1.

2012010006 - Ýmis erindi 2012/2013 - Ungmennafélag Íslands

Lagt fram bréf frá UMFÍ dagsett 7. febrúar 2013 þar sem fram kemur að auglýst hefur verið eftir umsóknum frá sambandsaðilum um að taka að sér undirbúning og framkvæmd 28. Landsmóts UMFÍ 2017 og 29. Landsmóts UMFÍ 2021.

Lagt fram til kynningar.

2.

2012010006 - Ýmis erindi 2012/2013 - Ungmennafélag Íslands

Lagt fram bréf frá UMFÍ dagsett 7. febrúar 2013 þar sem fram kemur að ákveðið hefur verið að auglýsa eftir umsóknum frá sambandsaðilum um að taka að sér undirbúning og framkvæmd 19. Unglingalandsmóts UMFÍ 2016.

Lagt fram til kynningar.

3.

2012010006 - Ýmis erindi 2012/2013 - Ungmennafélag Íslands

Lagt fram bréf frá UMFÍ dagsett 7. febrúar 2013 þar sem fram kemur að ákveðið hefur verið að auglýsa eftir umsóknum frá sambandsaðilum um að taka að sér undirbúning og framkvæmd 28. Landsmóts UMFÍ 2017 og 5. Landsmóts UMFÍ 50+ árið 2015.

Nefndin hvetur HSV til að sækja um Landsmót UMFÍ 50+ árið 2015.

4.

2012010006 - Ýmis erindi 2012/2013 - Ungmennafélag Íslands

Lagt fram bréf frá UMFÍ dagsett 24. febrúar 2013 þar sem fram kemur samþykkt frá 38. samráðsfundi Ungmennafélags Íslands.

Lagt fram til kynningar.

5.

2010050008 - Jafnréttisáætlun

Lögð fram samþykkt jafnréttisáætlun Ísafjarðarbæjar.

Lagt fram til kynningar.

6.

2012110041 - Íþróttamaður Ísafjarðarbæjar 2012

Lagt fram minnisblað frá sviðsstjóra skóla- og tómstundasviðs þar sem viðraðar eru hugmyndir um breytt fyrirkomulag á útnefningu íþróttamanns Ísafjarðarbæjar.

Nefndin felur starfsmönnum að setja upp minnisblað í samræmi við umræður á fundinum og leggja fyrir formannafund HSV til umsagnar.

7.

2011030095 - Stefnumótun í íþrótta- og tómstundamálum Ísafjarðarbæjar

Lagt fram minnisblað frá sviðsstjóra skóla- og tómstundasviðs þar sem fram kemur að mikilvægt sé að hefja forgangsröðun á uppbyggingaráætlun íþróttamannvirkja í samráði við HSV.

Nefndin óskar eftir því við HSV að gerð verði þarfagreining fyrir þær íþróttir sem stundaðar eru hjá sveitarfélaginu.

1.

2012100061 - Hjólabraut á fjöllum.

Lagt fram bréf frá Hálfdáni Jónssyni dagsett 30. september s.l., þar sem óskað er eftir leyfi til að stunda hjólreiðar og útbúa hjólabrautir á sérvöldum útivistarsvæðum í sveitarfélaginu.
Nefndin fagnar frumkvæði Hálfdáns og tekur vel í erindið, en vísar því til umhverfisnefndar til frekari úrvinnslu.

2.

2012070021 - Hlaupahátíð á Vestfjörðum 2012-2013.

Lagt fram bréf frá stjórn Hlaupahátíðar á Vestfjörðum dagsett 23. október s.l., þar sem óskað er eftir stuðningi Ísafjarðarbæjar við undirbúnig og framkvæmd hátíðarinnar.
Í ljósi vaxandi stuðnings og áhuga á hátíðinni leggur nefndin til við bæjarráð að styrkbeiðnin verði samþykkt.

3.

2012030068 - Samstarfssamningur 2012.

Lögð fram til kynningar drög að viðaukasamningi við samstarfssamning Héraðssambands Vestfirðinga og Ísafjarðarbæjar þar sem fram kemur hækkun á greiðslu Ísafjarðarbæjar vegna íþróttaskóla HSV.
Nefndin vonar að hægt verði að tryggja áframhaldandi starf íþróttaskólans, með þessum samningi, sem mikil ánægja er með.

4.

2011030095 - Stefnumótun í íþrótta- og tómstundamálum Ísafjarðarbæjar.

Lögð fram drög að íþrótta- og tómstundastefnu íþrótta- og tómstundanefndar, sem fór fyrir bæjarráð í síðustu viku.
Nefndin leggur til við bæjarstjórn að hún samþykki stefnuna með áorðnum breytingum. Nefndin mun á næstu mánuðum fara í vinnu við forgangsröðun og uppbyggingaráætlun íþróttamannvirkja í samstarfi við HSV.

1.

2012090006 - Fjárhagsáætlun 2013 og þriggja ára áætlun.

Lögð fram til kynningar drög að viðhalds- og fjárfestingaáætlun íþróttamannvirkja 2013.

Nefndin gerir ekki athugasemd við drögin.

2.

2012030068 - Samstarfssamningur HSv og Ísafjarðarbæjar 2012.

Lagðar fram til kynningar verklagsreglur vegna 16. greinar samstarfssamnings HSV og Ísafjarðarbæjar.

Nefndin samþykkir verklagsreglurnar með þeim breytingum sem fram komu á fundinum.

3.

2011030095 - Stefnumótun í íþrótta- og tómstundamálum Ísafjarðarbæjar

Lög fram drög að íþrótta- og tómstundastefnu Ísafjarðarbæjar, sem verið hefur í vinnslu í nefndinni.

Nefndin leggur til að drögin verði send bæjarráði.

4.

2012030082 - Vinnuskólinn 2012.

Lögð fram til kynningar skýrsla vinnuskóla Ísafjarðarbæjar sumarið 2012.

Nefndin þakkar fyrir góða skýrslu.

Hermann V. Jósefsson lagði fram eftir farandi bókun:

Í ljósi þess hversu lítið hlutfall af unnum tíma vinnuskólans er unninn á Flateyri (1,9%) og Suðureyri (2,8%) sér undirritaður ekki skynsemi í því að halda úti starfsemi á þessum stöðum á komandi sumri að óbreyttu. Álykta má að þar sem um 15% íbúa Ísafjarðarbæjar búa á þessum stöðum sé meira af kennsluverkefnum fyrir vinnuskólann heldur en tölur um unninn tíma segja til um.

1.

2011030095 - Stefnumótun í íþrótta- og tómstundamálum Ísafjarðarbæjar

Unnið að stefnumótun í íþrótta- og tómstundamálum, sem er langt á veg komin, afgreiðslu frestað til næsta fundar.

2.

2012090008 - Hagir og líðan ungs fólks í Ísafjarðarbæ 2012.

Lagðar fram til kynningar niðurstöður Rannsóknar og greiningar á högum og líðan ungs fólks í Ísafjarðarbæ.

3.

2011010055 - Ungt fólk - Æskulýðsrannsóknir

Lagðar fram til kynningar niðurstöður Rannsóknar og greiningar, Ungt fólk 2012.

4.

2011020114 - Uppsagnir - skipurit

Tekin fyrir tillaga bæjarstjóra um færslu skíðasvæðanna í Tungudal og á Seljalandsdal af umhverfis- og eignasviði yfir á skóla- og tómstundasvið.

Nefndin styður tillögu bæjarstjóra samhljóða.

5.

2011020008 - 16.,17. og 18. unglingalandsmót UMFÍ 2013-2015

Lagt fram bréf frá Héraðssambandi Vestfirðinga, dagsett 7. júní sl., er varðar Unglingalandsmót 2015. Í bréfinu kemur fram að HSV hefur áhuga á að sækja um að halda mótið í Ísafjarðarbæ og leitar eftir stuðningi Ísafjarðarbæjar til þess.

Nefndin tekur jákvætt í erindið.

6.

2012090006 - Fjárhagsáætlun 2013 og þriggja ára áætlun

Lögð fram gjaldskrá 2012 fyrir íþróttamannvirki og vinnuskóla.

Nefndin leggur til við bæjarstjórn að gjaldskrár verði hækkaðar til samræmis við hækkanir á öðrum gjaldskrám fyrir árið 2013.

1.

2011030095 - Stefnumótun í íþrótta- og tómstundamálum Ísafjarðarbæjar

Unnið að stefnumótun í íþrótta- og tómstundastefnu,  stefnumótunin er langt á veg komin.

2.

2010050008 - Jafnréttisáætlun.

Lögð fram til kynningar drög að jafnréttisáætlun Ísafjarðarbæjar.

Nefndin gerir ekki athugasemdir við drögin.

1.

2012040012 - Rekstrar- og starfsskýrsla HSV 2011

Lögð fram til kynningar rekstrar- og starfsskýrsla HSV vegna ársins 2011.

2.

2012030068 - Samstarfssamningur 2012

Lögð fram drög að samstarfssamningi og verkefnasamningi við HSV og kynntar þær breytingar sem á drögunum hafa orðið.

3.

2012010029 - Útboð á rekstri skíðasvæða í Ísafjarðarbæ.

Lagt fram bréf frá sviðsstjóra umhverfis- og eignasviðs dagsett 4. apríl 2012 þar sem fram kemur að í skoðun sé að fara í forval vegna útboðs á rekstri skíðasvæðis Ísafjarðarbæjar. Óskað er eftir áliti íþrótta- og tómstundanefndar.

Nefndinni lýst vel á að farið verði í forval en leggur á það áherslu að hver sá sem að lokum tekur við rekstri svæðisins uppfylli ákveðin skilyrði. Nefndin lýsir sig reiðubúna til að koma að útfærslu slíkra skilyrða.

4.

2012030082 - Vinnuskólinn 2012

Lagt fram minnisblað frá sviðsstjóra skóla- og tómstundasviðs dagsett 10. apríl 2012, þar sem fram kemur tillaga að launum ungmenna í vinnuskólanum sumarið 2012.

Nefndin leggur til við bæjarstjórn að tillagan verði samþykkt.

5.

2011030095 - Stefnumótun í íþrótta- og tómstundamálum Ísafjarðarbæjar

Unnið að stefnumótun í íþrótta- og tómstundamálum.

1.

2010110034 - Reglugerð um hollustuhætti á sund- og baðstöðum.

Lagt fram til kynningarbréf frá Umhverfisráðuneytinu dagsett 9. mars s.l., þar sem gerð er grein fyrir stöðu undanþágubeiðnar Ísafjarðarbæjar varðandi reglugerð nr. 814/2010 um hollustuhætti á sund- og baðstöðum. 

2.

2012030068 - Samstarfssamningur við Héraðssamband Vestfirðinga  2012.

Lögð fram drög að samstarfssamningi og verkefnasamningi milli Ísafjarðarbæjar og HSV. 

Nefndin leggur til við bæjarstjórn að samningarnir verði samþykktir til fjögurra ára með endurskoðunar ákvæðum.

3.

2011030095 - Stefnumótun í íþrótta- og tómstundamálum Ísafjarðarbæjar.

Lögð fram vinnugögn vegna stefnumótunar í íþrótta- og tómstundamálum Ísafjarðarbæjar.

Unnið í stefnumótun. 

1.

2012010029 - Útboð á rekstri skíðasvæða í Ísafjarðarbæ.

Jóhann Birkir Helgason sviðsstjóri umhverfis- og eignasviðs mætti á fundinn og fór yfir útboðsgögn skíðasvæðisins með nefndarmönnum. Rætt almennt um skíðasvæðið.

Nefndin telur að skoða eigi að fara í útboð á skíðasvæðinu en óskar jafnframt eftir því ef farið verður í útboð að fá að hafa aðkomu að ákvörðuninni þegar tilboð hafa borist.

Gauti Geirsson lagði fram sér bókun. ?Útboð í þessari mynd er ekki skíðasvæðinu til framdráttar, of margir óvissuþættir eru til staðar hvað varðar framkvæmd útboðs og eftirlits svo að skynsamlegt sé að fara í það.

Nefndin leggur til að Tæknideild Ísafjarðarbæjar láti vinna kostnaðarútreikning á þeirri framkvæmd sem felst í því að gera veg, bílastæði og salernisaðstöðu við Miðfellslyftu á hjallanum vestan við Tungudal. Vegurinn myndi koma í framhaldi af vegi sem nú liggur að gönguskíðaskálanum og ná að þeim stað þar sem sneiðingurinn niður að lyftunni byrjar. Þessi framkvæmd myndi gera það kleyft að hafa aðgengi að Miðfellslyftunni þó lítill snjór sé niðri í dalnum og þar með fjölga opnunardögum svæðisins.

2.

2011030095 - Stefnumótun í íþrótta- og tómstundamálum Ísafjarðarbæjar

Lögð fram vinnugögn vegna stefnumótunar í íþrótta- og tómstundamálum Ísafjarðarbæjar.

Unnið við stefnumótun. 

1.

2012010044 - Umsókn um afnot af 3. hæð Sundhallar á Ísafirði.

Lagt fram bréf frá Golfklúbbi Ísafjarðar dagsett 20. janúar s.l., þar sem óskað er eftir  að fá 3. hæð Sundhallar Ísafjarðar til afnota undir æfingaraðstöðu.

Nefndinni lýst vel á hugmyndir Golfklúbbsins, en þær gætu orðið golfíþróttinni til framdráttar.  

2.

2012020023 - Útfærsla á hagræðingu í íþróttamannvirkjum Ísafjarðarbæjar.

Lagðar fram tillögur að opnunartímum íþróttamannvirkja sumarið 2012 og veturinn 2012-2013.

Lagt fram til kynningar.

3.

2012020022 - Boðskort - Íslandsglíman.

Lagt fram boðskort frá Glímusambandi Íslands og Glímudeild Harðar þar sem fulltrúum íþrótta- og tómstundanefndar er boðið að vera viðstödd Íslandsglímuna sem haldin verður laugardaginn 14. apríl n.k. í íþróttahúsinu á Torfnesi.

Lagt fram til kynningar.

4.

2012010006 - Ýmis erindi 2012 - Ungmennafélag Íslands

Lagt fram bréf frá Ungmennafélagi Íslands, dagsett 3. janúar s.l., þar sem óskað er eftir því við sveitarfélög að þau veiti hópum sem eru í íþróttakeppnum afsláttarkjör af gistingu í skólahúsnæði viðkomandi sveitarfélags.

Nefndin er jákvæð fyrir því að íþróttahópar fái gistingu á viðráðanlegu verði í skólahúsnæði, en leggur áherslu á að fræslunefnd fái málið til umsagnar.

5.

2012010029 - Útboð á rekstri skíðasvæða í Ísafjarðarbæ.

Lagt fram bréf Jóhanns B. Helgasonar, sviðsstjóra umhverfis- og eignasviðs dagsett 16. janúar sl. Bréfið varðar drög að útboðsgögnum fyrir rekstur á skíðasvæðum Ísafjarðarbæjar í Tungudal og á Seljalandsdal, Ísafirði.

Nefndin telur að útboð á rekstri svæðanna verði því ekki til hagsbóta. Betur verði að skoða þann möguleiki að hafa á svæðinu svæðisstjóra hluta úr ári,  sem er ábyrgur fyrir því og hefur það í fyrsta sæti þann hluta úr árinu, sem hann sinnir starfi svæðisstjóra.

Nefndin vísar í bókun nefndarinnar frá 127. fundi sínum þar sem lýst var áhyggjum af svæðinu.

Úr fundarggerð 127. fundar íþrótta- og tómstundarnefndar

a) Gauti Geirsson lýsti yfir áhyggjum af skíðasvæðinu. Ekki hefur verið ráðinn svæðisstjóri eins og áætlað var en mjög mikilvægt er að á svæðinu sé einhver sem áhuga hefur á svæðinu og er vakinn og sofinn yfir því. Viðkomandi þarf að vinna samkvæmt veðurspá og ná að fanga þann snjó sem mögulegt er. Mikið er af dýrum búnaði á svæðinu sem fara verður vel með. Mjög illa var gengið frá í sumar þegar enginn virtist bera ábyrgð á svæðinu.Fulltrúar meirihlutans hvetja bæjarstjórn til að endurskoða þá ákvörðun að ráða ekki svæðisstjóra á skíðasvæðið.

6.

2011030095 - Stefnumótun í íþrótta- og tómstundamálum Ísafjarðarbæjar.

Lögð fram vinnugögn vegna stefnumótunar í íþrótta- og tómstundamálum
Ísafjarðarbæjar.

Ákveðið að fresta málinu til næsta fundar. Gert ráð fyrir vinnufundi 22. febrúar n.k.