Árið 2005, þriðjudaginn 25. október kl. 15:00 hélt menningarmálanefnd fund á skrifstofu Ísafjarðarbæjar á 2. hæð í Stjórnsýsluhúsinu á Ísafirði.  Hansína Einarsdóttir, aðalmaður í menningarmálanefnd var fjarverandi, sem og varamaður hennar.

Til fundar við menningarmálanefnd er mættur Jóhann Hinriksson, forstöðumaður Safnahúss.

Tekið fyrir erindi frá Áslaugu S. Alfreðsdóttur, sem lagt var fram á síðasta fundi menningarmálanefndar, er varðar opnunartíma og almenna þjónustu í Safnahúsi Eyrartúni.

Menningarmálanefnd felur Jóhanni Hinrikssyni, forstöðumanni, að gera drög að stefnumótun vegna þjónustu í Safnahúsinu. Stefnt er að því að leggja drögin fyrir á næsta fundi menningarmálanefndar.

Lagður fram samstarfssamningur á milli Bæjar- og héraðsbókasafnsins Ísafirði og Bókasafns- og upplýsingafræðiskorar félagsvísindadeildar Háskóla Íslands, dagsettur 10. október 2005. Markmið samstarfsins er að mynda tengsl á milli háskólanáms í bókasafns- og upplýsingafræðum og starfsemi almenningsbókasafns á vettvangi, báðum aðilum til hagsbóta.

Menningarmálanefnd staðfestir samstarfssamninginn.

Jóhann Hinriksson, forstöðumaður, upplýsti menningarmálanefnd um endurskipulagningu á starfsemi bókasafnsins á Þingeyri.
Jafnframt gerði hann menningarmálanefnd grein fyrir væntanlegum styrkumsóknum í Safnasjóð.
Jóhann gerði og grein fyrir uppsetningu á vef ljósmyndasafnsins, sem styrktur var af Þjóðhátíðarsjóði.

Lögð fram tillaga að tímasettri dagskrá vegna tendrunar jólaljósa í Ísafjarðarbæ fyrir jólin 2005.

Tendrun á Ísafirði laugardaginn 3. desember n.k.
Tendrun á Suðureyri sunnudaginn 4. desember n.k.
Tendrun á Flateyri laugardaginn 10. desember n.k.
Tendrun á Þingeyri sunnudaginn 11. desember n.k.

Nánari upplýsingar um tímasetningu og dagskrána á hverjum stað liggi fyrir á næsta fundi menningarmálanefndar, sem verður fljótlega í nóvember n.k.

Lagt fram bréf frá Karlakórnum Erni dagsett 15. október s.l., þar sem kórinn er að óska eftir styrk til starfsemi sinnar.

Erindið tekið fyrir við styrkveitingar á árinu 2006.

Fleira ekki gert, fundarbókun upp lesin og samþykkt, fundi slitið kl. 16:10.

Þorleifur Pálsson, ritari.

Inga Ólafsdóttir, formaður.

Sigurborg Þorkelsdóttir.