Flřtilei­ir
mi­vikudagurinn 22. febr˙ará2012 - 15:56 | ═■rˇttir og tˇmstundir

Um tÝmabundnar lokanir sundlauga Ý ═safjar­arbŠ

Fram kom í greinargerð með fjárhagsáætlun Ísafjarðarbæjar að sundstöðum sveitarfélagsins verði lokað í 4-5 vikur í sumar, en segja má að það orðalag hafi verið nokkuð ómarkvisst og ekki gefið rétta mynd af fyrirætlunum bæjaryfirvalda. Þarna eru meðtaldar hefðbundnar viðhaldslokanir sem eru nauðsynlegar á hverju ári, en þar að auki hefði mátt orða þetta betur þar sem ekki er erfitt að skilja það sem svo að sundstöðunum verði lokað yfir hásumarið, sem aldrei hefur staðið til.

Við útfærslu hagræðingaraðgerða á sundstöðum í Ísafjarðarbæ var lagst yfir aðsóknartölur að laugunum, en til eru dagskýrslur úr hverri laug nokkuð aftur í tímann. Lokun sundlauga í sparnaðarskyni tók mið af því hvenær aðsóknin var minnst í hverri laug til að minnka áhrifin eins og hægt var, en þó ná fram þeirri hagræðingu sem nauðsynleg er í erfiðu árferði.

Það er engin óskastaða að þurfa að draga úr þjónustu en niðurskurður þarf að koma víða fram ef vel á að fara, sérstaklega fyrir 3.800 íbúa sveitarfélag sem rekur fjórar sundlaugar.

Þess hefur verið gætt að loka ekki á hábjargræðistíma, þ.e.a.s. þegar sem flestir sækja laugarnar yfir hásumarið. Frá miðjum júní og fram í miðjan ágúst verða allar laugar sveitarfélagsins opnar, en tölur sýna að þá er aðsókn mest á öllum stöðum. Talsvert er farið að draga úr aðsókn seinni hluta ágúst og verður þá mest um lokanir, en þess er þó gætt að aldrei verði allar laugar Ísafjarðarbæjar lokaðar á sama tíma.

Lokanir í sparnaðarskyni verða að meðaltali í um tvær og hálfa viku á hverjum stað, mislangar eftir aðsókn. Þeim til viðbótar verða viðhaldsstopp eins og á ári hverju og verða þau 1-2 vikur eftir viðhaldsþörf á hverjum stað.

Viðhaldi verður sinnt í Sundhöll Ísafjarðar 14.-28. maí og verður laugin lokuð á meðan. Þá verður laugin lokuð í sparnaðarskyni í tvær vikur frá 27. ágúst til 10. september, en reynslan sýnir að aðsókn er þá farin að minnka umtalsvert og sóttu laugina að meðaltali um 35 gestir á dag á þessu tímabili í fyrra.

Á Suðureyri verður viðhaldi sinnt í 1-2 vikur fyrri hluta maímánaðar, en ekki er fullljóst á þessari stundu nákvæmlega hversu langt viðhaldsstoppið verður. Þá verður laugin lokuð í sparnaðarskyni í 20 daga, frá 20. ágúst til 10. september. Eins og á Ísafirði er aðsókn farin að minnka talsvert á þessum tíma og sóttu laugina að meðaltali 31 gestur þá daga sem laugin var opin á þessu tímabili í fyrra, samanborið við ríflega 160 í júlí.

Lengsta lokunin er á Flateyri, en laugin opnar þó áður en aðsókn eykst að ráði. Viðhaldslokun verður í tvær vikur frá 2. maí en þá tekur við lokun í sparnaðarskyni til og með 10. júní. Í fyrra sóttu Flateyrarlaug að meðaltali 20 gestir á dag á þessu tímabili.

Á Þingeyri verður ráðist í viðhald í 1-2 vikur í maí, en nákvæm dagsetning hefur ekki verið ákveðin. Lokað verður í sparnaðarskyni síðustu vikuna í ágúst og þá fyrstu í september, en þá er eins og annars staðar farið að draga úr aðsókn og sækja laugina um og innan við 40 gestir á dag, samanborið við tæplega 130 í júlí.

Það má alltaf deila um það hvar eigi að skera niður, en ákvarðanir um lokanir sundstaða voru ekki teknar fyrr en eftir talsverða yfirlegu yfir aðsóknartölum til að tryggja að þær myndu hafa sem minnst áhrif. Aldrei stóð til að loka laugum sveitarfélagsins yfir háannatíma í ferðamennsku.

Vi­bur­adagatal
« J˙lÝ »
S M Ů M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
Vefumsjˇn