Flřtilei­ir
f÷studagurinn 31. maÝá2013 - 15:13 | Skˇla- og tˇmstundasvi­

Starf Vinnuskˇla ═safjar­arbŠjar

 Vinnuskóli Ísafjarðarbæjar hefst fimmtudaginn 6. júní og starfar til 14. ágúst. Yfirstjórn hans verður að Austurvegi 9 á Ísafirði og er yfirflokkstjóri Alberta Gullveig Guðbjartsdóttir.

 

Flokkstjórar í vinnuskólanum eru Elín Jónsdóttir, Esther Ósk Arnórsdóttir, Eva María Einarsdóttir og Atli Garðarsson. Sindri Antonsson mun stýra eldri sláttudeild, það er hópur vaskra pilta sem sjá um slátt á opnum svæðum í Ísafjarðarbæ. Ólöf Sverrisdóttir mun leikstýra Morranum, fjöllistahóp vinnuskólans.

 

Almenn deild verður starfrækt á Þingeyri, þar verður Salvör Sæmundsdóttir flokkstjóri. Á Flateyri starfar almenn deild um tíma, Júlía Ósk Bjarnadóttir verður flokkstjóri þar. Samstarf er milli vinnuskólans og stofnana á Suðureyri sem gefur krökkum þaðan kost á að vinna þar.

 

Starfsmenn á unglingastigi vinnuskólans eru um 120 talsins. Þeir krakkar sem hafa ekki fengið upplýsingar um vinnufyrirkomulag sitt eru beðnir um að hafa samband í síma 450-8051. Einnig geta þau komið við á skrifstofu vinnuskólans frá mánudeginum 3. júní, en hún er staðsett á efri hæð Sundhallarinnar.

 

Krakkar í almennri deild, sláttudeild, þjónustudeild og Morranum skulu mæta klukkan 8 við Sundhöllina á Ísafirði, vel búnir, þann 6. júní til að hefja sumarstarfið.

 

Hægt er að fá Vinnuskólann til að sinna almennri garðvinnu og slætti gegn gjaldi og er best að snúa sér til yfirflokkstjóra í síma 450-8051 eða í gegnum netfangið vinnuskoli@isafjordur.is til þess að óska eftir þjónustu.

Vi­bur­adagatal
« Mars »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Vefumsjˇn