Flřtilei­ir

Sřsluma­urinn ß ═safir­i

Sýsluskrifstofan er í Hafnarstræti 1(Stjórnsýsluhúsi),  Ísafirði - Sími: 450 3700 - Fax: 456 4795 
Opnunartími: 09:30-15:30 -  Símavarsla: 08:30-15:30

 

Reynt er að mæta óskum um viðtöl utan þess tíma, ef þess er kostur.

 

Sýslumaðurinn á Ísafirði fer með stjórnsýslu ríkisins í héraði, eftir því sem lög og reglugerðir mæla fyrir um, sbr. 1. gr. laga um framkvæmdarvald ríkisins í héraði nr. 92/1989. Umdæmi sýslumannsins á Ísafirði nær frá Langanesi upp á hálendi Glámu, þaðan niður í Ísafjörð og þvert yfir Ísafjarðardjúp upp á Drangajökul og endar á Geirólfsnúpi. Sýslurnar eru norður- og Vestur-Ísafjarðarsýslur, samtals 4190 km².

 

Embætti sýslumannsins annast lögreglustjórn, sem og sektarákvörðun, og ákærumeðferð að hluta. Tollafgreiðsla og tolleftirlit, innheimta skipagjalda og lög- og réttindaskráning sjómanna fara fram hjá embættinu. Þá eru innheimt opinber gjöld, að því leyti sem innheimtan er ekki falin öðrum.  Umboð fyrir Tryggingastofnun ríkisins á sviði almannatrygginga er rekið hjá sýslumanni. Önnur verkefni eru: Þinglýsingar og aflýsingar skjala, útgáfa vottorða, skráning firma og kaupmála, fjárnám,útgáfa vegabréfa og ökuskírteina, kyrrsetning, lögbann, hjónavígslur, hjónaskilnaðir og forræðis- og umgengnismál, lögræðismál, skipti dánarbúa,lögbókandagerðir og nauðungarsala.

 

Að jafnaði eru þrjátíu starfsmenn hjá embættinu.

Vefumsjˇn