Flřtilei­ir
f÷studagurinn 4. marsá2011 - 12:32 | FramkvŠmda- og rekstrarsvi­

═b˙ar koma a­ ger­ deiliskipulags me­ nřjum hŠtti

Auglýst hefur verið fyrsta deiliskipulagstillagan sem unnin er eftir nýjum verklagsreglum Ísafjarðarbæjar. Verklagið gerir ráð fyrir því að allt deiliskipulag sem gert er að frumkvæði bæjarins verði unnið í samvinnu við almenning með netsamskiptum. Er um talsverða breytingu að ræða þar sem skipulagsvinna á Íslandi hefur hingað til verið með þeim hætti að almenningi hefur eingöngu gefist kostur á að koma með athugasemdir við skipulagstillögur eftir að þær eru lagðar fram. Nýju verklagsreglurnar eru meira í ætt við þau vinnubrögð sem viðhöfð voru við gerð Aðalskipulags Ísafjarðarbæjar 2008-2020, en aðstandendur þess unnu fyrir vikið skipulagsverðlaun Skipulagsfræðingafélags Íslands árið 2010.

 

Deiliskipulagsbreytingin er fyrir opin svæði í Tungudal og er auglýst eftir hópi áhugafólks um málið. Skipaður verður skipulagshópur, eins og verður gert í viðameiri skipulagsvinnu héðan í frá, þar sem eiga sæti hópur fólks sem telur sig verða fyrir áhrifum af deiliskipulaginu, auk eins fulltrúa umhverfisnefndar. Þar að auki gefst fólki kostur á að skrá sig á póstlista og fá þannig fréttir af framvindu mála og koma á framfæri sínum athugasemdum.

 

Að þessari vinnu lokinni mun hópurinn skila tillögum til bæjarstjórnar. Fyrirséð er að í einhverjum tilfellum munu andstæð sjónarmið fulltrúa skipulagshóps vera ósamræmanleg, og verður þá skilað fleiri en einni tillögu sem bæjarstjórn velur á milli.

 

Markmiðið með þessum verklagsbreytingum er að stuðla að góðum stjórnsýsluháttum, gegnsæju vinnuferli og upplýsingaflæði, rökstuddri ákvarðanatöku sem byggir á faglegum forsendum, og góðum skipulagslausnum í sátt við íbúa og aðra notendur.

 

Auglýsingu um skipulagsbreytinguna sem og nýjar verklagsreglur er að finna hér á vefnum. Smellt er á borðann „Deiliskipulag“ í hægri spalta á forsíðu.

Vi­bur­adagatal
« MaÝ »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Vefumsjˇn