Árið 2005, miðvikudaginn 29. júní kl. 15:00 hélt menningarmálanefnd fund á skrifstofu Ísafjarðarbæjar á 2. hæð í Stjórnsýsluhúsinu á Ísafirði.

Lögð fram bréf frá Rússneska sendiráðinu í Reykjavík, dagsett 16., 21. og 22. júní s.l., varðandi uppsetningu minnisvarða hér á Ísafirði, um fallna sjómenn er fórust út af Horni þann 5. júlí 1942. Fram hefur komið beiðni um að Ísafjarðarbær aðstoði við staðarval og val á steini, sem á yrði fest listaverk, plata með skýringartexta og plata með mynd af orðu. Erindið var tekið fyrir á fundi bæjarráðs þann 27. júní s.l. og hlaut jákvæða afgreiðslu.
Menningarmálanefnd ásamt Jóhanni Birki Helgasyni, bæjartæknifræðingi og Jóni Sigurpálssyni, forstöðumanns Byggðasafns Vestfjarða, hafa skoðað aðstæður í Neðstakaupstað vegna hugsanlegrar uppsetningar minnisvarðans þar.

Ákveðið hefur verið að minnisvarðinn verði staðsettur í Neðstakaupstað í námunda við safnahúsin.

Lagur fram listi yfir þátttakendur Ísafjarðarbæjar á vinabæjarmóti unlinga er haldið verður í Tönsberg í Noregi dagana 27. ágúst til 2. september n.k.

Lagt fram til kynningar.

Lagt fram bréf frá Marsibil G. Kristjánsdóttur, Túngötu 17, Ísafirði, dagsett þann 20. júní s.l., þar sem hún sækir um styrk frá menningarmálanefnd að upphæð kr. 60.000.- vegna uppsetningar málverkasýningar á verkum sínum á veitingastaðnum Langa Manga á Ísafirði. Sýningin verður opnuð þann 1. júlí n.k.

Menningarmálanefnd samþykkir að veita styrk að upphæð kr. 40.000.-

Fleira ekki gert, fundarbókun upp lesin og samþykkt, fundi slitið kl. 15:40

Þorleifur Pálsson, ritari.

Inga Ólafsdóttir, formaður.

Sigurborg Þorkelsdóttir. Hansína Einarsdóttir.