Flřtilei­ir
f÷studagurinn 20. aprÝlá2012 - 09:19 | Skˇla- og tˇmstundasvi­

Laus sta­a skˇlastjˇra vi­ Grunnskˇla Ínundarfjar­ar og leikskˇlann GrŠnagar­

Staða skólastjóra við leik- og grunnskóla á Flateyri er laus til umsóknar. Leitað er að öflugum og framsýnum leiðtoga til að samþætta og leiða þróttmikið skólastarf. Um er að ræða nýja stöðu. Í Grunnskóla Önundarfjarðar eru um 20 nemendur og í leikskólanum Grænagarði eru 16 börn. Skólarnir eru ekki í sama húsi en stutt er á milli þeirra. Með auknu samstarfi skólanna og samreksturs skapast ný og spennandi tækifæri til að útfæra sameiginlega sýn fyrir bæði skólastig, byggða á styrkleikum hvors skóla fyrir sig.

Starfssvið:

  • Að veita skólunum faglega forystu á sviði kennslu og þróunar í skólastarfi
  • Að leiða samstarf nemenda, starfsmanna, heimila og skólasamfélagsins í heild
  • Að stýra og bera ábyrgð á rekstri skólanna og daglegri starfsemi.

    Menntunar- og hæfniskröfur:
  • Kennsluréttindi og kennslureynsla á leikskóla- eða grunnskólastigi
  • Framhaldsmenntun á sviði stjórnunar eða uppeldis- og kennslufræða æskileg
  • Reynsla af stjórnun, rekstri og þróunarstarfi
  • Metnaður, hugmyndaauðgi, skipulagshæfni og leiðtogahæfileikar
  • Hæfni í mannlegum samskiptum

    Leitað er að einstaklingi sem hefur skýra framtíðarsýn í skólamálum, er skapandi og metnaðarfullur. Staðan er laus frá 1. ágúst 2012. Æskilegt er að viðkomandi geti átt fundi með starfsfólki skólanna í maímánuði. Launakjör eru samkvæmt samningi LN og KÍ.

    Flateyri er eitt hinna „fögru fimm“ þorpa sem myndar sveitarfélagið Ísafjarðarbæ. Á Flateyri búa um 270 íbúar. Í Ísafjarðarbæ öllum búa tæplega 3800 íbúar. Á Flateyri er íþróttahús, sundlaug og lítil verslun ásamt frábærri náttúrufegurð. Stutt er í alla þjónustu og Ísafjörður er í um 20 km fjarlægð. Nánari upplýsingar er að finna á www.isafjordur.is

Umsókn þarf að fylgja greinargott yfirlit um nám og störf, leyfisbréf til kennslu, meðmæli, upplýsingar um frumkvæði á sviði skólamála og annað er málið varðar. Öllum umsóknum verður svarað.

Umsóknafrestur til og með 10. maí 2012

 

Upplýsingar um starfið veitir sviðsstjóri skóla- og tómstundasviðs, Margrét Halldórsdóttir, í síma 450-8000 og á netfanginu margreth@isafjordur.is.

Vi­bur­adagatal
« Mars »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Vefumsjˇn