Árið 2005 mánudaginn 5. september kl. 16:00 kom byggingarnefnd um byggingu íþróttahúss á Suðureyri saman á tæknideild Ísafjarðarbæjar. Mættir voru: Bryndís Ásta Birgisdóttir, formaður, Svanlaug Guðnadóttir, Snorri Sturluson og Jóhann Birkir Helgason, bæjartæknifræðingur sem ritaði fundargerð.

1. Farið yfir stöðu mála, ljóst er að verkið hefur dregist mjög mikið. Byggingarnefndin hefur setið verkfundi eftirlits frá og með 30. maí sl. Á þeim fundi (21. verkfundur eftirlits) var rætt um áfangaskipingu á verkinu því ljóst var að ekki var hægt að setja parket á gólfið fyrr en í lok september. Ástæða þess er að rakastig gólfplötu þarf að vera komið undir 5 %. Þá var samþykkt að þeim áfanga yrði lokið fyrir 1. október. Á verkfundi eftirlits þann 5. júlí 2005 var samþykkt að verklok íþróttahússins yrðu 26. júlí 2005 án gólfefna.og staðfestir byggingarnefndin það hér með. Nefndin bendir á grein 24.5.1 í ÍST 30 þar segir:
,,Tafabætur skulu áætlaðar miðað við hugsanlegt tjón sem verkkaupi verður fyrir ef verktaki skilar ekki verki sínu á réttum tíma. Tafabætur reiknast fyrir hvern almanaksdag sem dregst að afhenda umsamið verk. Ef ákvæði eru í verksamningi um tafabætur þarf verkkaupi ekki að sanna tjón sitt."

Ljóst er töfin hefur valdið Ísafjarðarbæ talsverðu tjóni, t.d. hafa verkfundir orðið mun fleiri en gert var ráð fyrir með tilheyrandi kostnaði.

Fleira ekki gert og fundi slitið kl. 17:10

Bryndís Ásta Birgisdóttir, formaður.

Svanlaug Guðnadóttir. Snorri Sturluson.

Jóhann Birkir Helgason, bæjartæknifræðingur.