Flřtilei­ir
fimmtudagurinn 24. maÝá2012 - 10:31 | Ţmsar tilkynningar

Tilkynning frß Vinnuskˇla ═safjar­arbŠjar

Vinnuskóli Ísafjarðarbæjar hefst mánudaginn 4. júní og starfar til 10. ágúst. Yfirstjórn hans verður að Austurvegi 9 á Ísafirði og er yfirflokkstjóri Alberta Gullveig Guðbjartsdóttir.

 

Flokkstjórar í Vinnuskólanum eru Andrea Gylfadóttir, Atli Garðarsson, Guðmundur Atli Steinþórsson, Sigþór Snorrason og Sölvi G. Gylfason. Þórður Ingason mun stýra eldri sláttudeild, það er hópur vaskra pilta sem sjá um slátt á opnum svæðum í Ísafjarðarbæ. Fjöllistahópurinn Morrinn mun starfa undir stjórn Elínar Sveinsdóttur.

 

Almenn deild verður starfrækt á Þingeyri, þar verður Salvör Sæmundsdóttir flokkstjóri. Samstarf er milli Vinnuskólans og stofnana á Suðureyri og Flateyri sem gefur krökkum þaðan kost á að vinna þar.

 

Gleðilegt er að segja frá því að allir umsækjendur í unglingadeild sem óskuðu eftir starfi fengu inn hjá Vinnuskólanum. Þeir krakkar sem hafa ekki fengið upplýsingar um vinnufyrirkomulag sitt eru beðnir um að koma á skrifstofu Vinnuskólans á efri hæð Sundhallarinnar eða hafa samband í síma 450-8051.

 

Krakkar í almennri deild, sláttudeild, þjónustudeild og Morranum skulu mæta klukkan 8 við Sundhöllina á Ísafirði vel búnir þann 4. júní til að hefja sumarstarfið.

 

Hægt er að fá Vinnuskólann til að sinna almennri garðavinnu og slætti gegn gjaldi og er best að snúa sér til yfirflokkstjóra í síma 450-8051 eða í gegnum netfangið vinnuskoli@isafjordur.is til þess að óska eftir þjónustu.

Vi­bur­adagatal
« J˙lÝ »
S M Ů M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
Vefumsjˇn