Árið 2005, þriðjudaginn 30. ágúst kl. 17:00 kom fræðslunefnd Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.
Mætt voru: Svanlaug Guðnadóttir, formaður; Kolbrún Sverrisdóttir, Elías Oddsson, Jens Kristmannsson og Óðinn Gestsson. Einnig mætt Iðunn Antonsdóttir, Ingibjörg María Guðmundsdóttir, starfsmenn Skóla- og fjölskylduskrifstofu og Halldór Halldórsson, bæjarstjóri.
Fundarritari var Ingibjörg María Guðmundsdóttir.

Skúli S. Ólafsson, fráfarandi forstöðumaður Skóla- og fjölskylduskrifstofu, kom inn á fund nefndarinnar í upphafi fundar. Þakkaði hann nefndarmönnum og öðrum viðstöddum fyrir samvinnu á þessu ári, sem hann hefur gengt starfi forstöðumanns Skóla- og fjölskylduskrifstofu Ísafjarðarbæjar. Nefndarmenn og aðrir viðstaddir þökkuðu Skúla samstarfið.

Mættir áheyrnarfulltrúar: Sigrún Sigvaldadóttir, fulltrúi foreldra og Sigríður Steinunn Axelsdóttir, fulltrúi kennara. Einnig mætt Jóna Benedikstdóttir og Skarphéðinn Jónsson, skólastjóar GÍ.

Rætt um stöðugildi almennra starfsmanna í GÍ. Lagt fram yfirlit frá skólastjórum um starfsheiti og starfshlutföll almennra starfsmanna. Einnig lögð fram samantekt sem skólastjóri hefur tekið saman um fyrirkomulag í matsal nemenda í fimm mismunandi skólum í öðrum sveitarfélögum.
Fræðslunefnd samþykkir að fela grunnskólafulltrúa og skólastjórum að fara yfir möguleika, til þess að mæta starfsmannaþörf skólans með því, að færa útgjöld á milli útgjaldaliða, stöðugilda og úthlutaðra kennslustunda, en þó þannig að heildarúgjöld skólans aukist ekki.

Fræðslunefnd frestar afgreiðslu málsins til vinnufundar nefndarinnar þann 27. september 2005 kl. 16:00.

Lagt fram bréf frá starfsmönnum við GÍ að Austurvegi 2, (Kaupfélaginu) dagsett 30. ágúst 2005, þar sem lýst er yfir óánægju með seinagang á framkvæmdum í húsinu.

Lagt fram til kynningar.

Mættur áheyrnarfulltrúi Sigríður Ragnarsdóttir, skólastjóri Tónalistarskóla Ísafjarðar.

Lagt fram bréf skólastjóra Tónlistarskóla Ísafjarðar, dagsett 27. júní s.l., þar sem fjallað er um endurgreiðslur Menntaskólans á Ísafirði vegna tónlistarkennslu framhaldsskólanema og ráðstöfun þeirra endurgreiðslna. Einnig lagt fram samkomulag milli Menntaskólans á Ísafirði, Tónlistarskóla Ísafjarðar, Listaskóla Rögnvaldar Ólafssonar og Tónlistarskóla Bolungarvíkur, um greiðslur fyrir tónlistarnám framhaldsskólanemenda frá 22. júní s.l.

Fræðslunefnd leggur til við bæjarráð að Tónlistarskólinn á Ísafirði fái að halda stöðugildi því sem lagt var til í niðurskurði fjárhagsáætlunar ársins þar sem skólinn hefur með tekjum frá M.Í. sparað það sem til var ætlast.
Fræðslunefnd samþykkir að taka málefni Tónlistarskóla til umfjöllunar á vinnufundi nefndarinnar í september n.k.

Elías Oddsson leggur fram eftirfarandi bókun. ,,Undirritaður fulltrúi í fræðslunefnd óskar hér með eftir upplýsingum um hvert hlutverk nefndarinnar er hvað varðar málefni tónlistarnáms skóla. Fram kom á fundi nefndarinnar í dag að ekki væri að fullu ljóst hvert hlutverk nefndarinnar er varðandi málefni t.d. Tónlistarskóla Ísafjarðar."

Fleira ekki gert og fundi slitið kl. 18:45.

Svanlaug Guðnadóttir, formaður.

Kolbrún Sverrisdóttir. Elías Oddsson.

Jens Kristmannsson. Óðinn Gestsson.

Halldór Halldórsson, bæjarstjóri. Iðunn Antonsdóttir, grunnskólafulltrúi.

Ingibjörg María Guðmundsdóttir, forstöðum. Skóla- og fjölskylduskrifstofu.