Flřtilei­ir
mßnudagurinn 23. jan˙ará2012 - 11:21 | Menningarmßl

MargrÚt Gunnarsdˇttir bŠjarlistama­ur ═safjar­arbŠjar

AlbertÝna Fri­bj÷rg ElÝasdˇttir, forseti bŠjarstjˇrnar, og MargrÚt Gunnarsdˇttir, bŠjarlistama­ur ═safjar­arbŠjar.
AlbertÝna Fri­bj÷rg ElÝasdˇttir, forseti bŠjarstjˇrnar, og MargrÚt Gunnarsdˇttir, bŠjarlistama­ur ═safjar­arbŠjar.

Margrét Gunnarsdóttir, píanóleikari og skólastjóri Listaskóli Rögnvaldar Ólafssonar, var útnefnd bæjarlistamaður Ísafjarðarbæjar við athöfn í Safnahúsinu á Ísafirði á föstudag.

 

Margrét Gunnarsdóttir fæddist á Ísafirði 16. mars árið 1954, dóttir hjónanna Gunnars Jónssonar og Jónínu Einarsdóttur. Hún útskrifaðist sem stúdent frá Menntaskólanum á Ísafirði árið 1974 en fluttist þá til Reykjavíkur. Það átti fyrir Margréti að liggja að nema klassískan píanóleik vestan hafs og austan. Árið 1977 fékk hún styrk til náms við Ohioháskóla í Bandaríkjunum, en haustið 1978 flutti hún sig til Evrópu og lærði við Sweelinck Conservatorium í Amsterdam í Hollandi. Hún lauk því námi árið 1984 ásamt kennsluréttinum í píanóleik. Sama ár flutti hún aftur í heimahagana og hóf kennslu við Tónlistarskóla Ísafjarðar. Árið 1993 urðu svo vatnaskil í ferli Margrétar er hún stofnaði Listaskóla Rögnvaldar Ólafssonar.

Margrét er sú ellefta sem hlýtur nafnbótina „Bæjarlistamaður Ísafjarðarbæjar“. Fyrri bæjarlistamenn hafa verið Marsibil Kristjánsdóttir, myndlista- og fjöllistarkona, Sigríður Ragnarsdóttir, skólastjóri og tónlistarmaður, Reynir Torfason, myndlistarmaður, Jón Sigurpálsson, myndlistarmaður og safnvörður, Harpa Jónsdóttir, rithöfundur og kennari, Vilberg Vilbergsson, rakari og tónlistarmaður, Jónas Tómasson tónskáld, Elfar Logi Hannesson leikari, Pétur Tryggvi Hjálmarsson silfursmiður og Baldur Geirmundsson, tónlistarmaður.

Vi­bur­adagatal
« Jan˙ar »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Vefumsjˇn