Flřtilei­ir
mßnudagurinn 12. desemberá2011 - 11:03 | FramkvŠmda- og rekstrarsvi­

Pakkh˙si­ ß Flateyri flutt

Mynd: Ůorbj÷rn H. Jˇhannesson.
Mynd: Ůorbj÷rn H. Jˇhannesson.
1 af 2

Pakkhúsið á Flateyri var flutt af odda eyrarinnar upp Hafnarstræti að ofanverðu við hafnarkantinn á miðvikudag í síðustu viku. Flutningurinn hefur staðið til lengi, en upphaflega var gert ráð fyrir honum í deiliskipulagi á tíunda áratug síðustu aldar. Vestfirskir verktakar ehf. sáu um flutninginn sem gekk í alla staði vel.

 

Húsið sem ýmist hefur verið nefnt „svarta eða hvíta pakkhúsið“ er talið hafa verið byggt um miðja 19. öld og tilheyrði verslun Hjálmars Jónssonar og Torfa Halldórssonar. Var húsið í notkun fram á síðari hluta 20. aldar.

 

Hópur áhugafólks undir stjórn Jóhönnu Kristjánsdóttur, Guðrúnar Pálsdóttur, Sunnu Dísar Másdóttur og Guðjóns Guðmundssonar hefur unnið að útfærslu hugmynda um að setja upp „harðfisksetur“ í húsinu og fékk hópurinn styrk úr svo kölluðum skötuselssjóði (AVS rannsóknarsjóði í sjávarútvegi) til þess að koma slíkri starfsemi á í húsinu, undir merkjum „menningartengdrar ferðaþjónustu.“ Einnig hefur Húsafriðunarsjóður samþykkt styrk til endurbyggingar hússins. Til að mynda þarf að skipta um þakklæðningu, taka af bárujárn og setja skarklæðningu úr timbri.

 

Bæjarráð Ísafjarðarbæjar samþykkti fyrr á árinu að afhenda hópnum húsið til varðveislu, viðhalds og notkunar, en fjögur ár eru liðin frá því að umhverfisnefnd bæjarins samþykkti að húsið yrði flutt á núverandi stað. Með tilkomu þessa húss hefur enn einni fjöðrinni verið bætt við flóru áhugaverðra áningastaða við aðalgötu þorpsins, en þar eru fyrir Vagninn „kraumandi mannlífspottur og krá allra landsmanna,“ Félagsbær sem er menningar- og félagsmiðstöð eldri borgara og félagasamtaka á Flateyri, en auk þess er þar handverkshópurinn Purka að selja framleiðslu sína. Í Félagsbæ er einnig til húsa „Alþjóðlega dúkkusafnið.“ Á efri hæð Félagsbæjar var svo „Dellusafnið“ opnað síðastliðið vor. Neðar í götunni er „Verslunin Bræðurnir Eyjólfsson“ eða bókabúðin, sem er staðsett í einu af fjórum liðlega 100 ára timburhúsum sem byggð voru af þrem bræðrum og eru oftast kennd við þá; Bergshús, Sveinshús og Kjartanshús.

 

Pakkhúsið var flutt á sökkul sem var steyptur á nýjum stað í haust. Talsverð frágangsvinna er eftir en hlaðinn verður garður úr fjörugrjóti við húsið og ráðist í lóðarframkvæmdir.

Vi­bur­adagatal
« September »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Vefumsjˇn