Árið 2005, þriðjudaginn 27. desember kl. 15:00 hélt menningarmálanefnd fund á skrifstofu Ísafjarðarbæjar á 2. hæð í Stjórnsýsluhúsinu á Ísafirði.

Ákveðið hefur verið að bæjarlistamaður Ísafjarðarbæjar árið 2005, verði heiðraður í hófi sem haldið verður á 4. hæð í Stjórnsýsluhúsinu á Ísafirði, miðvikudaginn 28. desember n.k. og hefst kl. 15:00.

Ný afgreidd fjárhagsáætlun b-æjarsjóðs Ísafjarðarbæjar, stofnana hans og fyrirtækja kynnt og rædd hvað menningarmálanefnd varðar.

Lagt fram bréf undirritað af bæjarritara til formanna nefnda Ísafjarðarbæjar og sviðsstjóra dagsett 30. nóvember s.l., ásamt áherslupunktum frá Íbúasamtökunum Átaki á Þingeyri, unnið af stjórn samtakanna haustið 2005. Efni áherslupunktanna á erindi til flestra nefnda og sviða, en þó mis mikið.

Menningarmálanefnd mun fylgjast með þeim þáttum í bréfi íbúasamtakanna er varðar svið nefndarinnar.

Borist hefur beiðni um styrk vegna endurútgáfu á hljómdiski Vilbergs Vilbergssonar, bæjarlistamanns Ísafjarðarbæjar árið 2001.

Menningarmálanefnd samþykkir styrkveitingu að fjárhæð kr. 300.000,-.
Við endurútgáfuna munu allmörg eintök koma í hlut Ísafjarðarbæjar, að kostnaðarlausu.

Fleira ekki gert, fundarbókun upp lesin og samþykkt, fundi slitið kl. 16:25.

Þorleifur Pálsson, ritari.

Inga Ólafsdóttir, formaður.

Sigurborg Þorkelsdóttir. Hansína Einarsdóttir.