Flřtilei­ir
f÷studagurinn 7. jan˙ará2011 - 20:09 | Frß bŠjarstjˇra

Mßlefni Funa

Mikil umræða hefur verið um mengun frá sorpbrennslustöðinni Funa í Engidal síðan MS 
tilkynnti að mjólk frá bæ í nágrenni stöðvarinnar hefði verið innkölluð í kjölfar 
Díoxínmælinga. Díoxíninnihald mjólkurinnar reyndist 33% yfir viðmiðunarmörkum, þ.e. 
3,98 pg/g af fitu en viðmiðunarmörkin voru 3,0 pg/g af fitu. 

Bæjaryfirvöld brugðust við þessum upplýsingum frá MS með því að hætta brennslu í Funa 
tafarlaust. Síðan þá hefur verið unnið með þar til bærum eftirlitsaðilum að því að varpa ljósi 
á málið. 

Bæjaryfirvöldum hefur verið ljóst að mengun frá Funa væri meiri en ásættanlegt væri, enda 
var unnið að því allt síðasta kjörtímabil og til loka síðasta árs að finna leiðir til úrbóta í 
sorpeyðingu. Leiðir sem væru ásættanlegar íbúum og viðráðanlegar fjárhagslega. Farsæl 
niðurstaða um lokun Funa fékkst í byrjun desember s.l. með fullri samstöðu allrar 
bæjarstjórnar og byggir hún á sjónarmiðum bæjaryfirvalda um sorpflokkun og 
endurvinnslu. 

Bæjaryfirvöld hafa verið gagnrýnd fyrir að hafa ekki varað bæjarbúa við umræddri mengun 
og fyrir að hafa ekki staðið sig sem skyldi í því að kynna niðurstöður mælinga. Sú gagnrýni á 
að vissu leyti rétt á sér. Eftir á að hyggja hefði átt að ræða niðurstöður mælinga af meiri 
festu og kanna betur hvaða í þeim fælist og kynna þær fyrir bæjarbúum. Jafnframt hefði, í 
ljósi þess að mælingar sýndu mengun umfram viðmiðunarmörk, þurft að hraða enn frekar 
ákvarðanatöku um framtíð sorpmála eða finna lausn sem drægi úr mengun tímabundið á 
meðan framtíðarlausn var fundin. 

Þó verður að mótmæla því að mælingum hafi verið stungið undir stól. Mælingar voru m.a. 
kynntar á íbúafundi ári eftir að þær komu út og fulltrúar í umhverfisnefnd bæjarins hafa 
staðfest að þær hafi verið ræddar þar. Bæjarráð og bæjarstjórn fengu einnig öll gögn er 
málið varða í ágúst s.l. Niðurstöður mælinganna voru einnig sendar viðkomandi 
eftirlitsstofnun þegar þær bárust til Funa. Það er því ekki hægt að fullyrða að bærinn hafi 
viljað halda þeim leyndum frá bæjarbúum þó að kynningin hefði getað verið markvissari. 
Bæjaryfirvöld Ísafjarðarbæjar harma þá stöðu sem kominn er upp varðandi 
mjólkurframleiðslu í Engidal og munu að sjálfsögðu axla alla þá ábyrgð sem þeim er unnt til 
að koma málum í eðlilegt horf og bæta mögulegt tjón sem rekja má til mengunar frá 
stöðinni. Ennfremur telja bæjaryfirvöld mikilvægt að allri óvissu um frekari mengun og 
framtíð landnytja í Engidal verði eytt sem fyrst. 

Bæjaryfirvöld í Ísafjarðarbæ vilja í samvinnu við stjórnvöld sjá til þess að rannsóknir á 
díoxínmengun í Engidal í Ísafjarðarbæ verði fullnægjandi. Rannsaka þarf alvarleika málsins 
og framtíðarhorfur svæðisins, sem nær yfir berjalönd og matvælaframleiðslu. Hafi 
díoxínlosun verið með skaðlegum hætti þarf að finna skýringar á því hvers vegna ekki var 
varað við hættunni og hvers vegna viðunandi þótti að engin viðmiðunarmörk væru í gildi 
um díoxínlosun Funa og nokkurra annarra brennslustöðva. 

Bæjaryfirvöld í Ísafjarðarbæ biðja bæjarbúa afsökunar á að starfræksla Funa hefur ekki 
verið með þeim hætti sem æskilegt hefði verið og einnig á þeim miklu töfum sem urðu á 
úrbótum í þessum málum. 

Rannsókn málsins er þegar hafin hjá eftirlitsstofnunum og er nú beðið niðurstaðna úr 
mengunarmælingum. Framhald málsins, sem Ísafjarðarbær mun taka fullan þátt í, hlýtur að 
ráðast af þeim niðurstöðum. Bæjaryfirvöld hafa þegar hafist handa við að gera samantekt 
um feril málsins og munu leggja hana fram svo fljótt sem auðið er til að upplýsa íbúa.

 

Ísafirði, 7. 1 2011. 
F.h. Ísafjarðarbæjar 
Daníel Jakobsson, bæjarstjóri

Vi­bur­adagatal
« September »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Vefumsjˇn