Sorphirða, flokkun og förgun
Sorphirða og -förgun er einn mikilvægasti og viðamesti málaflokkurinn í rekstri hvers sveitarfélags. Landfræðilegar aðstæður gera urðun mjög erfiða svo leitað hefur verið eftir öðrum leiðum til að farga sorpi. Málaflokkurinn er í sífelldri þróun og miðar að því að minnka eins og kostur er það rusl sem þarf að urða, bæði vegna efnahags- og umhverfissjónarmiða.
Aðstoð vegna sorphirðu, sorpíláta og gjalda má fá með því að senda tölvupóst á sorphirda@isafjordur.is.
Sótt er um breytingar eða endurnýjun sorpíláta í þjónustugátt.
Leiðbeiningar fyrir sorpflokkun |
Flokkun á heimilum
Í Ísafjarðarbæ eru íbúar með tvær tunnur, eina fyrir heimilissorp og svo endurvinnslutunnu. Í tunnunni fyrir heimilissorp er hólf fyrir lífrænan úrgang. Í endurvinnslutunnunni eru tvö hólf; eitt fyrir pappír og annað fyrir plast og málma. Árið 2023 var flokkun breytt þannig að ekki er lengur heimilt að setja málma í plasthólfið heldur skal fara með þá í gáma á grenndarstöðvum eða í Funa.
Kubbur dreifir tveimur rúllum af grænum pokum fyrir lífrænan eldhúsúrgang til íbúa á ári. Ef pokarnir klárast er hægt að sækja fleiri í íþróttamiðstöðvum á Flateyri, Suðureyri og Þingeyri og í afgreiðslu bæjarskrifstofu í Stjórnsýsluhúsinu. Niðurbrjótanlegir innkaupapokar henta ekki til moltugerðar þar sem þeir brotna hægt niður.
Grenndargámar
Grenndargámar fyrir gler, málma og textíl eru staðsettir á eftirfarandi stöðum:
- Við íþróttahúsið á Flateyri (sjá á korti)
- Á Landsbankaplaninu á Ísafirði (sjá á korti)
- Við Grunnskólann á Suðureyri (sjá á korti)
- Við húsnæði Björgunarsveitarinnar Dýra á Þingeyri (sjá á korti)
- Við Bónus á Ísafirði (sjá á korti)
Í byrjun hvers sumars er gámum fyrir garðúrgang komið fyrir í Hnífsdal og á Suðureyri, Flateyri og Þingeyri.
Móttökustöð og söfnunarstöðvar
Móttökustöðin Funi
Móttökustöðin Funi í Engidal er opin alla virka daga kl. 10-12 og 13-18 og á laugardögum kl. 12-16.
Þar er tekið á móti öllum úrgangi sem ekki er hægt að flokka við heimili eða í grenndargáma, svo sem:
- Dekk
- Málmar
- Öll raftæki, útvörp, tölvur, heimilistæki o.s.frv.
- Ljósaseríur
- Endurvinnsluefni (flokkað) , s.s. pappi og plastumbúðir
- Óvirkur úrgangur
- Flísar
- Brotajárn
- Múrbrot
- Gler
- Úrelt ökutæki
- Uppmokstur
- Garðaúrgangur
- Flúorperur og sparperur
- Bílarafgeymar
- Kvikasilfur
- Lakk og málning
- Olía
- Rafhlöður
- Skordýraeitur
- Sýrur og basar
- Terpentína
- Úðabrúsar
- Þynnir
Söfnunarstöðvar
Íbúar á Flateyri, Suðureyri og Þingeyri geta losað sig við umframmagn heimilissorps auk eðlilegs magns úrgangs frá tiltekt á söfnunarstöðvum eftir tímatöflu hér að neðan. Gjaldskylt er vegna framkvæmda, s.s. gler, múrbrot án járnabindingar og jarðvegur. Gámabílar koma á söfnunarstöðvarnar á Flateyri, Suðureyri og Þingeyri samkvæmt eftirfarandi áætlun:
Gámabíll Flateyri
Þriðjudagur 15-16
Fimmtudagur 15-16 frá 1. júní til 31. ágúst
Laugardagur 13-14
Gámabíll Suðureyri
Þriðjudagur 16:30-17:30
Fimmtudagur 16:30-17:30 frá 1. júní til 31. ágúst
Laugardagur 14:30-15:30
Gámabíll Þingeyri
Þriðjudagur 13-14
Fimmtudagur 13-14 frá 1. júní til 31. ágúst
Laugardagur 11-12
Á heimasíðu Kubbs, sem er verktaki Ísafjarðarbæjar, má finna helstu upplýsingar eins og sorphirðudagatal, opnunartíma á móttökustöðvum og verðskrá. Tilkynningar um röskun á sorphirðu eru settar inn á Facebook-síðu Ísafjarðarbæjar.
Gagnlegir tenglar
Gjaldskrá meðhöndlunar úrgangs 2024
Gjöld vegna meðhöndlunar úrgangs eru innheimt með fasteignagjöldum og skiptast í fast gjald vegna reksturs grenndar- og söfnunarstöðva og breytilegt gjald eftir því hvaða sorpílát eru við húsnæðið. Við einbýlishús er algengast að vera með tvær tunnur, eina fyrir almennt sorp og lífúrgang, aðra fyrir pappa og plast. Sorpgjald fyrir slíka samsetningu eru samtals 79.000 kr.
Þann 1. september hækkar verðið fyrir ílát sem eru meira en 10 metra frá hirðubíl, svo kallað skrefagjald.
Söfnun, förgun, móttaka og flokkun sorps |
||
Sorpgjöld á heimili – fast gjald |
||
Rekstur grenndar- og söfnunarstöðva og annar fastur kostnaður |
36.200 kr. |
|
Rekstur grenndar- og söfnunarstöðva og annar fastur kostnaður sumarhús/takmörkuð ívera |
18.100 kr. |
|
Gjöld vegna sorpíláta |
Ílát sem eru ≤ 10 m frá hirðubíl |
Ílát sem eru > 10 m frá hirðubíl* |
Sorpílát með innra hólfi |
||
Blandaður úrgangur með innra hólfi fyrir lífrænan úrgang, 240 l |
25.700 kr. |
38.550 kr. |
Pappír með innra hólfi fyrir plast, 240 l |
17.100 kr. |
26.650 kr. |
Sorpílát fyrir blandaðan úrgang |
||
Blandaður úrgangur, 120 l |
23.400 kr. |
35.100 kr. |
Blandaður úrgangur, 240 l |
33.500 kr. |
50.250 kr. |
Blandaður úrgangur, 660 l |
92.000 kr. |
138.000 kr. |
Blandaður úrgangur, 1.100 l |
153.200 kr. |
229.800 kr. |
Sorpílát fyrir lífúrgang |
||
Lífúrgangur, 120 l |
12.900 kr. |
19.350 kr. |
Lífúrgangur, 240 l |
25.700 kr. |
38.550 kr. |
Sorpílát fyrir pappír |
||
Pappír, 120 l |
12.000 kr. |
18.000 kr. |
Pappír, 240 l |
17.100 kr. |
25.650 kr. |
Pappír, 660 l |
47.200 kr. |
70.800 kr. |
Pappír, 1.100 l |
78.600 kr. |
117.900 kr. |
Sorpílát fyrir plast |
||
Plast, 120 l |
12.000 kr. |
18.000 kr. |
Plast, 240 l |
17.100 kr. |
25.650 kr. |
Önnur gjöld |
||
Kostnaður vegna breytinga á ílátum |
4.000 kr. |
|
Endurnýjunargjald tunnu 240 l með flutningi á staðfang |
Samkvæmt gjaldskrá verktaka |
|
Auka hirðing |
7.300 kr. |
Stærð íláta:
Móttöku og flokkunarstöðvar | |
Gjöld í endurvinnslustöð | |
Blandaður/grófur úrgangur | 40 kr./kg |
Timbur | 50 kr./kg |
Ekki er tekið gjald fyrir móttöku á flokkuðum úrgangi sem ber úrvinnslugjald, þar má nefna pappaumbúðir, plastumbúðir, hjólbarða, spilliefni, raftæki og úrelt ökutæki Ekki þarf heldur að greiða móttökugjald fyrir garðaúrgang og óvirkan úrgang, t.d. múrbrot, gler og uppmokstur.
*Innheimt frá 1. september 2024.
Endurnýjun og viðhald sorptunna
Kubbur leggur íbúum til sorpílát fyrir hönd Ísafjarðarbæjar. Sótt er um breytingar eða endurnýjun á ílátum í þjónustugátt.
Fjölbýli
Meirihluti eigenda þarf til að óska eftir breytingum á fjölda og tegund tunna í fjöleignarhúsum þar sem slíkar breytingar hafa áhrif á gjöld fyrir meðhöndlun úrgangs íbúa hússins. Í smærra fjölbýli þar sem ekki er starfandi hússtjórn dugar þó tölvupóstur íbúa um að þeir séu sammála um breytingarnar.
Í lögum um fjöleignarhús nr. 26/1994 er fjallað um réttindi og skyldur eiganda fjöleignarhúsa. Sorpgeymslur eru almennt í sameign fjöleignarhúsa og bera eigendur allir óskipta ábyrgð á sameigninni sbr. 57. gr. laganna. Húsfélagið og eigendur bera ábyrgð á sameiginlegum kostnaði skv. ákvæðum 43. og 47. gr., og því ábyrgð á kostnaði sem hlýst af rangt flokkuðum úrgangi. Sannist að einn eigandi sé að valda húsfélaginu kostnaði með því að flokka ekki úrganginn getur húsfélagið endurkrafið hann um kostnaðinn skv. almennum reglum kröfuréttar.
Húsfélag getur einnig sett húsreglur sem ná til flokkunar á úrgangi sbr. 1. tl. C-liðar 41. gr. sbr. einnig 74. gr. laganna, einkum 1. tl. 3. mgr. Sannist það að einn eigandi fari ítrekað ekki eftir reglunum þá getur húsfélagið lagt bann við búsetu eða dvöl hans í húsinu sbr. 1. mgr. 55. gr. laganna en gæta verður að því að veita eiganda tækifæri á að bæta sig sbr. 2. mgr. sömu greinar. Hægt er að fá álit kærunefndar húsamála skv. 80. gr. laganna um ágreining sameigenda um túlkun á lögunum og/eða fara með málið fyrir dómstóla sbr. 6. mgr. 80. gr. og fá endanlega niðurstöðu um álitaefnið.
Rekstraraðilar
Rekstraraðilar sem úrgangur fellur til hjá skulu sjálfir sjá um söfnun og meðferð á þeim úrgangi. Ísafjarðarbær ber ábyrgð á að söfnun úrgangs fari fram innan marka sveitarfélagsins og að sjá til þess að innviðir séu til staðar til að tryggja rétta meðhöndlun úrgangs. Rekstraraðilar hafa frjálsar hendur við samningagerð við einkaaðila um hirðu og flokkun úrgangs sem fellur til frá fyrirtækinu. Tekið er við flokkuðum úrgangi frá einkaaðilum á í móttökustöð í Engidal en aðilunum er frjálst að velja þær leiðir sem þeir kjósa fyrir endurvinnsluefni.