Flřtilei­ir
mßnudagurinn 20. jan˙ará2014 - 14:44 | ═■rˇttir og tˇmstundir

KristÝn Ůorsteinsdˇttir Ý■rˇttama­ur ßrsins 2013

Sundkonan Kristín Þorsteinsdóttir var útnefnd íþróttamaður Ísafjarðarbæjar 2013 í gær og Sigrún Gunndís Harðardóttir valin efnilegast íþróttamaðurinn. Útnefningin fór fram á 4. hæð Stjórnsýsluhússins á Ísafirði að viðstöddu fjölmenni. Tilnefndir voru auk Kristínar; Anton Helgi Guðjónsson, Hafsteinn Rúnar Helgason, Guðmundur Sigurvin Bjarnason, Guðmundur Valdimarsson, Jón Hrafn Baldvinsson og Sigfús Fossdal. Í umsögn um Kristínu segir: „Kristín Þorsteinsdóttir hefur æft og keppt í sundi hjá Íþróttafélaginu Ívari frá 8 ára aldri og ávalt stundað æfingar af elju og samviskusemi ásamt því að vera mikil keppnismanneskja. Árið 2013 var gott sundár hjá Kristínu. Hún tók þátt í Reykjavík International Games, IF50 Bikarmóti á Akureyri í júní og IF25. Á þessum mótum vann hún til 4ra gullverðlauna, 2ja silfurverðlauna og 1 brons. Bikarmótið er stigamót en vegna forfalla mætti Kristín ein til leiks frá Ívari og skilaði 1.709 stigum í pottinn, en næsta lið á undan skilað 4.757 en þeim stigum skiluðu 39 sundmenn. Kristín hefur verið fremsti íslenski sundmaðurinn í sínum flokki undanfarin ár og jafnframt einn af þeim bestu á alþjóðavísu og á í dag þriðja besta tíma í 50 metra skriðsundi sem náðst hefur í heiminum í hennar flokki.“

 

Þá var knattspyrnukonan unga Sigrún Gunndís Harðardóttir valin efnilegasti íþróttamaðurinn. Í umsögn um hana segir: „Sigrún Gunndís hefur æft knattspyrnu í 10 ár og ávallt leikið með BÍ/Bolungarvík. Sigrún Gunndís var mikilvægur hlekkur í kvennaliði BÍ/Bolungarvíkur keppnistímabilið 2013. Sigrún Gunndís spilaði alla 16 leiki liðsins í 1.deild.  Sigrún Gunndís spilaði alla fjóra leiki BÍ/Bolungarvíkur í Lengjubikarnum og skoraði 1 mark. Sigrún Gunndís var valin til æfinga með U-17 og U-19 landsliðum kvenna á árinu 2013. Hún spilaði vináttulandsleik með U-17 landsliðinu gegn Dönum 27. janúar 2013. Sigrún Gunndís er heilbrigður og metnaðarfullur íþróttamaður, sem stundar íþrótt sína af miklu kappi. Sigrún Gunndís er góð fyrirmynd yngri íþróttamanna.“

 

Sérstök hvatningarverðlaun íþrótta- og tómstundanefndar fengu þau Jón Hálfdán Pétursson og Stella Hjaltadóttir.

Vi­bur­adagatal
« Jan˙ar »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Vefumsjˇn