Miðvikudaginn 23. nóvember 2005 kl. 16:00 kom íþrótta- og tómstundanefnd Ísafjarðarbæjar saman í fundarsal bæjarstjórnar í Stjórnsýsluhúsinu á Ísafirði.
Á fundinum voru: Bryndís Birgisdóttir, formaður, Jón Hálfdán Pétursson, Jóna Benediktsdóttir, Jón Björnsson, íþrótta- og tómstundafulltrúi, Gunnar Þórðarson frkvstj. HSV .Sturla Páll Sturluson og Guðríður Sigurðardóttir
Jón Björnsson ritaði fundargerð.

Bryndís Birgisdóttir kynnti nefndinni að íþróttafélagið Stefnir eigi 100 ára afmæli á komandi ári. Rætt var um gjöf til félagsins.

Ákvörðun frestað til næsta fundar

Lokaumræður fóru fram um fjárhagsáætlun fyrir árið 2006.

Fram var lagt bréf dagsett 16. nóvember 2005, frá áhugahópi um kaup á líkamsræktartækjum í íþróttahúsið á Suðureyri, undirritað af Einari Ómarssyni.
Óskað er eftir því að fá að setja tækin upp í íþróttasalnum og jafnfram styrk til að fjármagna kaupin að hluta.

Samþykkt var að heimila uppsetningu tækjanna en óskað eftir nánari útfærslu á rekstri og heildarfjármögnum á tækjakaupunum.

Lagt var fram bréf dagsett 21.11.2005, frá Dóru Hlín Gísladóttur, þar sem hún spyrst fyrir um hvort möguleiki sé á því að sett verði upp skautasvell einhversstaðar á Ísafirði.

Íþrótta- og tómstundafulltrúa falið að kanna möguleika á að búa til skautasvell og svara bréfritara.

1. Samskipti við íþróttafélög.

Í framhaldi af kynningu á framtíðarnefnd HVS, frá síðasta fundi, leggur nefndin til að unnið verði samkvæmt tillögum framtíðarnefndarinnar um samskipti við íþróttafélögin.

2. Opnunartími sundlaugar og íþróttahúss á Suðureyri

Ákveðið var að opnunartími í íþróttasalnum á Suðureyri verði sá sami og opnunartími sundlaugar. Umsjónarmaður hússins hefur þó heimild til þess að víkja út frá þeim tíma ef þurfa þykir, ekki síst á lokunardegi sundlaugar.

3. Vígsla íþróttahússins á Suðureyri.

Dagskrá vígxluhátíðar íþróttahússins á Suðureyri sem haldin verður 26. nóvember n.k. kynnt fyrir fundarmönnum.

4. Frístundamiðstöð Ísafjarðarbæjar.

Íþrótta- og tómstundarfulltrúi lagði til að skrifstofa fulltrúans ásamt þeim öðrum skrifstofum sem tengjast beint starfi hans verði nefndar Frístundamiðstöð í bókunum og símaskrá .

5. Bréf frá hestamannafélaginu Hendingu.

Kynnt var efni bréfs frá Hestamannafélaginu Hendingu á Ísafirði, dagsett 16. nóv. 2005, þar sem óskað er eftir styrk til námskeiðshalds sumarið 2006.

Lagt fram til kynningar.

Fleira ekki gert, fundargerð upp lesin og samþykkt. Fundi slitið kl. 17:15

Bryndís Birgisdóttir, formaður.

Jón Hálfdán Pétursson. Jóna Benediktsdóttir.

Gunnar Þórðarson. Jón Björnsson, íþrótta- og tómstundafulltrúi.

Sturla Páll Sturluson. Guðríður Sigurðardóttir.