Flřtilei­ir
f÷studagurinn 24. febr˙ará2012 - 10:17 | FrŠ­sla

VÝsindaport ľ Ne­ansjßvarminjar vi­ ═sland

Í Vísindaporti föstudaginn 24. febrúar mun Dr. Ragnar Edvardsson fjalla um neðansjávarminjar við Ísland og rannsóknir á þeim.

Neðansjávarfornleifafræði hefur tiltölulega lítið verið stunduð á Íslandi þrátt fyrir miklar framfarir síðustu áratuga í fornleifafræði á landi. Frá upphafi fornleifarannsókna á Íslandi og fram til ársins 2009 hafa einungis verið stundaðar tvær neðansjávarrannsóknir. Á síðustu tveim árum hefur orðið aukning í rannsóknum á neðansjávarminjum við Ísland en nú eru tvær rannsóknir í gangi og líklegt að þeim fjölgi á næstu árum. Þessar rannsóknir hafa sýnt að fornleifarannsóknir neðansjávar við Ísland eru vel framkvæmanlegar og geta aukið skilning okkar á fortíðinni til muna. Íslendingar hafa í gegnum aldirnar byggt afkomu sína á því sem hafið gaf. Auk þess sem samskipti við önnur lönd, innflutningur og útflutningur voru að mestu yfir hafið. Því geta neðansjávarrannsóknir á sokknum skipum, verslunarstöðvum, hvalveiðistöðvum, ofl. hjálpað okkur að skilja betur hvernig verslun og viðskiptum var háttað fyrr á tímum og þannig aukið þekkingu okkar á samskiptum Íslendinga við önnur lönd.

Dr. Ragnar Edvardsson er fornleifafræðingur og sérhæfir sig í strand- og sjávarminjum. Hann lauk doktorsprófi árið 2010 en hefur síðustu 23 ár stundað rannsóknir á öllum sviðum fornleifafræði bæði heima og erlendis. Ragnar hóf störf hjá Rannsóknarsetri Háskóla á Vestfjörðum árið 2011 og hefur síðan þá nær eingöngu stundað rannsóknir á strand- og neðansjávarminjum.

Vísindaport er öllum opið og hefst klukkan 12:10 í kaffistofu Háskólaseturs.

Vi­bur­adagatal
« Nˇvember »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Vefumsjˇn