Flřtilei­ir
mi­vikudagurinn 26. oktˇberá2011 - 12:41 | Ţmsar tilkynningar

Jˇl Ý skˇkassa

Áttunda árið í röð stendur KFUM & KFUK á Íslandi fyrir verkefninu ,,Jól í skókassa”  Þetta verkefni er unnið af hópi úr KFUM og KFUK og felst í því að fá börn jafnt sem fullorðna til að setja nokkrar gjafir í skókassa.  Kassanum er síðan útdeilt til þurfandi barna í Úkraínu. Markmiðið með verkefninu er að gleðja þurfandi börn í anda jólanna. Það hefur sannarlega tekist síðastliðin ár og hafa þau sem standa að verkefninu fylgt því eftir og tekið þátt í dreifingu gjafanna í Úkraínu. Þar hafa þau upplifað mikla gleði barnanna með gjafirnar.

 

Úkraína er stórt land og þar búa um 50 milljónir manna.  Atvinnuleysi er mikið og ástandið víða bágborið.  Á svæðunum þar sem skókössunum er dreift er allt að 80% atvinnuleysi og fara kassarnir meðal annars á munaðarleysingjaheimili, barnaspítala og til barna fátækra einstæðra foreldra. 

 

Fólk er hvatt til þess að taka þátt og fylgja leiðbeiningum en það er mikilvægt að börnin fái svipaðar gjafir. 

Byrjið á að finna tóman skókassa og pakkið honum inn í jólapappír.  Athugið að mikilvægt er að pakka lokinu sérstaklega inn svo hægt sé að opna pakkann.  Ákveðið fyrir hvaða aldurshóp gjöfin á að vera, strák eða stelpu 2-4 ára, 5-9 ára, 10-14 ára og 15-18 ára og merkið með viðeigandi merkimiða á lokið.  Setjið svo gjafir eins og ritföng, föt, leikföng, hreinlætisvörur og sælgæti í skókassann.  Best er að setja einn hlut úr hverjum þessara flokka í kassann.  Setjið að lokum 500-800 kr í umslag efst í kassann fyrir sendingarkostnaði.

 

Tekið verður á móti skókössum í aðalstöðvum KFUM og KFUK, Holtavegi 28, alla virka daga frá kl. 9-17.  Síðasti skiladagur er laugardagurinn 12. nóvember frá kl. 11-16.  Þann dag fer fram kynning á verkefninu, léttar veitingar verða í boði og eru allir hjartanlega velkomnir.  

 

Á Ísafirði er tekið á móti gjöfum í Ísafjarðarkirkju.

 

Hér er linkur á móttökustaði á landsbyggðinni http://skokassar.net/mottokustaðir

 

Við bendum á heimasíðu verkefnisins www.skokassar.net og Flikr ljósmyndasíðuna http://www.flickr.com/photos/skokassar/ 

 

Ef þið viljið frekari upplýsingar, hafið samband við Björg Jónsdóttur í síma 867 4517, eða bjorjon@gmail.com

Vi­bur­adagatal
« Jan˙ar »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Vefumsjˇn