstjórn birtir til kynningar vinnslutillögu breytinga á aðalskipulagi vegna Eyrarkláfs á Ísafirði. Breytingin felur í sér að skilgreina nýjan landnotkunarreit fyrir afþreyingar- og ferðamannasvæði í og við rætur Eyrarfjalls.

Bæjarstjórn kemur saman til 564. fundar fimmtudaginn 15. janúar kl. 17. Fundurinn fer fram í fundarsal Vestfjarðastofu, Vestrahúsinu á Ísafirði, og er öllum opinn.

Knattspyrnumaðurinn Fatai Gbadamosi var útnefndur íþróttamaður Ísafjarðarbæjar 2025 í athöfn sem fram fór á sunnudaginn á veitingastaðnum Logni. Haukur Fjölnisson og Freyja Rún Atladóttir voru útnefnd efnilegasta íþróttafólk Ísafjarðarbæjar 2025. Við sama tilefni hlaut Gunnar Ingi Hákonarson hvatningarverðlaun skóla-, íþrótta- og tómstundanefndar.

Dagbók bæjarstjóra dagana 5.–11.janúar 2026, í 53. viku í starfi.