Vala konan mín sendi mér tölvupóst í s.l. viku með subjektinu - flottur bæjarstjóri.

Ég taldi náttúrulega að þarna væri hún að meina mig en svo var ekki. Hún var að benda mér á grein sem birtist í Járngerði, féttabréfi Grindavíkurbæjar og sjá má hér að neðan. Greinin er eftir Róbert Ragnarsson bæjarsstjóra Grindarvíkur.

Ég er sammála Völu, það er flott að taka þetta upp. Er þetta ekki svipað hjá okkur? Við eigum að taka meiri þátt í skólastarfinu og stuðla þannig að framgangi skólanna. Menntun barnanna okkar er ekki einkamál kennaranna. Ég vil gera orð Róberts að mínum og hvetja foreldra til að taka þetta til umhugsunar. Það ætla ég að gera.

Grein Róberts má sjá ef stutt er á meira hér að neðan en einnig má finna hana á http://www.grindavik.is/v/8421

Kær kveðja Daníel.

Íbúar Skutulsfjarðar hafa eflaust tekið eftir talsverðri fækkun ferða Strætisvagna Ísafjarðarbæjar. Jafnframt hefur ferðatíma í minni byggðarlögin aðeins verið hnikað til. Það er engin óskastaða þeirra sem starfa að bæjarmálum að þurfa að skera niður þjónustu, en því miður er það sá raunveruleiki sem blasir við okkur í dag. Endum þarf að ná saman og þá þarf að forgangsraða. Eftir skoðun starfsmanna Ísafjarðarbæjar með þeim verktaka sem sér um aksturinn var niðurstaðan sú að allmargar ferðir væru ekki nógu vel nýttar til að réttlætanlegt væri að halda þeim úti í því árferði sem nú er.

Vestfirðingar hafa um áratugaskeið háð baráttu fyrir bættum vegasamgöngum. Mikið hefur áunnist og vegurinn á milli Ísafjarðar og Reykjavíkur er orðinn mjög viðunandi þó að við gætum allaf þegið styttingu á honum.