Fimmtudaginn 14. september 2005 kl. 16:00 kom íþrótta- og tómstundanefnd saman í fundarsal bæjarstjórnar. Á fundinum voru: Bryndís Birgisdóttir, formaður, Sturla Páll Sturluson, Guðríður Sigurðardóttir, Jón Hálfdán Pétursson, Jón Björnsson, íþrótta- og tómstundafulltrúi og Ingibjörg María Guðmundsdóttir, forstöðumaður Skóla- og fjölskylduskrifstofu Ísafjarðarbæjar. Jóna Benediktsdóttir boðaði forföll, enginn mætti í hennar stað. Gunnar Þórðarson boðaði forföll, enginn mætti í hans stað.
Ingibjörg María Guðmundsdóttir ritaði fundargerð.

Þetta var gert:

1. Stefnumótun fyrir Frístundamiðstöð. 2004-09-0074.

Íþrótta- og tómstundanefnd ræddi næstu skref í ferlinu.

Íþrótta- og tómstundafulltrúa falið að vinna að málinu.

2. Opin leiksvæði í Ísafjarðarbæ. 2005-06-0014

Íþrótta- og tómstundafulltrúi sagði frá því að gera þyrfti áætlun um hvernig endurnýja beri opin leiksvæði í sveitarfélaginu. Íbúasamtökin á Flateyri hafi boðið fram aðstoð við uppbyggingu á leiksvæði þar. Nú þegar hafa leiksvæði á Suðureyri og Þingeyri verið endurnýjuð á síðustu árum.

Íþrótta- og tómstundanefnd felur íþrótta- og tómstundafulltrúa að taka saman stöðuna á leiksvæðunum og gera tillögu um framkvæmdaráætlun í samvinnu við fagmenn svo áætlun liggi fyrir við gerð fjárhagsáætlunar.

3. Púttvöllur við Hlíf. 2004-10-0033.

Rætt um framkvæmdir við púttvöll við Hlíf.

Íþrótta- og tómstundanefnd hefur ekki fjármagn til framkvæmda á yfirstandandi fjárhagsáætlun og vísar framkvæmdum við púttvöll til fjárhagsáætlunar n.k. árs.

4. Íþróttahús á Suðureyri.

Rætt um starfsmannamál á Suðureyri nú þegar nýtt íþróttahús verður tekið í notkun í næsta mánuði.

Íþrótta- og tómstundanefnd felur íþrótta- og tómstundafulltrúa að skoða starfsmannamál íþróttahúsanna m.t.t. þess hvort þörf sé fyrir forstöðumenn á hverjum stað eða aðrar leiðir mögulegar og koma með tillögu til nefndarinnar. Jafnframt er honum falið að gera viðeigandi rástafanir í starfsmannamálum fyrir opnun íþróttahúss á Suðureyri.

5. Opnunarhátíð Gamla apóteksins. 2005-02-0018

Sagt frá því að Gamla apótekið, skrifstofa Evróvísi og frístundaskrifstofa verði opnuð með hátíð á fimmtudaginn 15. september n.k. kl. 17:00 Nefndarmönnum er boðið að mæta til hátíðarinnar.

6. Aðgengi að svæði Skotveiðifélagsins. 2005-02-0019

Rætt um möguleika til framkvæmda við aðgengi Skotveiðifélagsins að æfingasvæði sínu.

Íþrótta- og tómstundanefnd felur íþrótta- og tómstundafulltrúa að sækja um styrk til vegagerðarinnar til framkvæmda.

7. Bréf frá starfsmannafélagi GÍ.

Lagt fram bréf frá Rannveigu Þorvaldsdóttur, dags. 29. ágúst s.l., þar sem hún óskar eftir tíma í íþróttasalnum við Austurveg til jógaiðkunar fyrir kennara Ísafjarðarbæjar.

Íþrótta- og tómstundanefnd felur íþrótta- og tómstundafulltrúa að ræða við bréfrita.

8. Öryggisbúnaður á Skíðasvæði.

Lagt fram bréf frá formanni Skíðafélags Ísfirðinga, dags. 12. september s.l., þar sem ítrekuð er beiðni um að Ísafjarðarbær kaupi búnað af skíðafélaginu.

Íþrótta- og tómstundanefnd ítrekar fyrri bókun frá 32. fundi nefndarinnar. (Vísað til ákvörðunar í fjárhagsáætlun. Nefndin mælir með fjárveitingu.)

a. Tímasetningar funda. Rætt um fasta fundartíma nefndarinnar.

Ákveðið að íþrótta- og tómstundanefnd fundi 2. og 4. miðvikudag kl. 16:00

b. Fundarboðun. Samþykkt að fundarboðun verði mánudag fyrir fund og boðun send í tölvupósti ef mögulegt er.

c. Skíðasvæðið. Rætt um málefni skíðasvæðisins. Ákveðið að forstöðumaður skíðasvæðis mæti til fundar við nefndina og geri grein fyrir stöðunni á svæðinu bæði hvað varðar framkvæmdir og rekstur.

d. Starfsmenn. Íþrótta- og tómstundanefnd býður Jón Björnsson velkominn til starfa í stöðu íþrótta- og tómstundafulltrúa. Einnig boðin velkomin aftur til starfa Ingibjörg María Guðmundsdóttir og Skúla Ólafssyni þökkuð störf s.l. árs og óskað velfarnaðar í nýjum störfum.

Fleira ekki gert, fundargerð upp lesin og samþykkt. Fundi slitið kl. 17:55.

Bryndís Birgisdóttir, formaður.

Sturla Páll Sturluson. Guðríður Sigurðardóttir.

Guðríður Sigurðardóttir. Jón Hálfdán Pétursson.

Ingibjörg María Guðmundsdóttir. Jón Björnsson.