Árið 2005, þriðjudaginn 13. september kl. 15:00 hélt menningarmálanefnd fund á skrifstofu Ísafjarðarbæjar á 2. hæð í Stjórnsýsluhúsinu á Ísafirði.

Lagt fram bréf frá Kómedíuleikhúsinu dagsett 7. júlí s.l., þar sem sótt er um styrk til menningarmálanefndar vegna leiklistarhátíðarinnar ACT ALONE, sem haldin var í Ísafjarðarbæ helgina 30. júní til 3. júlí s.l. Sótt er um styrk að upphæð kr. 300.000.-.

Menningarmálanefnd samþykkir styrkveitingu að fjárhæð kr. 100.000.-.

Lagt fram bréf frá Rótum félagi áhugamanna um menningarfjölbreytni dagsett þann 6. september s.l. Í bréfinu er óskað eftir fjárstyrk frá menningarmálanefnd vegna fyrirhugaðrar kvikmyndahátíðar sem haldin verður á Ísafirði um mánaðarmótin september-október n.k. Sótt er um styrk að fjárhæð kr. 70.000.-.

Menningarmálanefnd samþykkir styrkveitingu að fjárhæð kr. 50.000.-.

Rætt um framkvæmd hátíðarhalda á 17. júní s.l. og farið yfir einstaka þætti dagskrárinnar.

Ákveðið var að fá verkefnisstjóra á fund nefndarinnar á næstunni.

Farið var yfir rekstur Tjöruhússins í Neðstakaupstað á líðandi sumri, sem og innkaup og framkvæmdir við húsið nú í sumar. Umhverfi hússins var lagað sem og var þak þess málað. Endurnýjaður var og búnaður vegna veitingareksturs í húsinu.

Menningarmálanefnd samþykkir að gerðar verði millifærslur innan fjárhagsáætlunar nefndarinnar, til að mæta umframkostnaði einstakra liða.

Lagt fram bréf Ragnheiðar Gröndal dagsett 13. september 2005, þar sem óskað er eftir styrk frá menningarmálanefnd vegna tónleikahalds á Ísafirði í nóvember n.k.

Menningarmálanefnd telur sér ekki fært að verða við erindinu, en mun benda bréfritara á hugsanlega samstarfsaðila.

Fleira ekki gert, fundarbókun upp lesin og samþykkt, fundi slitið kl. 16:30

Þorleifur Pálsson, ritari.

Inga Ólafsdóttir, formaður.
Sigurborg Þorkelsdóttir.