Flřtilei­ir
fimmtudagurinn 22. maÝá2014 - 16:09 | Umhverfis- og eignasvi­

GrŠn vika Ý ═safjar­arbŠ

Græn vika Ísafjarðarbæjar hefst á laugardag og stendur til 30. maí en meðan á henni stendur leggjast allir á eitt um að hreinsa og fegra bæinn. Vikan er samstarfsverkefni Ísafjarðarbæjar, grunnskólanna, fyrirtækja, stofnana og íbúasamtaka og vinna allir í sjálfboðavinnu. Allt frá leikskólakrökkum til starfsmanna sveitarfélagsins taka höndum saman um þetta verkefni. Til að mynda munu 400 grunnskólakrakkar á Ísafirði hafa sérstakan vorverkadag miðvikudaginn 28. maí, þar sem tekið verður til hendinni. Íbúasamtök og aðrir hópar fá ruslapoka, gáma og fleira eftir þörfum og skipuleggja hóparnir sín verkefni sjálfir. Auk hreinsunar verður víða gróðursett í vikunni og má því fastlega búast við að átakið muni fegra bæinn.

Sorphirðufyrirtækin tvö, Gámaþjónusta Vestfjarða og Kubbur ehf., koma veglega að vikunni og gefa alla þá aukavinnu sem fyrirtækin þurfa að inna af hendi þessa daga. Mörg fyrirtæki á svæðinu eru þegar farin að taka til í kringum sig sem er mjög ánægjulegt. Gámar fyrir garðaúrgang verða settir upp í hverjum byggðarkjarna utan Ísafjarðar og verða þar eitthvað fram á sumar.

 

Þess má geta að opið er alla virka daga á Gámasvæði Funa í Engidal frá klukkan 08 til kl. 18 (lokað í hádeginu) og á laugardögum frá kl. 12 til kl. 16. Söfnunarbílar eru á Flateyri, Suðureyri og Þingeyri á þessum tímum:

 

Þriðjudaga:
Þingeyri kl. 13:00-14:00

Flateyri kl. 15:00-16:00  

Suðureyri kl. 16:30-17:30  

 

Laugardaga:

Þingeyri kl. 11:00-12:00
Flateyri kl. 13:00-14:00
Suðureyri kl. 14:30-15:30

 

Sími Kubbs ehf. er 456-4166

Sími Gámaþjónusta Vestfjarða er 456-3710

Vi­bur­adagatal
« MaÝ »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Vefumsjˇn