Árið 2005, þriðjudaginn 16. ágúst kl. 16:00 kom fræðslunefnd Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.
Mætt voru: Svanlaug Guðnadóttir, formaður; Kolbrún Sverrisdóttir; Elías Oddsson; Jens Kristmannsson; Iðunn Antonsdóttir, grunnskólafulltrúi; Skúli S. Ólafsson, forstöðumaður SFS; Sigurlína Jónasdóttir, leikskólafulltrúi og Sigríður Steinunn Axelsdóttir, fulltrúi kennara. Óðinn Gestsson boðaði forföll.
Fundarritari var Skúli S. Ólafsson

Sigurlína Jónasdóttir ræddi leikskólastefnuna sem unnin var í vetur. Nefndarmenn gerðu engar athugasemdir við stefnuna og skoðast hún samþykkt frá hendi nefndarinnar.

Rætt var um stöðu mála í leikskólum sveitarfélagsins. Almennt er staðan góð. Að venju eru nokkur ársgömul börn á biðlista á Ísafirði en laus pláss eru á Bakkaskjóli.

Farið var í gegnum hugmyndalista sem gengið hefur starfsmanna og nefndarmanna á milli á netinu undanfarið. Ákveðið var að ræða stefnuna í heild sinni á sérstökum vinnufundi í næstu eða þarnæstu viku.

Skarphéðinn Jónsson lagði fram Skýrslu um skólahald í GÍ. Sjá meðfylgjandi gögn.

Skarphéðinn Jónsson lagði fram Námsvísi 2005-2006 fyrir GÍ. Sjá meðfylgjandi gögn.

Skarphéðinn Jónsson lagði fram yfirlit yfir stöðugildi í GÍ. Sjá meðfylgjandi gögn. Þar er gert ráð fyrir 19,66 stg. sem er tæpum tveimur stg. meira en forsendur fjárhagsáætlunar ganga út frá. Vakin er athygli á því að 0,65 stg. liðveislu í Dægradvöl sem fram til þessa hafa verið skráð á félagsþjónustuna eru nú skráð á GÍ. Um leið fækkar því stg. við félagsþjónustuna sem því nemur. Með endurskipulagningu ræstingar hefur tekist að spara nokkurt fé auk þess sem deildarstjórum hefur fækkað um einn frá því sem var í fyrra. Skarphéðinn telur þörf skólans vera 20 stg og sé því þörfin yfir tveimur stg. meiri en krafist er í fjárhagsáætlun. Fræðslunefnd hyggst bíða eftir niðurstöðum greiningarstöðvar þar til frekari ályktanir verða gerðar.

Iðunn Antonsdóttir rakti niðurstöður fundar með skólastjórum varðandi tímaúthlutun. Niðurstöður eru óbreyttar m.v. það sem rætt var um í vor.

Iðunn gerði grein fyrir stöðu mála varðandi kennararáðningar. Staða mála við GÍ, GS og GÖ er með besta móti hvað varðar fjölda réttindakennara. Á Þingeyri á eftir að manna í eina og hálfa stöðu kennara.

Iðunn gerði grein fyrir umsóknum um flutning nemenda á milli skólahverfa.

Skúli S. Ólafsson kynnti greinargerð sína og Jóhanns Birkis Helgasonar bæjartæknifræðings um miðlægt mötuneytiseldhús í GÍ. Sjá meðfylgjandi gögn. Samningar verða undirritaðir miðvikudaginn 24. ágúst n.k.

Lagt fram til kynningar. Skólastjórar TÍ og LRÓ verða boðaðir til fundar með fræðslunefnd á næstunni.

Fleira ekki gert og fundi slitið kl. 18:40.

Svanlaug Guðnadóttir, formaður.

Kolbrún Sverrisdóttir Elías Oddsson

Jens Kristmannsson Skúli S. Ólafsson,

Sigríður Steinunn Axelsdóttir Iðunn Antonsdóttir